ಐಷಾರಾಮಿ ಕಾರು ಉತ್ಪಾದನಾ ಸಂಸ್ಥೆ ಲ್ಯಾಂಡ್ ರೋವರ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್ ತನ್ನ ರೇಂಜ್ ರೋವರ್ ಇವೋಕ್ ಕನ್ವೆರ್ಟಬಲ್ ಕಾರನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿದೆ. ಈ ಕಾರಿನ ಎಕ್ಸ್ ಶೋರೂಂ ಬೆಲೆ ಬರೋಬ್ಬರಿ 69.53 ಲಕ್ಷ ರೂ.ಗಳು.
ದೇಶದ ಮೊಟ್ಟಮೊದಲ ಕನ್ವೆರ್ಟಬಲ್ SUV ಇದಾಗಿದ್ದು, ಅತ್ಯಂತ ವಿಶಿಷ್ಟ ಗುಣ, ವಿಶೇಷತೆಗಳೊಂದಿಗೆ ಐಶಾರಾಮಿ ಕಾರು ಪ್ರಿಯರಿಗೆ ಮೆಚ್ಚುಗೆಯಾಗಲಿದೆ.
ಇನ್'ಕಂಟ್ರೋಲ್ ಟಚ್ ಪ್ರೊ ಇನ್ಫೋಟೆನ್ಮೆಂಟ್ ಸಿಸ್ಟಮ್ ಇದೆ.
ಕಾರಿನ ಮುಂಭಾಗದಲ್ಲಿ ಅಡಾಪ್ಟಿವ್ ಎಲ್ಇಡಿ ಹೆಡ್‍ಲೈಟ್ಸ್, 360ಡಿಗ್ರಿ ಕ್ಯಾಮೆರಾ ಇವೆ.
ಎರಡು ಬಾಗಿಲುಗಳ ವಿನ್ಯಾಸದಲ್ಲಿ ಲಭ್ಯವಿರುವ ಈ ಕಾರಿನ ಎಂಜಿನ್ ಮತ್ತು ಇನ್ನಿತರೆ ವೈಶಿಷ್ಟ್ಯತೆಗಳು ಸಾಧಾರಣ ರೇಂಜ್ ರೋವರ್ ಇವೊಕ್ ಕಾರಿನಂತೆಯೇ ಇವೆ.
ಈ ಕಾರಿನಲ್ಲಿ ಫೋಲ್ಡಿಂಗ್ ರೂಫ್ ವ್ಯವಸ್ಥೆಯಿದ್ದು, ಇದರಲ್ಲಿರುವ ರೂಫ್ ಅನ್ನು ಪಾಲಿಯಾಕ್ರಿಕ್ ಫ್ಯಾಬ್ರಿಕ್‌ನೊಂದಿಗೆ 5 ಪದರಗಳಿಂದ ವಿನ್ಯಾಸಗೊಳಿಸಲಾಗಿದೆ. ರೂಫ್ ಅನ್ನು Z ಫೋಲ್ಡಿಂಗ್ ಕನ್ವರ್ಟಬಲ್ ರೂಫ್ ಸಿಸ್ಟಮ್ ಮತ್ತು ನಾಲ್ಕು ಎಲೆಕ್ಟ್ರಿಕ್ ಮೋಟಾರ್‍‍ನಿಂದ ನಿಯಂತ್ರಿಸಬಹುದಾಗಿದೆ.
ಕಾರಿನ ಫ್ಯಾಬ್ರಿಕ್ ರೂಫ್‌ಗಳು ಕೇವಲ 18 ಸೆಕೆಂಡುಗಳಲ್ಲಿ ಮಡಚುವ ಸಾಮರ್ಥ್ಯವನ್ನು ಹೊಂದಿದ್ದು, ಗಂಟೆಗೆ ಗರಿಷ್ಠ 48 ಕಿಲೋಮೀಟರ್ ವೇಗದಲ್ಲಿ ಚಲಿಸುತ್ತಿರುವಾಗಲೂ ಈ ಕಾರಿನ ರೂಫ್ ಟಾಪ್ ಮಡಚಬಹುದು.
ಅಲ್ಲದೆ, ಕಾರಿನ ಒಳಭಾಗದ ವಿನ್ಯಾಸವೂ ಕೂಡ ಆಕರ್ಷಣೀಯವಾಗಿದ್ದು, ಇನ್'ಕಂಟ್ರೋಲ್ ಟಚ್ ಪ್ರೊ ಇನ್ಫೋಟೆನ್ಮೆಂಟ್ ಸಿಸ್ಟಮ್, ನಾಲ್ಕು ಆಸನವುಳ್ಳ ಬ್ಲಾಕ್ ಕ್ಯಾಬಿನ್, ನ್ಯಾವಿಗೇಷನ್ ಪ್ರೋ, ವಿಂಡ್‍ಸೋರ್ ಲೆದರ್ ಸೀಟ್, ಇಂಟೀರಿಯರ್ ಎಂಬಿಯೆಂಟ್ ಲೈಟಿಂಗ್ ಇದೆ.
ಈ ಕಾರು 2 ಲೀಟರ್ ಇಂಜಿನಿಯಂ ನಾಲ್ಕು ಸಿಲಿಂಡರ್ ಪೆಟ್ರೋಲ್ ಎಂಜಿನ್ ಪಡೆದಿದ್ದು, 237-ಬಿಹೆಚ್‍ಪಿ ಮತ್ತು 340-ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುವ ಶಕ್ತಿ ಹೊಂದಿದ್ದು, 9-ಸ್ಪೀಡ್ ಆಟೋಮ್ಯಾಟಿಕ್ ಗೇರ್‍‍ಬಾಕ್ಸ್ ಇರುವ ಎಂಜಿನ್ ಜೋಡಿಸಲಾಗಿದೆ.
ಈ ಕಾರು ಸಾಧಾರಣ ಮಾದರಿಗಿಂತ ಗಾತ್ರದಲ್ಲಿ ಸ್ವಲ್ಪ ದೊಡ್ಡದಾಗಿದ್ದು, 4370-ಎಂಎಂ ಉದ್ದ ಹೊಂದಿದೆ. ಇದರ ಎತ್ತರ ಮತ್ತು ಉದ್ದವು ಐದು ಬಾಗಿಲುಳ್ಳ ಸಾಧಾರಣ ಕಾರಿನ ಮಾದರಿಗಿಂತ ಕಡಿಮೆಯಿದ್ದು, 1,900-ಎಂಎಂ ಎತ್ತರ ಮತ್ತು 1,609-ಎಂಎಂ ಅಗಲ ಮತ್ತು 2,660-ಎಂಎಂ ವೀಲ್‍ಬೇಸ್ ಸುತ್ತಳತೆ ಹೊಂದಿದೆ.
