India Australia Controversy: ಭಾರತ ಮತ್ತು ಆಸ್ಟ್ರೇಲಿಯಾ ಟೆಸ್ಟ್ ಸರಣಿ ಪ್ರಾರಂಭವಾಗಲು ಇನ್ನೇನು ಕೆಲವೇ ದಿನಗಳು ಬಾಕಿ ಉಳಿದಿವೆ. ಪ್ರದರ್ಶನದಲ್ಲಿ ಉತ್ತಮ ಗುಣಮಟ್ಟದ ಕ್ರಿಕೆಟ್ ಹೊರತುಪಡಿಸಿ, ಇನ್ನೊಂದು ವಿಷಯಕ್ಕೆ ಈ ಉಭಯ ತಂಡಗಳು ಪ್ರಸಿದ್ಧಿ ಪಡೆದಿವೆ. ಅದೇನೆಂದರೆ ವಿವಾದ. ಭಾರತವು ಆಸೀಸ್‌ಗೆ ಆತಿಥ್ಯ ವಹಿಸಲಿ ಅಥವಾ ಆಸೀಸ್ ಭಾರತಕ್ಕೆ ಆತಿಥ್ಯ ವಹಿಸಲಿ ಅಲ್ಲಿ ಕೋಪ, ವಿವಾದ ಭುಗಿಲೇಳದೆ ಇರದು. ಅಂತಹ ಪ್ರಮುಖ ವಿವಾದಗಳ ಬಗ್ಗೆ ನಾವಿಂದು ಮಾಹಿತಿ ನೀಡಲಿದ್ದೇವೆ.
ಆಸ್ಟ್ರೇಲಿಯದಲ್ಲಿ 2012ರಲ್ಲಿ ಟೆಸ್ಟ್ ನಡೆಯುತ್ತಿತ್ತು. ಈ ಸಂದರ್ಭದಲ್ಲಿ ಪ್ರೇಕ್ಷಕನೊಬ್ಬ ವಿರಾಟ್ ಕೊಹ್ಲಿಯನ್ನು ಗೇಲಿ ಮಾಡುತ್ತಿದ್ದ. ಇದನ್ನು ಕಂಡ ಕೊಹ್ಲಿ ಕೋಪದಿಂದ ಮಧ್ಯದ ಬೆರಳು ತೋರಿಸಿದ್ದರು. ಈ ಘಟನೆ ಆಸ್ಟ್ರೇಲಿಯಾದ ಎಲ್ಲಾ ಮಾಧ್ಯಮಗಳಲ್ಲಿ ಪ್ರಸಾರವಾಯಿತು, ಇನ್ನು ಮೈದಾನದಲ್ಲಿದ್ದ ಮ್ಯಾಚ್ ರೆಫರಿ ರಂಜನ್ ಮದುಗಲೆ ಕೊಹ್ಲಿ ಅವರನ್ನು ಕರೆದು ತರಾಟೆಗೆ ತೆಗೆದುಕೊಂಡಿದ್ದರು. ಅಷ್ಟೇ ಅಲ್ಲದೆ, ಕೆಲವು ಟೆಸ್ಟ್‌ಗಳಿಗೆ ಅವರನ್ನು ಬಹುತೇಕ ನಿಷೇಧಿಸಿದರು.
2021ರ ಸಿಡ್ನಿ ಟೆಸ್ಟ್‌ನಲ್ಲಿ ಭಾರತೀಯ ವೇಗಿ ಮೊಹಮ್ಮದ್ ಸಿರಾಜ್ ಡೀಪ್‌ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದಾಗ ಅಭಿಮಾನಿಗಳು ಅವರನ್ನು ಜನಾಂಗೀಯ ನಿಂದನೆ ಮಾಡಿದರು. ಜಸ್ಪ್ರೀತ್ ಬುಮ್ರಾ ಕೂಡ ಇದೇ ರೀತಿ ದೂರು ನೀಡಿದ್ದರು. ಈ ಸಂದರ್ಭದಲ್ಲಿ ಅಂಪೈರ್‌ಗಳು ಮಧ್ಯಪ್ರವೇಶಿಸಿದರು. ಭಾರತ ತಂಡ ಮ್ಯಾಚ್ ರೆಫರಿ ಡೇವಿಡ್ ಬೂನ್ ಅವರಿಗೆ ಅಧಿಕೃತ ದೂರು ನೀಡಿತ್ತು. ಜೊತೆಗೆ ಸಂದರ್ಶಕರಿಗೆ ಅವರು ಪಂದ್ಯವನ್ನು ತೊರೆಯಬಹುದು ಎಂದು ತಿಳಿಸಲಾಯಿತು. ಆದರೆ ಭಾರತ ತಂಡದ ನಾಯಕ ಅಜಿಂಕ್ಯ ರಹಾನೆ ಆಟವನ್ನು ಮುಂದುವರಿಸಲು ನಿರ್ಧರಿಸಿದರು. ಹನುಮ ವಿಹಾರಿ ಮತ್ತು ಆರ್ ಅಶ್ವಿನ್ ಅವರ ಸಾಹಸದಿಂದ ಆ ಟೆಸ್ಟ್ ಪಂದ್ಯವನ್ನು ಭಾರತ ಡ್ರಾ ಮಾಡಿಕೊಂಡಿತು ಮತ್ತು ನಂತರ ಸರಣಿಯನ್ನು ಗೆದ್ದಿತು.
ಭಾರತದ ದಂತಕಥೆ ಸುನಿಲ್ ಗವಾಸ್ಕರ್ ಯಾವ ವಿಷಯವನ್ನು ತೆಗೆದುಕೊಂಡು ಮುಂದೆ ಹೋಗುವವರಲ್ಲ. ಎಂತಹದ್ದೇ ವಿಚಾರವಿರಲಿ ಅಲ್ಲೇ ಡ್ರಾ ಅಲ್ಲೇ ಬಹುಮಾನ ಎನ್ನುವಂತೆ ಇರುವವರು. 1981ರಲ್ಲಿ ಭಾರತ ಮತ್ತು ಆಸ್ಟ್ರೇಲಿಯ ನಡುವಿನ MCG ಟೆಸ್ಟ್‌ನಲ್ಲಿ, ಬ್ಯಾಟರ್‌ಗಳಿಗೆ ಸ್ಲೆಡ್ಜಿಂಗ್‌ಗೆ ಹೆಸರುವಾಸಿಯಾಗಿದ್ದ ಆಸೀಸ್ ವೇಗಿ ಡೆನ್ನಿಸ್ ಲಿಲ್ಲಿ, ಭಾರತದ ಆರಂಭಿಕ ಆಟಗಾರ ಮತ್ತು ಅವರ ಸಹ ಆಟಗಾರನನ್ನು ನಿಂದಿಸಿದರು. ಈ ಸಂದರ್ಭದಲ್ಲಿ ಬ್ಯಾಟಿಂಗ್ ಪಾರ್ಟನರ್ ಚೇತನ್ ಚೌಹಾನ್ ಅವರನ್ನು ಮೈದಾನದಿಂದ ಹೊರಗೆ ಹೋಗುವಂತೆ ಮತ್ತು ಪಂದ್ಯವನ್ನು ನಿಲ್ಲಿಸುವಂತೆ ಕೇಳಿಕೊಂಡರು. ತಂಡದ ಮ್ಯಾನೇಜರ್ ಶಾಹಿದ್ ದುರಾನಿ ಮತ್ತು ಸಹಾಯಕ ವ್ಯವಸ್ಥಾಪಕ ಬಾಪು ನಾಡಕರ್ಣಿ ಮಧ್ಯಪ್ರವೇಶಿಸಿದ ಬಳಿಕ ವಿಷಯಗಳು ಶಾಂತವಾದವು.
ಸ್ಟೀವ್ ಸ್ಮಿತ್ ಅವರು 2017 ರಲ್ಲಿ ಆಸ್ಟ್ರೇಲಿಯಾದ ನಾಯಕರಾಗಿದ್ದರು. ಅವರು ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿಗಾಗಿ ಭಾರತಕ್ಕೆ ಪ್ರವಾಸ ಕೈಗೊಂಡಾಗ ಬೆಂಗಳೂರು ಟೆಸ್ಟ್‌ನಲ್ಲಿ, ನಿಯಮ ಪುಸ್ತಕದಲ್ಲಿ ಇಲ್ಲದ ವಿಷಯ ತೆಗೆದುಕೊಂಡು ಬಂದು ಆಟವಾಡಲು ಪ್ರಯತ್ನಿಸಿದರು. ಇದು ಅಂಪೈರ್ ಮತ್ತು ಭಾರತ ನಾಯಕ ವಿರಾಟ್ ಕೊಹ್ಲಿ ಅಸಮಾಧಾನಕ್ಕೆ ಕಾರಣವಾಯಿತು.
2008 ರ ಸಿಡ್ನಿ ಟೆಸ್ಟ್‌ನಲ್ಲಿ, ಆಸ್ಟ್ರೇಲಿಯಾದ ದಿವಂಗತ ಆಲ್‌ರೌಂಡರ್ ಆಂಡ್ರ್ಯೂ ಸೈಮಂಡ್ಸ್ ಅವರು ಭಾರತದ ಸ್ಪಿನ್ನರ್ ಹರ್ಭಜನ್ ಸಿಂಗ್ ಅವರ ಮೇಲೆ ಜನಾಂಗೀಯ ನಿಂದನೆ ಮಾಡಿದ್ದಾರೆ ಎಂದು ಆರೋಪಿಸಿದ್ದರು. ಭಜ್ಜಿ ಅವರನ್ನು 'ಮಂಕಿ' ಎಂದು ಕರೆದರು ಎಂದು ಸೈಮಂಡ್ಸ್ ಹೇಳಿದ್ದರು, ಆದರೆ ಸ್ಪಿನ್ನರ್ ಭಜ್ಜಿ ನಾನು 'ತೇರಿ ಮಾ ಕಿ' ಎಂದು ಹೇಳಿದ್ದಾಗಿ ಸ್ಪಷ್ಟನೆ ಕೊಟ್ಟರು.ಇದು ಸಾಮಾನ್ಯವಾಗಿ ಬಳಸುವ ಭಾರತೀಯ ಪದವಾಗಿದೆ. ಈ ವಿಷಯವು ಫೆಡರಲ್ ನ್ಯಾಯಾಲಯಕ್ಕೆ ಕೂಡ ಹೋಯಿತು., ಅಲ್ಲಿ ನ್ಯಾಯಾಧೀಶರು ಹರ್ಭಜನ್ ಅವರನ್ನು ಕ್ರೀಡೆಯಿಂದ ನಿಷೇಧಿಸಲು ಯಾವುದೇ ಪುರಾವೆಗಳನ್ನು ಇಲ್ಲ. ಇದಾದ ಬಳಿಕ ಇದನ್ನು ಜನಪ್ರಿಯವಾಗಿ ಮಂಕಿ ಗೇಟ್ ಹಗರಣ ಎಂದು ಕರೆಯಲಾಯಿತು. ನಂತರ, ಭಜ್ಜಿ ಮತ್ತು ಸೈಮಂಡ್ಸ್ ಅವರು ಐಪಿಎಲ್‌ನಲ್ಲಿ ಮುಂಬೈ ಇಂಡಿಯನ್ಸ್‌ಗಾಗಿ ಆಡಲು ಪ್ರಾರಂಭಿಸಿದಾಗ ಸ್ನೇಹಿತರಾದರು.
