Famous Actress: 50 ರ ದಶಕದ ಅತ್ಯಂತ ಸುಂದರ ನಟಿ ನಳಿನಿ ಜಯವಂತ್ ಅವರ ಕಾಲದಲ್ಲಿ ಹಿಂದಿ ಚಿತ್ರರಂಗವನ್ನೇ ಆಳಿದರು. ನಟಿ ತನ್ನ ಹದಿಹರೆಯದ ವಯಸ್ಸಿನಲ್ಲಿ ಬಾಲಿವುಡ್‌ ಪ್ರವೇಶಿಸಿದರು..
ನಳಿನಿ ನಟನಾ ಕೌಶಲ್ಯ ಮತ್ತು ಸೌಂದರ್ಯವು ಅವರನ್ನು ಆ ಯುಗದ ಅತ್ಯಂತ ಜನಪ್ರಿಯ ನಟಿಯರಲ್ಲಿ ಒಬ್ಬರನ್ನಾಗಿ ಮಾಡಿತು. ಹಿಂದಿ ಚಲನಚಿತ್ರಗಳ ಅತ್ಯಂತ ಸುಂದರ ನಟಿ ಎಂಬ ಬಿರುದು ಪಡೆದ ನಟಿ, ಆದರೆ ಕೆಲವು ವರ್ಷಗಳ ಬಳಿಕ ನಂತರ ಸಾರ್ವಜನಿಕರ ಕಣ್ಣಿನಿಂದ ಕಣ್ಮರೆಯಾದರು. ದುರದೃಷ್ಟವಶಾತ್, ಅವರ ಸಾವು ಸಹ ಗಮನಕ್ಕೆ ಬರಲಿಲ್ಲ..
ನಳಿನಿ ಜಯವಂತ್ ಅವರು ಬೆಹೆನ್ (1941) ಮತ್ತು ಅನೋಖಾ ಪ್ಯಾರ್ (1948) ನಂತಹ ಸಿನಿಮಾಗಳಿಂದ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಟಾಪ್ ನಟರು ಮತ್ತು ನಿರ್ದೇಶಕರೊಂದಿಗೆ ಕೆಲಸ ಮಾಡುವ ಮೂಲಕ, ಅವರು ತಮ್ಮ ಕಾಲದ ಟಾಪ್ ನಟಿಯರಲ್ಲಿ ಒಬ್ಬರಾದರು. ಹಲವು ಚಿತ್ರಗಳಲ್ಲಿ ಅವರ ನಟನೆಗೆ ಮೆಚ್ಚುಗೆ ವ್ಯಕ್ತವಾಗಿತ್ತು. 1950 ರ ದಶಕದಲ್ಲಿ, ಫಿಲ್ಮ್‌ಫೇರ್ ಸೌಂದರ್ಯ ಸಮೀಕ್ಷೆಯನ್ನು ನಡೆಸಿತು, ಅದರಲ್ಲಿ ನಳಿನಿ ಮೊದಲ ಸ್ಥಾನ ಪಡೆದರು. ಸೌಂದರ್ಯದ ವಿಷಯದಲ್ಲಿ ಮಧುಬಾಲಾಳನ್ನೂ ಸೋಲಿಸುತ್ತಿದ್ಗದಳು ಈ ನಟಿ...
ನಳಿನಿ ಜಯವಂತ್ ಮಹಾರಾಷ್ಟ್ರದಲ್ಲಿ ಜನಿಸಿದರು. ಬಾಲ್ಯದಿಂದಲೂ, ಅವರು ನೃತ್ಯ ಮತ್ತು ಸಂಗೀತದಲ್ಲಿ ಬಹಳ ಒಲವು ಹೊಂದಿದ್ದರು. ಆದ್ದರಿಂದ ಅವರು ಕಥಕ್ ಮತ್ತು ಶಾಸ್ತ್ರೀಯ ಸಂಗೀತವನ್ನೂ ಕಲಿತರು. ನಳಿನಿ ಚಿತ್ರವನ್ನು ರಾಧಿಕ್ ಚಿಮನ್‌ಲಾಲ್ ಅವರ ಪುತ್ರ ವೀರೇಂದ್ರ ದೇಸಾಯಿ ನಿರ್ದೇಶಿಸಿದ್ದಾರೆ. ಮೊದಲೇ ಒಂದು ಮದುವೆಯಾಗಿದ್ದ ವೀರೇಂದ್ರ ಅವರನ್ನು 1945 ರಲ್ಲಿ ನಳಿನಿ ಅವರನ್ನು ವಿವಾಹವಾದರು.
ಇದರಿಂದ ವೀರೇಂದ್ರನ ಜೊತೆಗೆ ನಳಿನಿ ಕೂಡ ಅವನ ನಿರ್ಧಾರದ ಪರಿಣಾಮವನ್ನು ಅನುಭವಿಸಬೇಕಾಯಿತು. ಇಬ್ಬರನ್ನೂ ದೇಸಾಯಿ ಕುಟುಂಬ ಮತ್ತು ಕಂಪನಿಯಿಂದ ಹೊರಹಾಕಲಾಯಿತು. ಇಬ್ಬರೂ ಮಲಾಡ್‌ನಲ್ಲಿ ಬಾಡಿಗೆ ಕೊಠಡಿಯಲ್ಲಿ ವಾಸಿಸಲು ಪ್ರಾರಂಭಿಸಿದರು. ಕ್ರಮೇಣ ನಳಿನಿಗೆ ಆಫರ್‌ ಕಡಿಮೆಯಾದವು..
ಈ ಎಲ್ಲಾ ಕಾರಣಗಳಿಂದ ಇಬ್ಬರ ನಡುವೆ ಟೆನ್ಶನ್ ಜಾಸ್ತಿಯಾಗಿ ಇನ್ನು ಜೊತೆಯಾಗಿ ಬಾಳುವುದು ಕಷ್ಟ ಎಂದು ಇಬ್ಬರೂ ನಿರ್ಧರಿಸುವ ಸಂದರ್ಭ ಬಂದಿತ್ತು. ಮದುವೆಯಾದ ಮೂರೇ ವರ್ಷದಲ್ಲಿ ಇಬ್ಬರೂ ಬೇರೆಯಾದರು. ನಂತರ ಅವರು ನಟ ಪ್ರಭು ದಯಾಳ್ ಅವರನ್ನು ವಿವಾಹವಾದರು.
ಪ್ರಭು ದಯಾಳ್ ಹಿಂದಿ ಸಿನಿಮಾಗಳ ಪ್ರಸಿದ್ಧ ನಟರಾಗಿದ್ದರು.. ನಳಿನಿ ಜಯವಂತ್ ಅವರೊಂದಿಗೆ ಅನೇಕ ಚಲನಚಿತ್ರಗಳಲ್ಲಿ ಕೆಲಸ ಮಾಡಿದ್ದರು. ಆದರೆ ಚಿತ್ರರಂಗಕ್ಕೆ ಹೊಸ ನಟಿಯರ ಪ್ರವೇಶದೊಂದಿಗೆ ಅವರ ವೃತ್ತಿಜೀವನವು ಅಧೋಗತಿಗೆ ಹೋಗಲಾರಂಭಿಸಿತು.
1950 ಮತ್ತು 1960 ರ ದಶಕದ ಅಂತ್ಯದ ವೇಳೆಗೆ ಅವರು ಕ್ರಮೇಣ ಜನಮನದಿಂದ ದೂರ ಸರಿಯುತ್ತಾರೆ. 1983 ರಲ್ಲಿ, ಅವರು ನಾಸ್ತಿಕ್ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್ ಅವರ ತಾಯಿಯ ಪಾತ್ರವನ್ನು ನಿರ್ವಹಿಸಿದರು. ಆದರೆ ಅವರಿಗೆ ಈ ಶೈಲಿಯ ಪಾತ್ರಗಳು ಇಷ್ಟವಾಗದೆ ಚಿತ್ರರಂಗಕ್ಕೆ ವಿದಾಯ ಹೇಳಿದರು.
ನಳಿನಿ ಜಯವಂತ್ ಅವರು 22 ಡಿಸೆಂಬರ್ 2010 ರಂದು ತಮ್ಮ 84 ನೇ ವಯಸ್ಸಿನಲ್ಲಿ ಮುಂಬೈನ ಚೆಂಬೂರಿನ ಯೂನಿಯನ್ ಪಾರ್ಕ್‌ನಲ್ಲಿರುವ ಅವರ ಬಂಗಲೆಯಲ್ಲಿ ನಿಧನರಾದರು. 2001ರಲ್ಲಿ ಆಕೆಯ ಪತಿ ಪ್ರಭು ದಯಾಳ್‌ನ ಮರಣದ ನಂತರ ನಟಿ ಮನೆಯಿಂದ ಹೊರಬರದೇ ಅಲ್ಲೇ ಸಾವನ್ನಪ್ಪಿದಳು.. ಮೂರು ದಿನಗಳ ಕಾಲ ಆಕೆಯ ಸಾವು ಗಮನಕ್ಕೆ ಬಂದಿಲ್ಲ. ಅವರ ಸಂಬಂಧಿಕರು ಕೂಡ ಬಹಳ ದಿನಗಳಿಂದ ಸಂಪರ್ಕ ಕಳೆದುಕೊಂಡಿದ್ದರು.
