ವಿಶ್ವದ ಜನಪ್ರಿಯ ಆಟಗಳ ಪಟ್ಟಿಯಲ್ಲಿ ಮೂರನೇ ಸ್ಥಾನ ಗಿಟ್ಟಿಸುವಲ್ಲಿಯೂ PUBG ವಿಫಲವಾಗಿದೆ.
ನವದೆಹಲಿ : PUBG ಮೊಬೈಲ್ ವಿಶ್ವದ ನಂಬರ್ ಒನ್ ಆಟ ಎಂದೇ ಅನೇಕರು ಭಾವಿಸಿರುತ್ತಾರೆ. ಆದರೆ ವಿಶ್ವದ ಮೊದಲ ಮೂರು ಜನಪ್ರಿಯ ಮೊಬೈಲ್ ಗೇಮ್ ನ ಪಟ್ಟಿಯಲ್ಲಿಯೂ PUBG ಸ್ಥಾನ ಪಡೆದಿಲ್ಲ. ವಿಶ್ವದಲ್ಲಿ ಅತಿ ಹೆಚ್ಚು ಆಡುವ ಮೊಬೈಲ್ ಗೇಮ್ ಯಾವುದು ಎಂಬ ಮಾಹಿತಿಯನ್ನು ನಾವು ನೀಡುತ್ತೇವೆ..
ವಿಶ್ವದಲ್ಲಿ ಅತಿಹೆಚ್ಚು ಅಡುವ ಮೂರು ಮೊಬೈಲ್ ಗೇಮ್ನ ಪಟ್ಟಿಯಲ್ಲಿ PUBG ಸ್ಥಾನಪಡೆದಿಲ್ಲ. 2020 ರ ಅತ್ಯಂತ ಜನಪ್ರಿಯ ಆಟಗಳ ಪಟ್ಟಿಯಲ್ಲಿPUBG ಹಿಂದುಳಿದಿದೆ. ಡೌನ್‌ಲೋಡ್‌ಗಳು ಮತ್ತು ಗಳಿಕೆಗಳ ಆಧಾರದಲ್ಲಿ ಇತರ ಹಲವು ಆಟಗಳು PUBG ಯನ್ನು ಮೀರಿಸಿದೆ ಎಂದು Apptopia ತನ್ನ ಹೊಸ ವರದಿಯಲ್ಲಿ ಬಹಿರಂಗಪಡಿಸಿದೆ.
Among Us ಹೆಸರು ಹೊಸತರಂತೆ ಅನಿಸಬಹುದು. ಆದರೆ Among Us ಈಗ ವಿಶ್ವದ ಅತ್ಯಂತ ಜನಪ್ರಿಯ ಆಟವಾಗಿದೆ. Among Us 2020 ರ ಅತ್ಯಂತ ಜನಪ್ರಿಯ ಗೇಮ್ ಎಂದು Apptopia ತನ್ನ ವರದಿಯಲ್ಲಿ ಹೇಳಿದೆ. ಕಳೆದ ವರ್ಷ, ಇದನ್ನು ಸುಮಾರು 26.4 ಮಿಲಿಯನ್ ಮಂದಿ ಡೌನ್ಲೋಡ್ ಮಾಡಿಕೊಂಡಿದ್ದಾರೆ. ಯುಎಸ್ ಒಂದರಲ್ಲೇ ಸುಮಾರು 4.1 ಕೋಟಿ ಜನರು ಇದನ್ನು ಡೌನ್ಲೋಡ್ ಮಾಡಿದ್ದಾರೆ.
ಇನ್ನೂ ಕುತೂಹಲಕಾರಿ ಸಂಗತಿಯೆಂದರೆ, ಡೆನ್ಮಾರ್ಕ್‌ನ Subway Surfers ಅತ್ಯುತ್ತಮ ಆಟಗಳ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಈ ಆಟವನ್ನು ವಿಶ್ವಾದ್ಯಂತ 227 ಮಿಲಿಯನ್ ಬಾರಿ ಡೌನ್ಲೋಡ್ ಮಾಡಲಾಗಿದೆ.
Garena Free Fire ಕೂಡಾ PUBG ಶೈಲಿಯ ಗೇಮ್ ಆಗಿದೆ. ಆದರೆ Garena Free Fire ಗೇಮ್ PUBG ಗಿಂತ ಹೆಚ್ಚು ಮೆಚ್ಚುಗೆ ಪಡೆದಿದೆ. 2020 ರಲ್ಲಿ, ಇದನ್ನು 21.8 ಮಿಲಿಯನ್ ಬಾರಿ ಡೌನ್ಲೋಡ್ ಮಾಡಲಾಗಿದೆ.
ಕಳೆದ ವರ್ಷ, PUBGಯನ್ನು 17.5 ಕೋಟಿ ಜನ ಡೌನ್ಲೋಡ್ ಮಾಡಿದ್ದಾರೆ. ಭಾರತ-ಚೀನಾ ಗಡಿ ವಿವಾದದ ನಂತರ, ಭಾರತದಲ್ಲಿ ನಿಷೇಧಿಸಲಾದ PUBG ಮೊಬೈಲ್ ಅಪ್ಲಿಕೇಶನ್‌ನ ನೇರ ಪರಿಣಾಮವನ್ನು ಇಲ್ಲಿ ಕಾಣಬಹುದು. ಕಂಪನಿಯು ಮತ್ತೆ ಭಾರತದಲ್ಲಿ PUBG ರಿಲಾಂಚ್ ಮಾಡುವ ಎಲ್ಲಾ ಪ್ರಯತ್ನವನ್ನೂ ನಡೆಸುತ್ತಿದೆ. ಆದರೆ ಸದ್ಯಕ್ಕೆ ಇದು ಸಾಧ್ಯವಾಗದ ಮಾತು ಎನ್ನಲಾಗಿದೆ.
