ತನ್ನ ಹುಟ್ಟುಹಬ್ಬದ ದಿನದಂದು ಈ ಖ್ಯಾತ ನಟನ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡ Jwala Gutta

ಭಾರತದ ಖ್ಯಾತ ಬ್ಯಾಡ್ಮಿಂಟನ್ ತಾರೆ ಜ್ವಾಲಾ ಗುಟ್ಟಾ (Jwala Gutta) ತನ್ನ 37 ನೇ ಜನ್ಮ ದಿನವಾದ ಇಂದು ಖ್ಯಾತ ತಮಿಳು ನಟ ವಿಷ್ಣು ವಿಶಾಲ್ ಜೊತೆಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾಳೆ.

ನವದೆಹಲಿ: ಖ್ಯಾತ ಬ್ಯಾಡ್ಮಿಂಟನ್ ತಾರೆ ಜ್ವಾಲಾ ಗುಟ್ಟಾ  (Jwala Gutta)​  ಸೆಪ್ಟೆಂಬರ್ 7 ರಂದು ಅಂದರೆ ಇಂದು ತನ್ನ 37ನೇ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿದ್ದಾರೆ. ಈ ವಿಶೇಷ ದಿನದಂದು ಜ್ವಾಲಾ ತನ್ನ ಅಭಿಮಾನಿಗಳಿಗೆ ವಿಶಿಷ್ಟ ಉಡುಗೊರೆಯೊಂದನ್ನು ನೀಡಿದ್ದಾರೆ. ಹೌದು, ದಕ್ಷಿಣ ಚಿತ್ರರಂಗದ ಸೂಪರ್ ಸ್ಟಾರ್ ನಟ ವಿಷ್ಣು ವಿಶಾಲ್ ಜೊತೆಗೆ ಜ್ವಾಲಾ ಇಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಈ ಕುರಿತು ಜ್ವಾಲಾ ತನ್ನ ಸಾಮಾಜಿಕ ಮಾಧ್ಯಮದ ಮೂಲಕ ಅಭಿಮಾನಿಗಳಿಗೆ ಮಾಹಿತಿ ನೀಡಿದ್ದು, ಅಭಿಮಾನಿಗಳು ಕೂಡ ಈ ಉಭಯರಿಗೆ  ತುಂಬು ಹೃದಯದಿಂದ ಅಭಿನಂದಿಸುತ್ತಿದ್ದಾರೆ.  ಜ್ವಾಲಾ ಗುಟ್ಟಾ ಭಾರತೀಯ ಕ್ರೀಡಾ ಜಗತ್ತಿನ ಜನಪ್ರೀಯ ಪ್ರಶಸ್ತಿಯಾಗಿರುವ ಅರ್ಜುನ್ ಅವಾರ್ಡ್ ಅನ್ನು ತನ್ನದಾಗಿಸಿಕೊಂಡಿದ್ದಾರೆ ಎಂಬುದು ಇಲ್ಲಿ ಉಲ್ಲೇಖನೀಯ.

ಜ್ವಾಲಾ ಹಾಗೂ ವಿಷ್ಣು ವಿಶಾಲ್ ಪರಸ್ಪರ ಡೇಟ್ ನಡೆಸುತ್ತಿದ್ದರು
ಕಳೆದ ಸಾಕಷ್ಟು ಸಮಯದಿಂದ ಜ್ವಾಲಾ ಗುಟ್ಟಾ ಹಾಗೂ ವಿಷ್ಣು ವಿಶಾಲ್ ಪರಸ್ಪರ ಡೇಟ್ ನಡೆಸುತ್ತಿದ್ದರು. ಹಲವು ಕಾರ್ಯಕ್ರಮಗಳಲ್ಲಿ ಈ ಉಬಯರನ್ನು ಒಟ್ಟಿಗೆ ಗಮನಿಸಲಾಗಿದೆ. ಇಂದು ತನ್ನ 37 ನೇ ಜನ್ಮ ದಿನದ ಅಂಗವಾಗಿ ಜ್ವಾಲಾ, ವಿಷ್ಣು ವಿಶಾಲ್ ಜೊತೆಗಿನ ತನ್ನ ಸಂಬಂಧವನ್ನು ನಿಶ್ಚಿತಾರ್ಥ ಮಾಡಿಕೊಳ್ಳುವ ಮೂಲಕ ಅಧಿಕೃತಗೊಳಿಸಿದ್ದಾರೆ. ಈ ಕುರಿತಾದ ಕೆಲ ಭಾವಚಿತ್ರಗಳನ್ನು ತನ್ನ ಟ್ವಿಟ್ಟರ್ ಹ್ಯಾಂಡಲ್ ನಲ್ಲಿ ಹಂಚಿಕೊಳ್ಳುವ ಮೂಲಕ ಜ್ವಾಲಾ ಗುಟ್ಟಾ ಈ ಮಾಹಿತಿ ನೀಡಿದ್ದಾರೆ. 

2011ರ ವಿಶ್ವ ಚಾಂಪಿಯನ್ಶಿಪ್ ನ ಡಿಡಬ್ಲ್ಯೂ ಸರ್ಕಿಟ್ ನಲ್ಲಿ ಜ್ವಾಲಾ ಭಾರತಕ್ಕೆ ಕಂಚಿನ ಪದಕ ಗೆದ್ದುತಂದಿದ್ದಾರೆ. 2010 ಮತ್ತು 2014ರ ಕಾಮನ್ ವೆಲ್ತ್ ಕ್ರೀಡಾಕೂಟದಲ್ಲಿ ಜ್ವಾಲಾ ಕ್ರಮೇಣ ಚಿನ್ನ ಮತ್ತು ಬೆಳ್ಳಿಯ ಪದಕ ಗೆದ್ದಿದ್ದಾರೆ.  2005 ರಲ್ಲಿ ಜ್ವಾಲಾ, ಬ್ಯಾಡ್ ಮಿಂಟನ್ ಆಟಗಾರ ಚೇತನ್ ಆನಂದ್ ಜೊತೆಗೆ ವಿವಾಹವಾಗಿದ್ದರು. ಆದರೆ, 2011 ರಲ್ಲಿ ಅವರು ಚೇತನ್ ಆನಂದ್ ಅವರಿಂದ ವಿವಾಹ ವಿಚ್ಛೇದನೆ ಪಡೆದುಕೊಂಡಿದ್ದಾರೆ. 

N dis happened last nite n what a beautiful surprise it was!
Today when I think of my life what a journey it has been n 2day I realise there is so much more to luk forward to!Towards our family,Aryan,friends and work!its gonna be another great journey am sure ❤️🥂😘 pic.twitter.com/qjqVkK6CWo

— Gutta Jwala (@Guttajwala) September 7, 2020

ವಿಷ್ಣು ವಿಶಾಲ್ ಕುರಿತು ಹೇಳುವುದಾದರೆ, ತಮಿಳು ಚಿತ್ರದ ಮೆಗಾ ಸ್ಟಾರ್ ಗಳಲ್ಲಿ ವಿಷ್ಣು ಹೆಸರೂ ಕೂಡ ಶಾಮೀಲಾಗಿದೆ. ತನ್ನ ಅದ್ಭುತ ನಟನೆಯ ಮೂಲಕ ದಕ್ಷಿಣ ಚಿತ್ರರಂಗದಲ್ಲಿ ವಿಷ್ಣು ತನ್ನದೇ ಆದ ಛಾಪು ಒತ್ತಿದ್ದಾರೆ.