ಆಸ್ಪತ್ರೆಯಿಂದ ಇಂದು ಸೌರವ್ ಗಂಗೂಲಿ ಬಿಡುಗಡೆ ಸಾಧ್ಯತೆ

file photo

ನವದೆಹಲಿ: ಬಿಸಿಸಿಐ ಮುಖ್ಯಸ್ಥ ಸೌರವ್ ಗಂಗೂಲಿ ಆರೋಗ್ಯ ಸ್ಥಿರವಾಗಿದ್ದು, ಅವರ ಮೇಲೆ ನಡೆಸಬೇಕಾದ ವೈದ್ಯಕೀಯ ಪರೀಕ್ಷೆಗಳ ಫಲಿತಾಂಶಗಳು ಸಾಮಾನ್ಯ ಸ್ಥಿತಿಗೆ ಬಂದರೆ ಅವರನ್ನು ಶನಿವಾರ ಆಸ್ಪತ್ರೆಯಿಂದ ಬಿಡುಗಡೆ ಮಾಡುವ ಸಾಧ್ಯತೆಯಿದೆ ಎನ್ನಲಾಗಿದೆ.

ಇದನ್ನೂ ಓದಿ: ಆಂಜಿಯೋಪ್ಲ್ಯಾಸ್ಟಿಗೆ ಒಳಗಾದ ಸೌರವ್ ಗಂಗೂಲಿ, ಮತ್ತೆರಡು ಸ್ಟಂಟ್ ಅಳವಡಿಕೆ

'ಗಂಗೂಲಿಯ ಆರೋಗ್ಯ ಸ್ಥಿತಿ ಸ್ಥಿರವಾಗಿದೆ.ಅವರು ಶುಕ್ರವಾರ ರಾತ್ರಿ ಚೆನ್ನಾಗಿ ಮಲಗಿದ್ದರು ಮತ್ತು ಬೆಳಿಗ್ಗೆ ಲಘು ಆಹಾರವನ್ನು ಸೇವಿಸಿದ್ದರು”ಎಂದು ಅಧಿಕಾರಿ ಪಿಟಿಐಗೆ ತಿಳಿಸಿದ್ದಾರೆ.48 ವರ್ಷದ ಸೌರವ್ ಗಂಗೂಲಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಲು ಯೋಗ್ಯವೇ ಎಂದು ನಿರ್ಧರಿಸಲು ವೈದ್ಯರು ಕೆಲವು ವೈದ್ಯಕೀಯ ಪರೀಕ್ಷೆಗಳನ್ನು ನಡೆಸಲಿದ್ದಾರೆ ಎಂದು ಅವರು ಹೇಳಿದರು.

ಇದನ್ನೂ ಓದಿ: ಬಿಸಿಸಿಐ ಮುಖ್ಯಸ್ಥ ಸೌರವ ಗಂಗೂಲಿ ಆರೋಗ್ಯದಲ್ಲಿ ಸ್ಥಿರ

ಸೌರವ ಗಂಗೂಲಿ (Sourav Ganguly) ಗುರುವಾರ ಹೊಸ ಆಂಜಿಯೋಪ್ಲ್ಯಾಸ್ಟಿಗೆ ಒಳಗಾಗಿದ್ದರು ಮತ್ತು ಅವರ ಮುಚ್ಚಿಹೋಗಿರುವ ಪರಿಧಮನಿಯ ಅಪಧಮನಿಗಳನ್ನು ತೆರವುಗೊಳಿಸಲು ಇನ್ನೂ ಎರಡು ಸ್ಟೆಂಟ್‌ಗಳನ್ನು ಅಳವಡಿಸಲಾಗಿದೆ.ಅವರ ಹೃದಯಾಘಾತದಿಂದಾಗಿ ಅವರು ತಿಂಗಳಲ್ಲಿ ಎರಡನೇ ಬಾರಿಗೆ ಬುಧವಾರ ಆಸ್ಪತ್ರೆಗೆ ದಾಖಲಾಗಿದ್ದರು.

ಅವರು ಈ ತಿಂಗಳ ಆರಂಭದಲ್ಲಿ ಲಘು ಹೃದಯಾಘಾತದಿಂದ ಒಳಗಾಗಿದ್ದಲ್ಲದೆ ಟ್ರಿಪಲ್ ವೆಸೆಲ್ ಕಾಯಿಲೆಯಿಂದ ಬಳಲುತ್ತಿದ್ದರು. ಇದರಿಂದಾಗಿ ಅವರನ್ನು ಆಂಜಿಯೋಪ್ಲ್ಯಾಸ್ಟಿ ಪ್ರಕ್ರಿಯೆಗೆ ಒಳಪಡಿಸಲಾಗಿತ್ತು,ಈ ಸಮಯದಲ್ಲಿ ನಿರ್ಬಂಧಿತ ಅಪಧಮನಿಯನ್ನು ತೆರವುಗೊಳಿಸಲು ಸ್ಟೆಂಟ್ ಅನ್ನು ಸೇರಿಸಲಾಯಿತು.