IPL 2023: ಈ ಬಾರಿ ಐಪಿಎಲ್ ಟ್ರೋಫಿ ಗೆಲ್ಲುವುದು ಇದೇ ತಂಡ: ಸಾಕ್ಷಿ ಹೇಳುತ್ತಿದೆ ಈ 4 ಕಾರಣಗಳು

Sunrisers Hyderabad Strength And Weakness: ವಿಶ್ವದ ಶ್ರೀಮಂತ ಕ್ರಿಕೆಟ್ ಲೀಗ್‌’ನ 16 ನೇ ಸೀಸನ್ ಅಂದರೆ IPL ಮಾರ್ಚ್ 31 ರಿಂದ ಪ್ರಾರಂಭವಾಗಲಿದೆ. ಈ ಋತುವಿನ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್, 4 ಬಾರಿ ವಿಜೇತ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಎದುರಿಸಲಿದೆ.

Written by - Bhavishya Shetty | Last Updated : Mar 29, 2023, 12:33 AM IST
    • ವಿಶ್ವದ ಶ್ರೀಮಂತ ಕ್ರಿಕೆಟ್ ಲೀಗ್‌’ನ 16 ನೇ ಸೀಸನ್ ಅಂದರೆ IPL ಮಾರ್ಚ್ 31 ರಿಂದ ಪ್ರಾರಂಭವಾಗಲಿದೆ
    • ಮುಂಬರುವ ಋತುವಿನಲ್ಲಿ, ಚಾಂಪಿಯನ್ ಆಗಲು ಸ್ಪರ್ಧಿಗಳ ಪೈಕಿ ತಂಡವೊಂದು ಮುಂದಿದೆ.
    • ಹೈದರಾಬಾದ್ ತಂಡವು ಈ ಋತುವಿನ ಮೊದಲ ಪಂದ್ಯವನ್ನು ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆಡಲಿದೆ.
IPL 2023: ಈ ಬಾರಿ ಐಪಿಎಲ್ ಟ್ರೋಫಿ ಗೆಲ್ಲುವುದು ಇದೇ ತಂಡ: ಸಾಕ್ಷಿ ಹೇಳುತ್ತಿದೆ ಈ 4 ಕಾರಣಗಳು title=
Bhavishya Shetty (72601)

Sunrisers Hyderabad Strength And Weakness: ವಿಶ್ವದ ಪ್ರತಿಷ್ಠಿತ ಕ್ರಿಕೆಟ್ ಲೀಗ್‌ ಇಂಡಿಯನ್ ಪ್ರೀಮಿಯರ್ ಲೀಗ್’ನ 16 ನೇ ಸೀಸನ್ ಮಾರ್ಚ್ 31ರಿಂದ ಪ್ರಾರಂಭವಾಗುತ್ತಿದೆ. 10 ವಿವಿಧ ತಂಡಗಳು ಟ್ರೋಫಿ ಗೆಲ್ಲಲು ಮೈದಾನಕ್ಕೆ ಇಳಿಯಳಿವೆ. ಈ ಮಧ್ಯೆ ಚಾಂಪಿಯನ್ ಆಗಲು ಸ್ಪರ್ಧಿಗಳ ಪೈಕಿ ತಂಡವೊಂದು ಒಂದು ಹೆಜ್ಜೆ ಮುಂದಿದೆ.

ವಿಶ್ವದ ಶ್ರೀಮಂತ ಕ್ರಿಕೆಟ್ ಲೀಗ್‌’ನ 16 ನೇ ಸೀಸನ್ ಅಂದರೆ IPL ಮಾರ್ಚ್ 31 ರಿಂದ ಪ್ರಾರಂಭವಾಗಲಿದೆ. ಈ ಋತುವಿನ ಮೊದಲ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್, 4 ಬಾರಿ ವಿಜೇತ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ಎದುರಿಸಲಿದೆ. ಅನುಭವಿ ಮಹೇಂದ್ರ ಸಿಂಗ್ ಧೋನಿ ಚೆನ್ನೈ ತಂಡದ ನಾಯಕತ್ವವನ್ನು ವಹಿಸಿಕೊಳ್ಳಲಿದ್ದು, ಗುಜರಾತ್‌’ಗೆ ಆಲ್‌ರೌಂಡರ್ ಹಾರ್ದಿಕ್ ಪಾಂಡ್ಯ ನಾಯಕತ್ವ ವಹಿಸಲಿದ್ದಾರೆ. ಕಳೆದ ವರ್ಷ ಗುಜರಾತ್ ತನ್ನ ಮೊದಲ ಸೀಸನ್‌ನಲ್ಲಿ ಚಾಂಪಿಯನ್ ಆದ ಹೆಗ್ಗಳಿಕೆಯನ್ನು ಪಡೆದಿತ್ತು.

ಇದನ್ನೂ ಓದಿ: CSK: ಮತ್ತೆ ಮೋಡಿ ಮಾಡುತ್ತಾ ಧೋನಿ ಮ್ಯಾಜಿಕ್! ಚೆನ್ನೈಗೆ ಇದು ಸಹಕರಿಸಿದ್ರೆ, ಅದು ಮುಳುವಾಗುತ್ತೆ! ಏನದು ಗೊತ್ತಾ?

ಮುಂಬರುವ ಋತುವಿನಲ್ಲಿ, ಚಾಂಪಿಯನ್ ಆಗಲು ಸ್ಪರ್ಧಿಗಳ ಪೈಕಿ ತಂಡವೊಂದು ಮುಂದಿದೆ. ಇದರ ಹಿಂದೆ ಕೆಲವು ಕಾರಣಗಳಿವೆ. ಆ ತಂಡ ಬೇರೆ ಯಾರೂ ಅಲ್ಲ ಸನ್ ರೈಸರ್ಸ್ ಹೈದರಾಬಾದ್. ಹೈದರಾಬಾದ್ ಒಂದು ಬಾರಿ ಗೆಲುವಿನ ರುಚಿ ಕಂಡಿದೆ. ಇದೀಗ ಈ ತಂಡ ಎರಡನೇ ಐಪಿಎಲ್ ಪ್ರಶಸ್ತಿಯ ನಿರೀಕ್ಷೆಯಲ್ಲಿದೆ.

ಮೊದಲ ಕಾರಣ ತಂಡದ ನಾಯಕ. ಸನ್‌ ರೈಸರ್ಸ್ ಹೈದರಾಬಾದ್ (SRH) ತಂಡವು ಈ ಋತುವಿನ ಮೊದಲ ಪಂದ್ಯವನ್ನು ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಏಪ್ರಿಲ್ 2 ರಂದು ತವರಿನಲ್ಲಿ ಆಡಲಿದೆ. ಈ ಬಾರಿ ಏಡೆನ್ ಮಾರ್ಕ್ರಾಮ್ ತಂಡವನ್ನು ಮುನ್ನಡೆಸಲಿದ್ದಾರೆ. ಅವರ ನಾಯಕತ್ವದಲ್ಲಿ, ಇತ್ತೀಚೆಗೆ ಟಿ20 ಮಾದರಿಯಲ್ಲಿ ತಂಡವನ್ನು ಚಾಂಪಿಯನ್ ಮಾಡಿದ್ದರು. ಸನ್‌ರೈಸರ್ಸ್ ಈಸ್ಟರ್ನ್ ಕೇಪ್ ತಂಡವು ಮೊದಲ ಬಾರಿಗೆ ಆಯೋಜಿಸಲಾದ 'ಎಸ್‌ಎ20' ಲೀಗ್ ಪ್ರಶಸ್ತಿಯನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು. ಇದೀಗ ಅವರು ಐಪಿಎಲ್‌’ನಲ್ಲಿ ನಾಯಕತ್ವದ ಕೌಶಲ್ಯವನ್ನು ಸಾಬೀತುಪಡಿಸುವ ಸವಾಲನ್ನು ಹೊಂದಿರುತ್ತಾರೆ. ಅದರಲ್ಲಿ ಯಶಸ್ವಿಯಾಗುತ್ತಾರೆ ಎಂಬ ಭರವಸೆ ಇದೆ. ಮುಂದೆ ಕಾದುನೋಡಬೇಕಿದೆ.

ಅದ್ಭುತ ಬ್ಯಾಟಿಂಗ್:

ಹೈದರಾಬಾದ್ ತಂಡದ ಬ್ಯಾಟಿಂಗ್ ಕೂಡ ಬಲಿಷ್ಠವಾಗಿದೆ. ಭಾರತದ ಬ್ಯಾಟ್ಸ್‌ಮನ್ ಮಯಾಂಕ್ ಅಗರ್ವಾಲ್ ಹೊರತಾಗಿ, ತಂಡವು ತನ್ನ ಅಗ್ರ ಕ್ರಮಾಂಕವನ್ನು ಬಲಪಡಿಸಲು ಇಂಗ್ಲಿಷ್ ಆಕ್ರಮಣಕಾರಿ ಆಟಗಾರ ಹ್ಯಾರಿ ಬ್ರೂಕ್ ಅವರನ್ನು ಅನುಸರಿಸಿದೆ. ಮಯಾಂಕ್‌’ಗೆ ಸಾಕಷ್ಟು ಅನುಭವವಿದ್ದರೂ, ಬ್ರೂಕ್ ಅವರನ್ನು ಇಂಗ್ಲೆಂಡ್ ಕ್ರಿಕೆಟ್‌’ನ ಭವಿಷ್ಯ ಎಂದು ಪರಿಗಣಿಸಲಾಗಿದೆ. ಅವರು 99 ಟಿ20 ಪಂದ್ಯಗಳಲ್ಲಿ 148.32 ಸ್ಟ್ರೈಕ್ ರೇಟ್‌ನಲ್ಲಿ 2,432 ರನ್ ಗಳಿಸಿದ್ದಾರೆ.

ಅದ್ಭುತ ಕೋಚ್:

ಹೈದರಾಬಾದ್ ತಂಡದ ಕೋಚ್ ಬ್ರಿಯಾನ್ ಲಾರಾ. ಅವರ ಕಾಲದಲ್ಲಿ ವಿಶ್ವದ ಅತ್ಯುತ್ತಮ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾಗಿದ್ದರು. ಲೆಜೆಂಡರಿ ವೆಸ್ಟ್ ಇಂಡೀಸ್ ಬ್ಯಾಟ್ಸ್‌ಮನ್ ಲಾರಾ ಕಳೆದ ಋತುವಿನಲ್ಲಿ ಹೈದರಾಬಾದ್ ತಂಡದ ಕಾರ್ಯತಂತ್ರದ ಸಲಹೆಗಾರ ಮತ್ತು ಬ್ಯಾಟಿಂಗ್ ಕೋಚ್ ಆಗಿದ್ದರು. ಆದರೆ ಈಗ ಟಾಮ್ ಮೂಡಿಯವರನ್ನು ಮುಖ್ಯ ಕೋಚ್ ಆಗಿ ಬದಲಾಯಿಸಲಾಗಿದೆ. ಮಯಾಂಕ್ ಹೊರತಾಗಿ, ತಂಡದಲ್ಲಿ ಅಭಿಷೇಕ್ ಶರ್ಮಾ ಮತ್ತು ರಾಹುಲ್ ತ್ರಿಪಾಠಿ ಕೂಡ ಇದ್ದಾರೆ. ಮಾರ್ಕ್ರಾಮ್, ಬ್ರೂಕ್ ಮತ್ತು ಗ್ಲೆನ್ ಫಿಲಿಪ್ಸ್ ಅಥವಾ ಹೆನ್ರಿಚ್ ಕ್ಲಾಸೆನ್ ಮಧ್ಯಮ ಕ್ರಮಾಂಕದಲ್ಲಿ ಸ್ಥಾನ ಪಡೆಯುವ ಸಾಧ್ಯತೆಯಿದೆ. ಇದರೊಂದಿಗೆ ವಾಷಿಂಗ್ಟನ್ ಸುಂದರ್ ಮತ್ತು ಮಾರ್ಕೊ ಜಾನ್ಸೆನ್ ಕೂಡ ವೇಗದ ರನ್ ಗಳಿಸುವುದರಲ್ಲಿ ನಿಪುಣರು.

ಇದನ್ನೂ ಓದಿ: IPL 2023 : ಮೊದಲ ಪಂದ್ಯದಲ್ಲಿಯೇ ಈ ತಂಡಕ್ಕೆ ಟೆನ್ಶನ್ !ಪ್ಲೇಯಿಂಗ್ 11 ನಿಂದ ಹೊರಗುಳಿಯಲಿದ್ದಾರೆ ಸ್ಪೋಟಕ ಆಟಗಾರ

ಉತ್ತಮ ಬೌಲಿಂಗ್ :

2016ರ ಚಾಂಪಿಯನ್ ತಂಡ ಬಲಿಷ್ಠ ವೇಗದ ಬೌಲಿಂಗ್ ದಾಳಿಯನ್ನೂ ಹೊಂದಿದೆ. ತಂಡದಲ್ಲಿ ಅನುಭವಿ ಭುವನೇಶ್ವರ್ ಕುಮಾರ್ ಹೊರತಾಗಿ ಉಮ್ರಾನ್ ಮಲಿಕ್, ಮಾರ್ಕೊ ಜಾನ್ಸೆನ್, ಟಿ.ನಟರಾಜನ್ ಮತ್ತು ಕಾರ್ತಿಕ್ ತ್ಯಾಗಿ ಇದ್ದಾರೆ. ಅಫ್ಘಾನಿಸ್ತಾನದ ಎಡಗೈ ವೇಗಿ ಫಜಲ್ಹಕ್ ಫಾರೂಕಿ ಕೂಡ ಇದೇ ತಂಡದಲ್ಲಿದ್ದಾರೆ. ಇತ್ತೀಚಿನ ದಿನಗಳಲ್ಲಿ ತಮ್ಮ ವೇಗದಿಂದ ಸಾಕಷ್ಟು ಪ್ರಭಾವಿತರಾಗಿದ್ದಾರೆ.

 

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು TwitterFacebookYoutube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.

Trending News