World Cup 2023 Ticket Sale: ಏಕದಿನ ವಿಶ್ವಕಪ್’ನ ಪರಿಷ್ಕೃತ ವೇಳಾಪಟ್ಟಿಯ ಜೊತೆಗೆ, ಅಂತರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯು ಟಿಕೆಟ್ ಮಾರಾಟದ ದಿನಾಂಕವನ್ನು ಸಹ ಪ್ರಕಟಿಸಿದೆ. ಮೊದಲ ಹಂತವು ಆಗಸ್ಟ್ 25 ರಂದು ಪ್ರಾರಂಭವಾಗಲಿದ್ದು, ನಾಕೌಟ್ ಪಂದ್ಯಗಳಿಗಾಗಿ ಕೊನೆಯ ಸೆಟ್ ಟಿಕೆಟ್’ಗಳು ಸೆಪ್ಟೆಂಬರ್ 5 ರಂದು ಲಭ್ಯವಿರಲಿದೆ. ಇನ್ನು ಆನ್‌ಲೈನ್ ಟಿಕೆಟ್ ಸೇವಾ ಪೂರೈಕೆದಾರರು ಬುಕ್ ಮೈಶೋ ಹಕ್ಕುಗಳನ್ನು ಪಡೆದುಕೊಂಡಿದ್ದು ಆ ಮೂಲಕ ಕೂಡ ಟಿಕೆಟ್ ಪಡೆದುಕೊಳ್ಳಬಹುದು
ಟಿಕೆಟ್’ಗಳ ಮಾರಾಟವು ವಿವಿಧ ಹಂತಗಳಲ್ಲಿ ಇರಲಿದೆ. ಆಗಸ್ಟ್ 25 ರಿಂದ ಭಾರತವನ್ನು ಹೊರತುಪಡಿಸಿ ಎಲ್ಲಾ ತಂಡಗಳ ಅಭ್ಯಾಸ ಮತ್ತು ಈವೆಂಟ್ ಆಟಗಳಿಗೆ ಮಾರಾಟ ಪ್ರಾರಂಭವಾಗುತ್ತದೆ. ಆಗಸ್ಟ್ 30 ರಿಂದ, ಗುವಾಹಟಿ ಮತ್ತು ತಿರುವನಂತಪುರಂನಲ್ಲಿ ಭಾರತದ ಅಭ್ಯಾಸ ಪಂದ್ಯಗಳಿಗೆ ಟಿಕೆಟ್ ಖರೀದಿಸಬಹುದು.
ಇದನ್ನೂ ಓದಿ: Team Indiaಗೆ ಪಾಕ್’ಗಿಂತಲೂ ಡೇಂಜರಸ್ ಈ ತಂಡ: ವಿಶ್ವಕಪ್ 2007ರಿಂದ ಭಾರತವನ್ನು ಹೊರಹಾಕಿದ್ದು ಇದೇ
ಒಂದು ದಿನದ ನಂತರ, ಚೆನ್ನೈ (ಆಸ್ಟ್ರೇಲಿಯಾ ವಿರುದ್ಧ, ಅಕ್ಟೋಬರ್ 8), ದೆಹಲಿ (ಅಫ್ಘಾನಿಸ್ತಾನ ವಿರುದ್ಧ, ಅಕ್ಟೋಬರ್ 11) ಮತ್ತು ಪುಣೆಯಲ್ಲಿ (ಬಾಂಗ್ಲಾದೇಶ ವಿರುದ್ಧ, ಅಕ್ಟೋಬರ್ 19) ಭಾರತದ ಪಂದ್ಯಗಳ ಟಿಕೆಟ್’ಗಳನ್ನು ವಿತರಿಸಲಾಗುತ್ತದೆ. ಸೆಪ್ಟೆಂಬರ್ 1 ರಿಂದ ಅಭಿಮಾನಿಗಳು ಧರ್ಮಶಾಲಾ (ನ್ಯೂಜಿಲೆಂಡ್ ವಿರುದ್ಧ, ಅಕ್ಟೋಬರ್ 22), ಲಕ್ನೋ (ಇಂಗ್ಲೆಂಡ್ ವಿರುದ್ಧ, ಅಕ್ಟೋಬರ್ 29) ಮತ್ತು ಮುಂಬೈ (ಶ್ರೀಲಂಕಾ ವಿರುದ್ಧ, ನವೆಂಬರ್ 2) ನಲ್ಲಿ ಆತಿಥೇಯರ ನಡುವಿನ ಪಂದ್ಯದ ಟಿಕೆಟ್ ಸಿಗಲಿದೆ. ಸೆಪ್ಟೆಂಬರ್ 2 ರಂದು, ಕೋಲ್ಕತ್ತಾ (ದಕ್ಷಿಣ ಆಫ್ರಿಕಾ ವಿರುದ್ಧ, ನವೆಂಬರ್ 5) ಮತ್ತು ಬೆಂಗಳೂರು (ನೆದರ್ಲ್ಯಾಂಡ್ಸ್ ವಿರುದ್ಧ, ನವೆಂಬರ್ 12) ಪಂದ್ಯಗಳು ಪ್ರಾರಂಭವಾಗುತ್ತವೆ.
ಅಕ್ಟೋಬರ್ 14 ರಂದು ಅಹಮದಾಬಾದ್‌’ನಲ್ಲಿ ನಡೆಯಲಿರುವ ಭಾರತ ಮತ್ತು ಪಾಕಿಸ್ತಾನದ ನಡುವಿನ ಪಂದ್ಯದ ಬಹುಬೇಡಿಕೆಯ ಟಿಕೆಟ್‌ಗಳನ್ನು ಸೆಪ್ಟೆಂಬರ್ 3 ರಂದು ಮಾರಾಟ ಮಾಡಲಾಗುತ್ತದೆ. ಸೆಮಿಫೈನಲ್ ಮತ್ತು ಫೈನಲ್‌ ಟಿಕೆಟ್’ಗಳು ಸೆಪ್ಟೆಂಬರ್ 15 ರಂದು ಪ್ರಾರಂಭವಾಗುತ್ತವೆ.
ಟಿಕೆಟ್’ಗಳು ಬಹು ದಿನಾಂಕಗಳಲ್ಲಿ ಮಾರಾಟವಾಗುವುದರಿಂದ, ಮಾರಾಟದ ಮುಂಚೆಯೇ ICC ಅಭಿಮಾನಿಗಳಿಗೆ ಎಚ್ಚರಿಕೆ ಸಂದೇಶವನ್ನು ರವಾನಿಸಿದೆ. ಅಭಿಮಾನಿಗಳು ಆಗಸ್ಟ್ 15 ರಿಂದ https://www.cricketworldcup.com/register ಮೂಲಕ ನೋಂದಾಯಿಸಿಕೊಳ್ಳಬಹುದು. ಇದು ಟಿಕೆಟ್’ಗಳಿಗೆ ಸಂಬಂಧಿಸಿದ ಸುದ್ದಿಗಳನ್ನು ಸ್ವೀಕರಿಸಲು ಅವರಿಗೆ ಅನುವು ಮಾಡಿಕೊಡುತ್ತದೆ.
ಬಿಸಿಸಿಐ ಮತ್ತು ಐಸಿಸಿ ತಮ್ಮ ಟಿಕೆಟ್ ಪಾಲುದಾರರ ಗುರುತನ್ನು ದೃಢಪಡಿಸಿಲ್ಲ. ಆದರೆ ಭಾರತೀಯ ಮಂಡಳಿಯು ಟಿಕೆಟ್ ವಿತರಣೆಯನ್ನು bookmyshow.com ಗೆ ಹಸ್ತಾಂತರಿಸಬಹುದು ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ಏಷ್ಯಾಕಪ್’ಗೆ ಬಲಿಷ್ಠ ತಂಡ ಪ್ರಕಟ! ವಿರಾಟ್ ಶತ್ರುವಿಗೆ 2 ವರ್ಷಗಳ ಬಳಿಕ ಸ್ಥಾನ ಕೊಟ್ಟ ಮಂಡಳಿ!
ಒಮ್ಮೆ ಟಿಕೆಟ್ ಬುಕ್ ಮಾಡಿದ ನಂತರ, ಕೊರಿಯರ್ ಮೂಲಕ ಅದನ್ನು ಪಡೆಯಲು ಅಥವಾ ಗೊತ್ತುಪಡಿಸಿದ ಸ್ಥಳದಿಂದ ಸಂಗ್ರಹಿಸಲು ಫ್ಯಾನ್ಸ್’ಗೆ ಆಯ್ಕೆಯನ್ನು ನೀಡಲಾಗುತ್ತದೆ. ಕೊರಿಯರ್ ಸೌಲಭ್ಯದ ಮೂಲಕ ತಮ್ಮ ಟಿಕೆಟ್’ಗಳನ್ನು ಸಂಗ್ರಹಿಸ ಬಯಸುವವರು 140 ರೂಪಾಯಿಗಳನ್ನು ಹೆಚ್ಚುವರಿಯಾಗಿ ಪಾವತಿಸಬೇಕಾಗುತ್ತದೆ. ಈ ಸೇವೆ ಇರುವುದು ಕೇವಲ ಭಾರತದಲ್ಲಿ ಮಾತ್ರ. ನಿಗದಿತ ಆಟಕ್ಕೆ 72 ಗಂಟೆಗಳ ಮೊದಲು ಟಿಕೆಟ್ ಖರೀದಿಸುವವರಿಗೆ ಕೊರಿಯರ್ ಆಯ್ಕೆಗಳು ಲಭ್ಯವಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/watch?v=uzXzteRDY-k
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
