ಸೊಳ್ಳೆ ಕಿಲ್ಲರ್ ಆ್ಯಪ್‌ಗಳು: ಸಾಮಾನ್ಯವಾಗಿ ಮಳೆಗಾಲದಲ್ಲಿ ಸೊಳ್ಳೆಗಳು ಮತ್ತು ನೊಣಗಳ ಕಾಟ ಹೆಚ್ಚಾಗುತ್ತದೆ. ಮನೆಯಲ್ಲಿ ಸೊಳ್ಳೆಗಳಿದ್ದರೆ ಡೆಂಗೆ, ಮಲೇರಿಯಾದಂತಹ ರೋಗಗಳು ಬರುವ ಭೀತಿಯೂ ಹೆಚ್ಚು. ಹಾಗಾಗಿ, ಸೊಳ್ಳೆಗಳನ್ನು ಓಡಿಸಲು ಸೊಳ್ಳೆ ಕಾಯಿಲ್ ಅಥವಾ ಲಿಕ್ವಿಡ್ ಗಳನ್ನು ಬಳಸಲಾಗುತ್ತದೆ. ಆದರೆ, ಕೆಲವರಿಗೆ ಅವುಗಳ ಹೊಗೆಯ ಅಲರ್ಜಿ ಇರುತ್ತದೆ. ಹಾಗಾಗಿ, ಅವುಗಳನ್ನು ಬಳಸುವುದು ಕಷ್ಟವಾಗಬಹುದು. ಆದರಿದು ತಂತ್ರಜ್ಞಾನ ಯುಗ. ಈ ತಂತ್ರಜ್ಞಾನ ಯುಗದಲ್ಲಿ ಹೊಗೆ ಇಲ್ಲದೇ ಸೊಳ್ಳೆಗಳನ್ನು ಓಡಿಸುವ ಇಂತಹ ಗ್ಯಾಜೆಟ್‌ಗಳು ಲಭ್ಯವಿವೆ. ಈಗ ಸ್ಮಾರ್ಟ್ ಫೋನ್ ಗಳಲ್ಲೂ ಇಂತಹ ಆಪ್ ಗಳು ಬಂದಿದ್ದು, ಇವುಗಳ ಸಹಾಯದಿಂದ ಹೊಗೆ ಇಲ್ಲದೇ ಸೊಳ್ಳೆಗಳನ್ನು ಓಡಿಸಬಹುದು. ಅವುಗಳನ್ನು ಮಸ್ಕಿಟೋ ಕಿಲ್ಲರ್ ಆ್ಯಪ್‌ಗಳು ಎನ್ನಲಾಗುತ್ತದೆ. ಅದನ್ನು ಹೇಗೆ ಬಳಸುವುದು ಎಂದು ತಿಳಿಯಿರಿ.
ಸೊಳ್ಳೆ ಓಡಿಸಲು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿವೆ ಹಲವು ಆ್ಯಪ್‌ಗಳು:
ಸೊಳ್ಳೆಗಳನ್ನು ಓಡಿಸಲು/ಕೊಲ್ಲಲು ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಹಲವು ಆ್ಯಪ್‌ಗಳು ಲಭ್ಯವಿದೆ. ಮಸ್ಕಿಟೋ ಕಿಲ್ಲರ್, ಮಸ್ಕಿಟೋ ಸೌಂಡ್, ಫ್ರೀಕ್ವೆನ್ಸಿ ಜನರೇಟರ್ ಹೀಗೆ ಹಲವು ಆ್ಯಪ್‌ಗಳಿವೆ. ಈ ಅಪ್ಲಿಕೇಶನ್‌ಗಳನ್ನು ಮಿಲಿಯನ್‌ಗಿಂತಲೂ ಹೆಚ್ಚು ಬಾರಿ ಡೌನ್ಲೋಡ್ ಮಾಡಲಾಗಿದೆ.
ಇದನ್ನೂ ಓದಿ- ಸಿಂಗಲ್ ಚಾರ್ಜ್‌ನಲ್ಲಿ 21 ದಿನಗಳವರೆಗೆ ಕಾರ್ಯನಿರ್ವಹಿಸುವ ಸ್ಮಾರ್ಟ್‌ಫೋನ್ ಕಡಿಮೆ ಬೆಲೆಗೆ ಲಭ್ಯ
ಈ ಮಸ್ಕಿಟೋ ಕಿಲ್ಲರ್ ಆ್ಯಪ್‌ಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ?
ವಾಸ್ತವವಾಗಿ ಈ ಮಸ್ಕಿಟೋ ಕಿಲ್ಲರ್ ಅಪ್ಲಿಕೇಶನ್‌ಗಳು ಆವರ್ತನದ ಧ್ವನಿಯನ್ನು ಉತ್ಪಾದಿಸುತ್ತವೆ. ಈ ಧ್ವನಿಗೆ ಸೊಳ್ಳೆಗಳು ದೂರ ಹೋಗುತ್ತವೆ ಎಂದು ಹೇಳಲಾಗುತ್ತದೆ. ವಿಶೇಷವೆಂದರೆ ಇದರ ಧ್ವನಿ ತುಂಬಾ ಕಡಿಮೆ ಇದ್ದು ಇದು ಮನುಷ್ಯರ ಕಿವಿಗೆ ಕೇಳುವುದಿಲ್ಲ ಎಂದು ಹೇಳಲಾಗುತ್ತದೆ. ಆದರೆ ಸೊಳ್ಳೆಗಳನ್ನು ತಲುಪಲು ಮತ್ತು ಅವುಗಳನ್ನು ಓಡಿಸಲು ಇದು ತುಂಬಾ ಉಪಯುಕ್ತವಾಗಿದೆ ಎಂದು ಡೆವಲಪರ್ಗಳು ಹೇಳಿಕೊಳ್ಳುತ್ತಾರೆ.
ಇದನ್ನೂ ಓದಿ- Flipkart Big Billion Days Sale:₹ 500ಕ್ಕಿಂತ ಕಡಿಮೆ ಬೆಲೆಯಲ್ಲಿ 5ಜಿ ಸ್ಮಾರ್ಟ್‌ಫೋನ್ ಖರೀದಿಸಿ
ಈ ಅಪ್ಲಿಕೇಶನ್‌ಗಳು ಪರಿಣಾಮಕಾರಿಯಾಗಿವೆಯೇ?
ಈ ಅಪ್ಲಿಕೇಶನ್‌ಗಳು ಅತ್ಯಂತ ಕಡಿಮೆ ರೇಟಿಂಗ್‌ಗಳನ್ನು ಪಡೆದಿವೆ. ಇದನ್ನು ಡೌನ್ಲೋಡ್ ಮಾಡಿದ ಜನರು ಕಡಿಮೆ ರೇಟಿಂಗ್ ನೀಡಿದ್ದಾರೆ. ಕೆಲವರು 5 ರಲ್ಲಿ 2 ಮತ್ತು ಕೆಲವರು 3 ರೇಟಿಂಗ್ ಮಾತ್ರ ನೀಡಿದ್ದಾರೆ. ಅವರ ಪ್ರಕಾರ, ಈ ಅಪ್ಲಿಕೇಶನ್‌ಗಳು ಕಡಿಮೆ ಪರಿಣಾಮಕಾರಿ. ಆನ್ ಮಾಡಿದ ನಂತರವೂ ಸೊಳ್ಳೆಗಳಿಂದ ಮುಕ್ತಿ ಪಡೆಯಲು ಸಾಧ್ಯವಾಗಿಲ್ಲ. ಆದರೆ ನೀವು ಅದನ್ನು ಡೌನ್ಲೋಡ್ ಮಾಡಿ ಮತ್ತು ಪ್ರಯತ್ನಿಸಬಹುದು. ಬಹುಶಃ ಇದು ನಿಮಗೆ ಉತ್ತಮವಾಗಿದೆ ಎಂದು ಸಾಬೀತುಪಡಿಸಬಹುದು ಎಂದು ಇನ್ನೂ ಕೆಲವರು ಅಭಿಪ್ರಾಯ ಪಟ್ಟಿದ್ದಾರೆ. ಏಕೆಂದರೆ ಕೆಲವು ಜನರಿಗೆ ಈ ಅಪ್ಲಿಕೇಶನ್ ಉತ್ತಮವಾಗಿದೆ ಎಂದು ಸಾಬೀತಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
