ಜಾಗ್ರೆಬ್: ಕ್ರೊಯೇಷಿಯಾದ (Croatia) ಉತ್ತರ ಪ್ರದೇಶದ ಲೆಗ್ರಾಡ್ (Legrad) ನಗರದ ಆಡಳಿತದ ಮುಂದೆ ವಿಚಿತ್ರ ಸಮಸ್ಯೆ ಉದ್ಭವಿಸಿದೆ. ಕಡಿಮೆ ಸಾರಿಗೆ ಸಂಪರ್ಕದಿಂದಾಗಿ, ಜನರು ತಮ್ಮ ಮನೆಗಳನ್ನು ತೊರೆಯುತ್ತಿದ್ದಾರೆ. ಜನರು ಕೇವಲ ಒಂದು ಕುನಾ ಅಥವಾ 12 ರೂಪಾಯಿಗೆ ಮನೆಗಳನ್ನು ಮಾರಾಟ ಮಾಡಲು ಮುಂದಾಗಿದ್ದಾರೆ.
ಲೆಗ್ರಾಡ್ ನಗರದಲ್ಲಿ ಜನಸಂಖ್ಯೆ ಏಕೆ ಕುಸಿಯುತ್ತಿದೆ?
ರಾಯಿಟರ್ಸ್ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಕ್ರೊಯೇಷಿಯಾದಲ್ಲಿ ಲಗ್ರಾಡ್ ನಗರವು ಎರಡನೇ ಸ್ಥಾನದಲ್ಲಿದೆ. ಅಲ್ಲಿ ದೇಶದ ಅತಿದೊಡ್ಡ ಜನಸಂಖ್ಯೆ ವಾಸಿಸುತ್ತಿತ್ತು. ಆದರೆ ಸುಮಾರು 100 ವರ್ಷಗಳ ಹಿಂದೆ ಆಸ್ಟ್ರೋ-ಹಂಗೇರಿಯನ್ ಸಾಮ್ರಾಜ್ಯದ (Austro-Hungarian Empire) ವಿಘಟನೆಯ ನಂತರ, ಇಲ್ಲಿನ ಜನಸಂಖ್ಯೆಯು ನಿರಂತರವಾಗಿ ಕಡಿಮೆಯಾಗುತ್ತಿದೆ.
ನಮ್ಮ ನಗರವು ಗಡಿ ಪಟ್ಟಣವಾದಾಗಿನಿಂದ ಇಲ್ಲಿನ ಜನಸಂಖ್ಯೆಯು ಸ್ಥಿರವಾಗಿ ಕಡಿಮೆಯಾಗಿದೆ ಎಂದು ಲಗ್ರಾಡ್ ಮೇಯರ್ ಇವಾನ್ ಸಬೊಲಿಕ್ ಹೇಳಿದರು. ಲೆಗ್ರಾಡ್ (Legrad) ನಗರದ ಗಡಿಯನ್ನು ಹಂಗೇರಿಗೆ ಜೋಡಿಸಲಾಗಿದೆ.
ಇದನ್ನೂ ಓದಿ- "ಡೆಲ್ಟಾ ರೂಪಾಂತರವು ಶೇ 60 ಕ್ಕಿಂತ ಅಧಿಕ ಪ್ರಸರಣವನ್ನು ಹೊಂದಿದೆ"
ಲೆಗ್ರಾಡ್ ನಗರದ ದೃಷ್ಟಿಕೋನವೂ ಹೀಗಿದೆ:
ಲೆಗ್ರಾಡ್ ನಗರವು ಹಚ್ಚ ಹಸಿರಿನಿಂದ ತುಂಬಿದೆ. ಇಲ್ಲಿ ಸುತ್ತಲೂ ಅರಣ್ಯವಿದೆ. ಈ ನಗರದಲ್ಲಿ 2,250 ಜನರು ವಾಸಿಸುತ್ತಿದ್ದಾರೆ. 70 ವರ್ಷಗಳ ಹಿಂದೆ, ಲಗ್ರಾಡ್ ನಗರದಲ್ಲಿ ಇಂದಿಗಿಂತ ಎರಡು ಪಟ್ಟು ಹೆಚ್ಚು ಜನರು ವಾಸಿಸುತ್ತಿದ್ದರು.
ಇತ್ತೀಚೆಗೆ 19 ಮನೆಗಳನ್ನು ಏಕಕಾಲದಲ್ಲಿ ಖಾಲಿ ಮಾಡಲಾಗಿದೆ ಎಂದು ಮೇಯರ್ ಹೇಳಿದರು. ಈ ಮನೆಗಳ ಬೆಲೆ ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ. ಇಲ್ಲಿ ಒಂದು ಮನೆಯ ಬೆಲೆ ಕೇವಲ 1 ಕುನಾ ಅಥವಾ 12 ರೂಪಾಯಿ. ಈ ಪೈಕಿ 17 ಮನೆಗಳನ್ನು ಇದುವರೆಗೆ ಮಾರಾಟ ಮಾಡಲಾಗಿದೆ.
ಇದನ್ನೂ ಓದಿ- RBI Credit Policy: 6ನೇ ಸಲವೂ ಬಡ್ಡಿದರದಲ್ಲಿ ಬದಲಾವಣೆ ಇಲ್ಲ, 2022ರ ವೇಳೆಗೆ ಶೇ. 9.5ರಷ್ಟು GDP ಬೆಳವಣಿಗೆಯ ಮುನ್ಸೂಚನೆ
ಪುರಸಭೆ ನೆಲೆಗೊಳ್ಳಲು ಸಹಾಯ ಮಾಡುತ್ತಿದೆ:
ಈ ಕೆಲವು ಮನೆಗಳು ಮುರಿದು ಬಿದ್ದಿವೆ ಎಂದು ಅವರು ಹೇಳಿದರು. ಯಾರಾದರೂ ಇಲ್ಲಿ ಮನೆ ಖರೀದಿಸಲು ಬಯಸಿದರೆ, ಮನೆಯನ್ನು ಸರಿಪಡಿಸಲು ಪುರಸಭೆ ಅವರಿಗೆ ಸಹಾಯ ಮಾಡುತ್ತದೆ. ಯಾರಾದರೂ ಇಲ್ಲಿ ಉಳಿಯಲು ಬಯಸಿದರೆ, ಅವರು ಕನಿಷ್ಠ 15 ವರ್ಷಗಳ ಕಾಲ ಇಲ್ಲಿಯೇ ಇರಲು ಒಪ್ಪಂದ ಮಾಡಿಕೊಳ್ಳಬೇಕು.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
