ಕ್ವಾಡ್ ಸಭೆ ಬಳಿಕ ಮತ್ತೆ ಕ್ಷಿಪಣಿ ಪರೀಕ್ಷೆಗೆ ಮುಂದಾದ ಕಿಮ್ ಜಾಂಗ್ ಉನ್

ಕಿಮ್ ಜಾಂಗ್ ಉನ್ 

ಸಿಯೋಲ್ (ಉತ್ತರ ಕೋರಿಯಾ): ಜಪಾನ್ ನಲ್ಲಿ ಕಳೆದ ಮೇ ತಿಂಗಳಲ್ಲಿ ಕ್ವಾಡ್ ನಾಯಕರ ಸಭೆ ಜರುಗಿತು. ಇದೊಂದು ಮಹತ್ವದ ಸಭೆ ಆಗಿತ್ತು. ಇದೀಗ ವಿಚಾರ ಏನೆಂದರೆ ಈ ಸಭೆಯ ಬಳಿಕ ಉತ್ತರ ಕೊರಿಯಾದ ಕಿಮ್ ಜಾಂಗ್ ಉನ್ ಕ್ಷಿಪಣಿ ಪರೀಕ್ಷೆಗೆ ಮುಂದಾಗಿದ್ದಾರೆ. 

ಇದನ್ನೂ ಓದಿ: ಯಾರು ಈ ಭಾರತೀಯ ಮೂಲದ ಹರಿಣಿ ಲೋಗನ್?

ಉತ್ತರ ಕೊರಿಯಾದ ಕಿಮ್ ಜಾಂಗ್ ಉನ್ ಮತ್ತೆ ಕ್ಷಿಪಣಿ ಪರೀಕ್ಷೆಯನ್ನು ಮುಂದುವರಿಸಿದ್ದು, ತನ್ನ ಪೂರ್ವ ಕರಾವಳಿಯಲ್ಲಿ ಕಡಿಮೆ ವ್ಯಾಪ್ತಿಯ 8 ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಉತ್ತರ ಕೋರಿಯಾ ಪರೀಕ್ಷಿಸಿದೆ.

ದಕ್ಷಿಣ ಕೋರಿಯಾದ ಜಂಟಿ ಮುಖ್ಯಸ್ಥರು, ಈ ಕ್ಷಿಪಣಿಗಳನ್ನು ಪ್ಯೊಂಗ್ಯಾಂಗ್‌ನ ಸುನಾನ್ ಪ್ರದೇಶದಿಂದ ಸ್ಥಳೀಯ ಕಾಲಮಾನ ಬೆಳಿಗ್ಗೆ 9:08 ರಿಂದ 9:43 ರವರೆಗೆ ಪರೀಕ್ಷಿಸಿತ. ದಕ್ಷಿಣ ಕೋರಿಯಾ ಸೇನೆ ಈ ಬಗ್ಗೆ ಸಂಪೂರ್ಣ ನಿಗಾವಹಿಸಿದೆ. ಅಲ್ಲದೇ, ತನ್ನ ಕಣ್ಗಾವಲು ಬಲಪಡಿಸುವ ಸಲುವಾಗಿ ಯುಎಸ್‌ ಜೊತೆಗೆ ನಿಕಟ ಸಹಕಾರದಲ್ಲಿದೆ ಎಂದು ಮಾಹಿತಿ ನೀಡಿದ್ದಾರೆ. 

ಯೋನ್ಹಾಪ್ ನ್ಯೂಸ್ ಏಜೆನ್ಸಿ ವರದಿಯ ಪ್ರಕಾರ, ಈ ವರ್ಷ ಉತ್ತರ ಕೊರಿಯಾ ನಡೆಸಿದ 18ನೇ ಕ್ಷಿಪಣಿ ಪರೀಕ್ಷೆ ಇದಾಗಿದೆ. ದಕ್ಷಿಣ ಕೊರಿಯಾದ ಅಧ್ಯಕ್ಷ ಯುನ್ ಸುಕ್-ಯೋಲ್ ಮೇ 10 ರಂದು ಅಧಿಕಾರ ವಹಿಸಿಕೊಂಡರು. ಅದಾದ ಬಳಿಕ ಇದು 3 ನೇ ಪರೀಕ್ಷೆಯಾಗಿದೆ.