Tarek Fatah No More: ಪಾಕ್ ಮೂಲದ ಲೇಖಕ ತಾರೀಕ್ ಫತೆಹ್ ನಿಧನ, ಟ್ವೀಟ್ ಮಾಡಿ... ಭಾರತೀಯ ಸುಪುತ್ರ.. ಎಂದ ಪುತ್ರಿ

Tarek Fateh Death: ಪಾಕಿಸ್ತಾನ ಮೂಲದ ಖ್ಯಾತ ಬರಹಗಾರ ತಾರೆಕ್ ಫತೇಹ್ ಅವರು ತಮ್ಮ 73 ನೇ ವಯಸ್ಸಿನಲ್ಲಿ ಕೆನಡಾದಲ್ಲಿ ಕೊನೆಯುಸಿರೆಳೆದಿದ್ದಾರೆ.

Tarek Fateh Death: ಖ್ಯಾತ ಬರಹಗಾರ ತಾರೀಕ್ ಫತೇಹ್ ನಿಧನರಾಗಿದ್ದಾರೆ. 1949 ರಲ್ಲಿ ಪಾಕಿಸ್ತಾನದ ಕರಾಚಿಯಲ್ಲಿ ಜನಿಸಿದ ತಾರೀಕ್ ಫತೇಹ್ ಅವರು 73 ನೇ ವಯಸ್ಸಿನಲ್ಲಿ ಕೆನಡಾದಲ್ಲಿ ಕೊನೆಯುಸಿರೆಳೆದರು. ಈ ಮಾಹಿತಿಯನ್ನು ಅವರ ಮಗಳು ನತಾಶಾ ಫತೇಹ್ ಟ್ವೀಟ್ ಮಾಡುವ ಮೂಲಕ ನೀಡಿದ್ದು, ಅವರ ಕ್ರಾಂತಿಯು ಅವನನ್ನು ತಿಳಿದಿರುವ ಮತ್ತು ಪ್ರೀತಿಸುವ ಎಲ್ಲರೊಂದಿಗೆ ಮುಂದುವರೆಯಲಿದೆ ಎಂದು ಹೇಳಿದ್ದಾರೆ.

ಭಾರತೀಯ ಸುಪುತ್ರ ಎಂದು ಹೇಳಿದ ಮಗಳು
ತಂದೆಯ ನಿಧನದ ಕುರಿತು ಟ್ವೀಟ್ ಮಾಡಿರುವ ಪುತ್ರಿ ನತಾಷಾ, "ಪಂಜಾಬ್ ಸಿಂಹ. ಹಿಂದೂಸ್ಥಾನದ ಮಗ. ಕೆನಡಾದ ಪ್ರೇಮಿ. ಸತ್ಯ ಹೇಳುವವ, ನ್ಯಾಯಕ್ಕಾಗಿ ಹೋರಾಡುವವ. ದಲಿತ ಹಾಗೂ ಶೋಷಣೆಗೆ ಒಳಗಾದವರ ಧ್ವನಿ. ತಾರೀಕ್ ಫತೇಹ್ ನಿಧನರಾಗಿದ್ದಾರೆ. ಅವನ ಕ್ರಾಂತಿಯು ಅವನನ್ನು ತಿಳಿದಿರುವ ಮತ್ತು ಪ್ರೀತಿಸುವ ಎಲ್ಲರೊಂದಿಗೆ ಮುಂದುವರೆಯಲಿದೆ. ನೀವು ನಮ್ಮೊಂದಿಗೆ ಬರುವಿರಾ? 1949-2023" ಎಂದು ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ-'ವ್ಲಾಡಿಮೀರ್ ಪುಟಿನ್ ಸತ್ಹೋದ್ರೆ ಖುಷಿಯಾಗುತ್ತದೆ', ಬ್ರಿಟೆನ್ ನಲ್ಲಿ ಯುಕ್ರೇನ್ ರಾಯಭಾರಿಯ ಹೇಳಿಕೆ

ತಾರೀಕ್ ಫತೆಹ್ ತನ್ನನ್ನು ತಾನು ಹಿಂದೂಸ್ಥಾನಿ ಎಂದು ಕರೆಯಿಸಿಕೊಳ್ಳುತ್ತಿದ್ದರು
ತಾರೆಕ್ ಫತೇಹ್ ಕರಾಚಿಯಲ್ಲಿ ಹುಟ್ಟಿರಬಹುದು, ಆದರೆ ಅವನು ತನ್ನನ್ನು ತಾನು ಹಿಂದೂಸ್ತಾನಿ ಅಂದರೆ ಭಾರತೀಯ ಎಂದು ಭಾವಿಸುತ್ತಿದ್ದರು. ಅಷ್ಟೇ ಅಲ್ಲ, ಎರಡು ದೇಶಗಳ ವಿಭಜನೆಯನ್ನು ತಪ್ಪು ಎಂದು ಅವರು ಹೇಳಿದ್ದರು.  ಅವರು ಪಾಕಿಸ್ತಾನವನ್ನು ಭಾರತೀಯ ಸಂಸ್ಕೃತಿಯ ಭಾಗವೆಂದು ಪರಿಗಣಿಸಿದ್ದರು. ತಾರೀಕ್ ಫತೇಹ್ ತನ್ನ ಜೀವನದಲ್ಲಿ ಯಾವಾಗಲೂ ಧಾರ್ಮಿಕ ಮತಾಂಧತೆಯ ವಿರುದ್ಧ ನಿಲ್ಲುತ್ತಿದ್ದರು ಮತ್ತು ಭಾರತೀಯ ಸಂಸ್ಕೃತಿಯನ್ನು ಏಕತೆಯ ಮೂಲವೆಂದು ಪರಿಗಣಿಸುತ್ತಿದ್ದರು.

ಇದನ್ನೂ ಓದಿ-America ಹೋಗುವ ಕನಸು ಕಾಣುತ್ತಿರುವವರಿಗೆ ಒಂದು ಸಿಹಿ ಸುದ್ದಿ, 10 ಲಕ್ಷಕ್ಕೂ ಹೆಚ್ಚು ಭಾರತೀಯರಿಗೆ ಈ ಬಾರಿ ವೀಸಾ ಸಿಗಲಿದೆ

1987 ರಲ್ಲಿ ಕೆನಡಾಕ್ಕೆ ಸ್ಥಳಾಂತರ
ಪಾಕಿಸ್ತಾನದಲ್ಲಿ ಜನಿಸಿದ ತಾರೀಕ್  ಫತೇಹ್ 1987 ರಲ್ಲಿ ಕೆನಡಾಕ್ಕೆ ಸ್ಥಳಾಂತರಗೊಂಡರು.ಅಲ್ಲಿ ಓರ್ವ  ವರದಿಗಾರನಾಗಿ ವೃತ್ತಿಜೀವನವನ್ನು ಪ್ರಾರಂಭಿಸಿದ ತಾರೀಕ್ ಫತೇಹ್, ಬರಹಗಾರ, ರೇಡಿಯೋ ಮತ್ತು ಟಿವಿ ನಿರೂಪಕರೂ ಆಗಿದ್ದರು. ತಾರೀಕ್  ಫತೇಹ್ ಅನೇಕ ಭಾಷೆಗಳನ್ನು ಅರಿತವರಾಗಿದ್ದರು. ಉರ್ದುವನ್ನು ಹೊರತುಪಡಿಸಿ, ಅವರು ಹಿಂದಿ, ಇಂಗ್ಲಿಷ್, ಪಂಜಾಬಿ ಮತ್ತು ಅರೇಬಿಕ್ ಭಾಷೆಗಳಲ್ಲಿ ಉತ್ತಮ ಹಿಡಿತವನ್ನು ಹೊಂದಿದ್ದರು.

ಇದನ್ನೂ ನೋಡಿ-