Bank Holidays For Diwali: രാജ്യം ദീപാവലി ആഘോഷത്തിനുള്ള തയ്യാറെടുപ്പിലാണ്. രാജ്യത്തുടനീളം വലിയ ആഡംബരത്തോടെയും സന്തോഷത്തോടെയും ദീപങ്ങളുടെ ഉത്സവം ആഘോഷിക്കുന്ന അവസരത്തില്‍ ബാങ്ക് ജീവനക്കാരും അവധിയിലായിരിയ്ക്കും.
ധന്‍തേരസ് മുതല്‍ ഭായ്ദൂജ് വരെ തിങ്കള്‍ മുതല്‍ ബുധന്‍ വരെയുള്ള ദിവസങ്ങളില്‍ ബാങ്കുകള്‍ക്ക് അവധിയായിരിയ്ക്കും.
ദീപാവലിക്ക് മുന്നോടിയായി, ആളുകൾ അവരുടെ വീടുകളിൽ ഐശ്വര്യം കൊണ്ടുവരാൻ സ്വർണ്ണവും വെള്ളിയും വാങ്ങുന്ന ഉത്സവമായ ധന്‍തേരസ് മുതലാണ് അഞ്ച് ദിവസത്തെ ഉത്സവത്തിന് തുടക്കം കുറിയ്ക്കുന്നത്‌. ഈ ഉത്സവത്തിന്‍റെ അവസാന ദിവസമാണ് ഭായ്ദൂജ്.
രാജ്യത്തെ പ്രധാന ഉത്സവമായ ദീപാവലി പ്രമാണിച്ച് ബാങ്കുകള്‍ ഒക്ടോബർ 22 മുതൽ തുടർച്ചയായി ആറ് ദിവസത്തേക്ക് അവധിയിലായിരിക്കും. ധൻതേരസ് ആഘോഷമായതിനാല്‍ ശനിയാഴ്ച രാജ്യവ്യാപകമായി ബാങ്കുകൾക്ക് അവധിയായിരിക്കും. കൂടാതെ, ഈ ശനിയാഴ്ച മാസത്തിലെ നാലാം ശനിയാഴ്ച കൂടിയാണ്. കൂടാതെ, ഒക്ടോബർ 23 ഞായറാഴ്ചയായതിനാൽ എല്ലാ ബാങ്കുകളും അടഞ്ഞുകിടക്കും. അതിനാൽ, മൊത്തത്തിൽ, ഒക്ടോബർ 22 മുതൽ തുടർച്ചയായി ആറ് ദിവസത്തേക്ക് ബാങ്കുകൾക്ക് അവധിയായിരിയ്ക്കും.
അവധി ദിവസങ്ങള്‍ വിശദമായി അറിയാം
ഒക്ടോബർ 22: രാജ്യത്തുടനീളമുള്ള ബാങ്കുകൾ ഒക്ടോബർ 22 ന് ധൻതേരസ് പ്രമാണിച്ച് അവധിയായിരിയ്ക്കും. കൂടാതെ, മാസത്തിലെ നാലാമത്തെ ശനിയാഴ്ച കൂടിയാണിത്.
ഒക്ടോബർ 23: എല്ലാ ബാങ്കുകള്‍ക്കും ഞായറാഴ്ച അവധിയായിരിയ്ക്കും.
ഒക്ടോബർ 24: ദീപാവലി പ്രമാണിച്ച് രാജ്യത്തെ ബാങ്കുകള്‍ക്ക് അവധിയായിരിയ്ക്കും. ഗാംഗ്‌ടോക്ക്, ഹൈദരാബാദ്, ഇംഫാൽ ഒഴികെ ഇന്ത്യയിലെമ്പാടും ബാങ്കുകൾ അടഞ്ഞു കിടക്കും.
ഒക്ടോബർ 26: ഗോവർദ്ധൻ പൂജ/വിക്രം സംവന്ത് പുതുവത്സര ദിനം പ്രമാണിച്ച് രാജ്യത്തിന്‍റെ വിവിധ ഭാഗങ്ങളില്‍ ബാങ്കുകള്‍ക്ക് അവധിയായിരിയ്ക്കും.
ഒക്ടോബർ 27: ഭായ് ദൂജ് / ചിത്രഗുപ്ത് ജയന്തി /ലക്ഷ്മി പൂജ / ദീപാവലി / നിംഗോൾ ചക്കൗബ. ഗാംഗ്‌ടോക്ക്, ഇംഫാൽ, കാൺപൂർ, ലഖ്‌നൗ എന്നിവിടങ്ങളിൽ ബാങ്കുകൾ അടഞ്ഞുകിടക്കും.
റിസർവ് ബാങ്ക് ഓഫ് ഇന്ത്യയുടെ (RBI) അവധിക്കാല കലണ്ടർ പ്രകാരം ഒക്ടോബർ മാസത്തിൽ 21 ദിവസമാണ് ബാങ്കുകള്‍ക്ക് അവധി ഉണ്ടായിരുന്നത്.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
