Azhamkulam Devi Temple: തൂക്കവഴിപാടിനിടെ എട്ടുമാസം പ്രായമുള്ള കുഞ്ഞ് താഴെ വീണു

Azhamkulam Devi Temple: അപകടമുണ്ടായിട്ടും രക്ഷിതാക്കൾ അടക്കമുള്ള ആരും പരാതി സമർപ്പിച്ചിരുന്നില്ല. അതിനാൽ തന്നെ പോലീസും സംഭവത്തിൽ ഇടപെട്ടില്ല. വാർത്തകൾ പുറത്തുവന്ന പശ്ചാത്തലത്തിലാണ് കമ്മീഷൻ ഇടപെട്ടിരിക്കുന്നത്.

പത്തനംതിട്ട: ഏഴംകുളം ദേവീക്ഷേത്രത്തിലെ നേർച്ച വഴിപാടായ വില്ല് വണ്ടിയിലെ തൂക്കത്തിനിടെ  കുഞ്ഞിനെ വില്ലിൽ തൂങ്ങിക്കിടക്കുന്ന ആളിൽ നിന്നും കുട്ടി താഴെ വീണു. സംഭവത്തിൽ ബാലാവകാശ കമ്മീഷൻ നടപടി യെടുക്കാൻ നിർദ്ദേശിച്ച്  ഉത്തരവിട്ടു. കഴിഞ്ഞ വെള്ളി ശനി ദിവസങ്ങളിലാണ് ക്ഷേത്രത്തിൽ ഉത്സവത്തിൻ്റെ ഭാഗമായി തൂക്കം വഴിപാട് നടന്നത്. 

അപകടമുണ്ടായിട്ടും രക്ഷിതാക്കൾ അടക്കമുള്ള ആരും പരാതി സമർപ്പിച്ചിരുന്നില്ല. അതിനാൽ തന്നെ പോലീസും സംഭവത്തിൽ ഇടപെട്ടില്ല. വാർത്തകൾ പുറത്തുവന്ന പശ്ചാത്തലത്തിലാണ് കമ്മീഷൻ ഇടപെട്ടിരിക്കുന്നത്. തൂക്കുവഴിപാട് നടന്ന രണ്ടാം ദിവസം രാത്രിയോടെയാണ് അപകടം ഉണ്ടായത്. വിഷയത്തിൽ അടിയന്തരം നടപടി സ്വീകരിക്കാൻ പോലീസിന് നിർദ്ദേശം നൽകിയിട്ടുണ്ട്. എട്ടുമാസം പ്രായമായ ആൺകുട്ടിയാണ് തൂക്കുകാരന്റെ കയ്യിൽ നിന്നും നിലത്ത് വീണത്. 

സംഭവത്തിൽ കുഞ്ഞിന്റെ ഒരു കൈക്ക് ഒടിവ് പറ്റിയിട്ടുണ്ട്. പത്തടിയിൽ അധികം ഉയരത്തിൽ നിന്നാണ് കുഞ്ഞു താഴേക്ക് വീണത് മറ്റ് ഗുരുതരമായ പരിക്കുകൾ ഒന്നും ഇല്ല എന്നാണ് ആശുപത്രി അധികൃതർ നൽകുന്ന വിവരം. സിടി സ്കാനിന്റെ ഫലം തൃപ്തികരമെന്നും ഇനി എംആർഐ ഫലം കൂടി വരാനുണ്ടെന്നും ഡോക്ടർസ് പറഞ്ഞു.