കൊല്ലം കളക്ടറേറ്റ് സ്ഫോടനക്കേസിൽ മൂന്ന് പ്രതികൾക്കും ജീവപര്യന്തം തടവ് ശിക്ഷ. മധുര സ്വദേശികളായ അബ്ബാസ് അലി, ഷംസൂൺ കരീംഹാജ, ദാവൂദ് സുലൈമാൻ എന്നിവർക്കാണ് തടവ് ശിക്ഷ വിധിച്ചത്. കൊല്ലം പ്രിൻസിപ്പൽ സെഷൻസ് കോടതിയുടേതാണ് വിധി.
2016 ജൂൺ 15നാണ് കേസിനാസ്പദമായ സംഭവം നടന്നത്. ഉപയോഗശൂന്യമായി കിടന്നിരുന്ന തൊഴിൽ വകുപ്പിന്റെ ജീപ്പിലായിരുന്നു സ്ഫോടനം നടത്തിയത്. ചോറ്റുപാത്രത്തിൽ സ്ഫോടനവസ്തുക്കൾ നിറച്ച് ജീപ്പിൽ വയ്ക്കുകയായിരുന്നു. സംഭവത്തിൽ ഒരാൾക്ക് പരിക്കേറ്റു. എട്ട് വർഷത്തിന് ശേഷമാണ് വിധി വരുന്നത്. 2017 സെപ്റ്റംബർ 8നാണ് കുറ്റപത്രം സമർപ്പിച്ചത്. കേസിൽ ആകെ 90 സാക്ഷികളാണുള്ളത്.
