Kerala Police: പമ്പുടമകൾക്ക് മാത്രം 200 കോടി രൂപ! കുടിശിക തീർക്കാൻ 57 കോടി അനുവദിക്കണമെന്ന പൊലീസ് മേധാവിയുടെ ആവശ്യം ധനവകുപ്പ് തള്ളി

Kerala Police arrears issue: ഭരണാനുമതിയില്ലാതെ പണം ചിലവഴിച്ചതാണ് കുടിശ്ശിക ഉണ്ടാകാനുള്ള കാരണമെന്നാണ് കണ്ടെത്തൽ. അതിനാൽ തന്നെ ഇത്തരത്തിൽ ഭരണാനുമതിയില്ലാത്ത കുടിശ്ശിക ഇനി അനുവദിക്കില്ലെന്നുമാണ് ധനവകുപ്പ്സംസ്ഥാന പോലീസിനെ അറിയിച്ചിരിക്കുന്നത്.

തിരുവനന്തപുരം: കുടിശ്ശിക തീർക്കുന്നതിനായി 57 കോടി രൂപ അനുവധിക്കണമെന്ന സംസ്ഥാന പോലീസിന്റെ ആവശ്യം ധനവകുപ്പ് തള്ളി. പമ്പുടമകൾക്ക് മാത്രമായി സേന 200 കോടി രൂപയാണ് അടയ്ക്കാനുള്ളത്. കുടിശ്ശിക തീർക്കാനായി പണം ആവശ്യപ്പെട്ട് സംസ്ഥാന ധനവകുപ്പിനെ പോലീസ് മേധാവിയാണ് സമീപിച്ചത്. എന്നാൽ സംസ്ഥാനത്തെ പോലീസ് സേനയുടെ ആവശ്യത്തെ തള്ളുന്ന നിലപാടാണ് സംസ്ഥാന ധനവകുപ്പ് സ്വീകരിച്ചിട്ടുള്ളത്.

ഭരണാനുമതിയില്ലാതെ പണം ചിലവഴിച്ചതാണ് കുടിശ്ശിക ഉണ്ടാകാനുള്ള കാരണമെന്നാണ് കണ്ടെത്തൽ. അതിനാൽ തന്നെ ഇത്തരത്തിൽ ഭരണാനുമതിയില്ലാത്ത കുടിശ്ശിക ഇനി അനുവദിക്കില്ലെന്നുമാണ് ധനവകുപ്പ്സംസ്ഥാന പോലീസിനെ അറിയിച്ചിരിക്കുന്നത്. ലോക്സഭാ തെരഞ്ഞെടുപ്പിന് മുന്നോടിയായുള്ള ഒരുക്കങ്ങൾക്കു വേണ്ടിയാണ് സംസ്ഥാന പോലീസ് മേധാവി 57 കോടി രൂപ ആവശ്യപ്പെട്ടിരിക്കുന്നത്.

അതേസമയം കടമെടുപ്പ് പരിധിയിൽ കേരളത്തിന്റെ സ്യൂട്ട് ഹർജി ഭരണഘടനാ ബെഞ്ചിന് വിട്ട് സുപ്രീം കോടതി. വിശദമായി പരി​ഗണിക്കേണൺ്ട വിഷയമാണിതെന്നും വിപുലമായ ബഞ്ചാണ് ഉചിതമെന്നുമാണ് നിലപാട്. പ്രാഥമിക വാദങ്ങളിൽ കേന്ദ്രത്തിന് മുൻതൂക്കമുണ്ട്. ഉടനെ അധിക കടം എടുക്കാനാകില്ലെന്ന നിലപാടും കോടതി എടുത്തു. അഞ്ചം​ഗ ബെഞ്ചാവും നിലവിലെ സാഹചര്യത്തിൽ ഹർജി പരി​ഗണിക്കുക.