നിങ്ങള്‍ കഴിക്കുന്ന ആഹാരങ്ങള്‍ നിങ്ങളുടെ രക്തസമ്മര്‍ദ്ദം കൂട്ടാനും കുറയ്ക്കാനും സഹായിക്കും. അതുകൊണ്ട് നിങ്ങളുടെ രക്തസമ്മര്‍ദ്ദം കൂടുതല്‍ ആണെങ്കില്‍ ഈ പച്ചക്കറികളും, പഴങ്ങളും കഴിക്കൂ രക്തസമ്മര്‍ദ്ദത്തെ നിയന്ത്രിക്കൂ. രക്തസമ്മര്‍ദ്ദം നിയന്ത്രിക്കാന്‍ കൂടുതല്‍ പൊട്ടാസ്യവും, കാത്സ്യവും അടങ്ങിയ പഴങ്ങളും, പച്ചക്കറികളും കഴിക്കുക സോഡിയം അടങ്ങിയവ ഒഴിവാക്കുക.
വെള്ളരിക്ക കഴിക്കൂ രക്തസമ്മര്‍ദ്ദം നിയന്ത്രിക്കൂ. ശരീരം തണുപ്പിക്കാനും ഇത് നല്ലതാണ്. വെള്ളരിക്കയുടെ നീരില്‍ രണ്ട് സ്പൂണ്‍ തേനും ഒരു സ്പൂണ്‍ നാരങ്ങാനീരും ചേര്‍ത്ത് കുടിക്കുന്നത് രക്തം ശുദ്ധീകരിക്കുന്നതിനും, രക്തസമ്മര്‍ദ്ദം നിയന്ത്രിക്കുന്നതിനും നല്ലതാണ്.
രക്തസമ്മര്‍ദ്ദം കുറയ്ക്കാന്‍ അജ്വായിന്‍ നല്ലതാണ്. അജ്വായിനിന് സമ്മര്‍ദ്ദം ഉണ്ടാക്കുന്ന ഹോര്‍മോണുകളെ ഇല്ലാതാക്കാനുള്ള കഴിവുണ്ട്.
പൊട്ടാസ്യം കൂടുതലുള്ള പച്ചക്കറികളും പഴങ്ങളും കഴിക്കുന്നത്‌ രക്തസമ്മര്‍ദ്ദം കുറയ്ക്കാന്‍ കഴിയും. മധുരക്കിഴങ്ങ്, പാലക്ക്, പഴം എന്നിവ കഴിക്കുന്നത്‌ രക്തസമ്മര്‍ദ്ദം നിയന്ത്രിക്കുന്നതിന് നല്ലതാണ്.
വെളുത്തുള്ളിയുടെ ഉപയോഗം രക്തസമ്മര്‍ദ്ദം നിയന്ത്രിക്കാനും, ഹൃദയസംബന്ധമായ അസുഖമുള്ളവര്‍ക്കും നല്ലതാണ്. മാത്രമല്ല, മാനസിക സമ്മര്‍ദ്ദം കുറയ്ക്കുന്നതിനും, ഹൃദയമിടിപ്പ് നിയന്ത്രിക്കുന്നതിനും വെളുത്തുള്ളി നല്ലതാണ്.
നെല്ലിക്കയില്‍ വിറ്റാമിന്‍ സി ധാരാളം അടങ്ങിയിട്ടുണ്ട്. രക്തസമ്മര്‍ദ്ദം നിയന്ത്രിക്കാന്‍ വിറ്റാമിന്‍ സി കൂടുതല്‍ അടങ്ങിയ നെല്ലിക്ക കഴിക്കുന്നത്‌ നല്ലതാണ്. ഒരു സ്പൂണ്‍ നെല്ലിക്ക നീരും തേനും ചേര്‍ത്ത് ദിവസവും കഴിക്കുന്നത്‌ രക്തസമ്മര്‍ദ്ദം നിയന്ത്രിക്കുന്നതിന് നല്ലതാണ്.
ആപ്പിള്‍ കഴിക്കുന്നത്‌ നല്ലതാണ്. ആപ്പിള്‍ കഴിക്കുന്നതുകൊണ്ട് വൃക്കയിലെ സോഡിയം ക്ലോറൈഡ് ഉത്പാദനം കുറയുന്നു. അതുമാത്രമല്ല ആപ്പിളില്‍ പൊട്ടാസ്യത്തിന്‍റെ അളവ് കൂടുതല്‍ ആണ് ഇത് സോഡിയത്തിന്‍റെ അളവിനെ കുറച്ച് രക്തസമ്മര്‍ദ്ദത്തെ നിയന്ത്രിക്കുന്നു.
അവിച്ച ഉരുളക്കിഴങ്ങ് ഉപ്പില്ലാതെയോ അല്ലെങ്കില്‍ കുറച്ച് ഉപ്പു ചേര്‍ത്തോ കഴിക്കുന്നത്‌ രക്തസമ്മര്‍ദ്ദം നിയന്ത്രിക്കാന്‍ നല്ലതാണ്. ഉരുളക്കിഴങ്ങില്‍ പൊട്ടാസ്യം നല്ല അളവില്‍ ഉണ്ട്.
