കാലാവസ്ഥ വ്യതിയാനവും തണുപ്പുള്ള ഭക്ഷണങ്ങളും പലപ്പോഴും തൊണ്ടവേദനയിലേക്ക് നയിക്കും. ഇത് സങ്കീർണമായ അവസ്ഥയിലേക്ക് എത്താതിരിക്കാൻ ചില പൊടിക്കൈകൾ വീട്ടിൽ തന്നെ ചെയ്യാം.
ഉപ്പുവെള്ളം: ചെറിയ ചൂടുവെള്ളത്തിൽ അൽപ്പം ഉപ്പിട്ട് കവിൾ കൊള്ളുന്നത് തൊണ്ടവേദനയുടെ അസ്വസ്ഥത കുറയാൻ സഹായിക്കും. ദിവസം മൂന്ന് നേരം ഉപ്പ് വെള്ളം ഗാർഗിൾ ചെയ്യുന്നത് തൊണ്ട വേദനയെ ശമിപ്പിക്കും.
ഇഞ്ചി: ഇഞ്ചിയിൽ ആന്റിബാക്ടീരിയൽ സവിശേഷതകൾ ഉണ്ട്. ഇത് തൊണ്ടയിലെ വേദനയ്ക്കും അസ്വസ്ഥതയ്ക്കും മികച്ച പരിഹാരമാണ്. തൊണ്ട വേദന ഉള്ളപ്പോൾ ചുക്കുകാപ്പി കുടിക്കുന്നത് നല്ലതാണ്.
ഗ്രാമ്പൂ: തൊണ്ടവേദന ശമിപ്പിക്കുന്ന ഒന്നാണ് ഗ്രാമ്പൂ. ഗ്രാമ്പൂ ചവച്ചരച്ച് അതിന്റെ നീര് കഴിക്കുന്നത് തൊണ്ടവേദന കുറയാൻ സഹായിക്കും.
തുളസി: തുളസിയില ഇട്ട് തിളപ്പിച്ച വെള്ളം കുടിക്കുന്നത് തൊണ്ടവേദന കുറയാൻ സഹായിക്കും. തുളസിയില ഇട്ട് തിളപ്പിച്ച വെള്ളം ഗാർഗിൾ ചെയ്യുന്നതും നല്ലതാണ്.
മഞ്ഞൾ: ചെറിയ ചൂടുവെള്ളത്തിൽ അൽപം മഞ്ഞൾ കലർത്തി കുടിക്കുന്നത് തൊണ്ടവേദനയ്ക്ക് ശമനം നൽകും. ചെറു ചൂടുവെള്ളത്തിൽ മഞ്ഞളും ഉപ്പും കലർത്തി ഗാർഗിൾ ചെയ്യുന്നതും തൊണ്ടവേദനയ്ക്ക് ആശ്വാസം നൽകും.
