Covid | കോവിഡ് ബാധിതരിൽ ബ്രെയിൻ ഫോ​ഗ്; വൈറസ് സ്പൈനൽ ഫ്ലൂയിഡിനെ ബാധിക്കുന്നതിന്റെ ഫലമാകാമെന്ന് പഠനം

സാൻ ഫ്രാൻസിസ്‌കോ: കോവിഡ് ബാധിച്ചവരിൽ ബ്രെയിൻ ഫോ​ഗ് ഉണ്ടാകുന്നത് ഓരോ വ്യക്തിയുടെയും സ്പൈനൽ ഫ്ലൂയിഡിനെ എപ്രകാരം ബാധിക്കുന്നു എന്നതിനെ ആശ്രയിച്ചിരിക്കുന്നുവെന്നത് ആശ്രയിച്ചാണെന്ന് പഠനങ്ങൾ. കോവിഡിൽ നിന്ന് മുക്തരാകുന്നവരിൽ നടത്തിയ പഠനത്തിലാണ് ഈ കണ്ടെത്തൽ.

സാൻ ഫ്രാൻസിസ്കോയിലെ കാലിഫോർണിയ സർവകലാശാലയിലെ (യുസിഎസ്എഫ്) ഒരു ഗവേഷക സംഘം, കോവിഡ് മുക്തരായവരുടെ സെറിബ്രോ സ്പൈനൽ ദ്രാവകം സംബന്ധിച്ച് നടത്തിയ പഠനത്തിലാണ് ഈ കണ്ടെത്തൽ. കൊറോണ വൈറസ് ഒരു വ്യക്തിയുടെ നട്ടെല്ല് ദ്രാവകത്തിൽ മാറ്റം വരുത്തുന്നു, ഇതാണ് ബ്രെയിൻ ഫോ​ഗിലേക്ക് നയിക്കുന്നതെന്ന് ഡെയ്‌ലി മെയിൽ റിപ്പോർട്ട് ചെയ്തു.

കൊറോണ വൈറസ് അണുബാധയിൽ നിന്ന് മുക്തരാകുന്ന ചില രോഗികളുടെ സ്പൈനൽ ഫ്ലൂയിഡിൽ ഉയർന്ന അളവിൽ പ്രോട്ടീനുകൾ കണ്ടെത്തി. കോവിഡ് ​ഗുരുതരമായി ബാധിക്കാത്തവരിലും ഇത്തരം അവസ്ഥ കാണുന്നതായാണ് പഠനം വ്യക്തമാക്കുന്നത്. അനൽസ് ഓഫ് ക്ലിനിക്കൽ ആൻഡ് ട്രാൻസ്ലേഷണൽ ന്യൂറോളജിയിൽ പഠനം പ്രസിദ്ധീകരിച്ചു.

32 രോഗികളെ വിശകലനം ചെയ്തു, അവരിൽ ആർക്കും ആശുപത്രിയിൽ പ്രവേശനം ആവശ്യമായത്ര ഗുരുതരമായ അണുബാധയുണ്ടായിരുന്നില്ല. ഈ രോഗികളുടെ നട്ടെല്ലിലെ ദ്രാവകം ഗവേഷകർ ശേഖരിച്ച് പഠനം നടത്തി. 32 പേരിൽ 22 പേർക്ക് ബ്രെിയൻ ഫോ​ഗുമായി ബന്ധപ്പെട്ട പ്രശ്നങ്ങൾ കണ്ടെത്തിയതായും ​ഗവേഷകർ വ്യക്തമാക്കുന്നു.

എന്താണ് ബ്രെയിൻ ഫോ​ഗ്?

കേന്ദ്ര നാഡീ വ്യവസ്ഥയെ ബാധിക്കുന്ന ​ഗുരുതരമായ ഒരു അവസ്ഥയാണ് ബ്രെയിൻ ഫോ​ഗ്. മാനസിക ഉല്ലാസം നഷ്ടപ്പെടുക, ആശയക്കുഴപ്പം, ഉത്കണ്ഠ എന്നിവയ്ക്ക് ബ്രെയിൻ ഫോ​ഗ് കാരണമാകും. ഒരു കാര്യങ്ങളിലും ശ്രദ്ധ കേന്ദ്രീകരിക്കാൻ സാധിക്കാതെ വരിക, ഏകാ​ഗ്രത നഷ്ടമാകുക, ഓമർമ്മക്കുറവ്, വ്യക്തമല്ലാത്ത ചിന്തകൾ എന്നിവയ്ക്കും ബ്രെയിൻ ഫോ​ഗ് കാരണമാകും.

ബ്രെയിൻ ഫോ​ഗ് ഉണ്ടെന്ന് ഉറപ്പാക്കിയാൽ ഉടൻ ചികിത്സ തേടേണ്ടതാണ്. കോവിഡ് മസ്തിഷ്കത്തെയും ബാധിക്കുന്നുണ്ടെന്ന് മുൻപ് പഠനങ്ങൾ വ്യക്തമാക്കിയിരുന്നു. കോവിഡ് രോ​ഗികളിൽ 58 ശതമാനം പേർക്കും ബ്രെയിൻ ഫോ​ഗ് ലക്ഷണമായി ഉണ്ടായിരുന്നുവെന്ന് റിപ്പോർട്ടുകൾ വ്യക്തമാക്കുന്നു. 

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...

android Link - https://bit.ly/3b0IeqA

ios Link - https://apple.co/3hEw2hy