വിവാഹ ദിവസം ധരിക്കുന്ന വസ്ത്രത്തെപ്പറ്റി എല്ലാ പെണ്‍കുട്ടികള്‍ക്കും സ്വപ്നങ്ങളും ആഗ്രഹങ്ങളും ഉണ്ടാകുന്നത് സ്വാഭാവികമാണ്.
പുതിമ നിറഞ്ഞതും ആത്മവിശ്വാസം പകരുന്നതുമായ ഒരു വിവാഹ വസ്ത്രമാണ് ഇപ്പോള്‍ സമൂഹ മാധ്യമങ്ങളില്‍ ഏറെ ശ്രദ്ധ നേടിയിരിക്കുന്നത്. 2018-2019 വര്‍ഷത്തെ എല്ലാ ഫാഷന്‍ ട്രെന്‍ഡുകളെയും പിന്നിലാക്കിയാണ് നേക്കഡ് വെഡ്ഡി൦ഗ് ഡ്രെസ്സുകള്‍ ശ്രദ്ധ നേടിയിരിക്കുന്നത്.
ശുദ്ധമായ വെള്ള നെറ്റില്‍ തയാറാക്കുന്ന ഈ വിവാഹ വസ്ത്രത്തിന്‍റെ ലൈനി൦ഗ് ചര്‍മ്മ നിറത്തിലുള്ളതാണ്. ഇതാണ് വസ്ത്രത്തെ പുതുമയുള്ളതാക്കുന്നത്. എന്നാല്‍, ലൈനിംഗ് ഇല്ലാതെയും, വെള്ള നിറത്തിലുള്ള ലൈനിംഗോട് കൂടിയും ഇത്തരം വിവാഹ വസ്ത്രങ്ങള്‍ മാര്‍ക്കറ്റില്‍ വില്‍പ്പനയ്ക്ക് എത്തിയിട്ടുണ്ട്.
'ഗ്രയ്സ് ലവ്സ് ലേസ്' പുറത്തിറക്കിയ ഈ വിവാഹ വസ്ത്രമാകും ഇനി എല്ലാ പെണ്‍കുട്ടികളു൦ വിവാഹത്തിനായി തിരഞ്ഞെടുക്കുകയെന്ന് പ്രമുഖ ഫാഷന്‍ ഡിസൈനേഴ്സ് അവകാശപ്പെടുന്നു.
ഈ വസ്ത്രം തിരഞ്ഞെടുക്കുന്ന പെണ്‍കുട്ടികളുടെ എണ്ണത്തില്‍ 30 ശതമാനം വര്‍ധനവ് വന്നതായി ഗ്രയ്സ് ലവ്സ് ലേസ് മേധാവി മേഘന്‍ സീംസ് വ്യക്തമാക്കി.
