சென்னை: ஜல்லிக்கட்டு தடையை நீக்க கோரி இளைஞர்களும், மாணவர்களும் நடத்தும் எழுச்சி போராட்டத்தால் தமிழகம் முழுமையாக ஸ்தம்பித்தது.
இந்நிலையில் ஜல்லிக்கட்டு தடையை நீக்க கோரி நடிகர்-நடிகைகள் சென்னையில் இன்று உண்ணாவிரத போராட்டம் துவங்கினர்.
தியாகராயநகரில் உள்ள நடிகர் சங்க வளாகத்தில் காலை 8 மணிக்கு தொடங்கிய இந்த போராட்டம் இன்று மாலை 6 மணிக்கு முடிவடைகிறது.
இப்போராட்டத்துக்கு நடிகர், நடிகைகளை தவிர வேறு யாருமே உள்ளே அனுமதிக்கப்படவில்லை. பத்திரிகையாளர்கள், புகைப்படக்காரர்கள் யாருமே ஒளிப்பதிவு செய்ய வர வேண்டாம் என்று நடிகர் சங்கத்தின் சார்பில் அறிக்கை வெளியிடப்பட்டுள்ளது.
#SIAA 's press release . pic.twitter.com/PAZxYHcqbb
— NadigarSangam PrNews (@NadigarsangamP) January 19, 2017
இன்று காலை 8 மணியளவில் நடிகர் சங்கத் தலைவர் நாசர், துணைத் தலைவர் பொன்வண்ணன், பொருளாளர் கார்த்தி, சத்யராஜ், ரகுமான் உள்ளிட்டோர் கலந்து கொண்டு அமைதி வழியில் மவுனப் போராட்டம் நடத்தி வருகிறார்கள்.
#SIAA #silentprotest for #jallikattu Started with presence of Senior Actors at #SIAAGround #JusticeforJallikattu pic.twitter.com/fmyJmcHx5r
— NadigarSangam PrNews (@NadigarsangamP) January 20, 2017
