'ஜவான்' படத்திற்கு பிறகு 'தளபதி 68' படத்தை இயக்குனர் அட்லீ இயக்குவார் என்று கூறப்பட்ட நிலையில், பாலிவுட் பிரபலம் ஒருவரின் படத்தை அட்லீ தயாரிப்பதாக கூறப்படுகிறது.
தமிழ் திரையுலகில் அதிக சம்பளம் வாங்கும் முன்னணி கமர்ஷியல் இயக்குனர்களில் 'ராஜா ராணி' படத்தின் மூலம் மக்கள் மத்தியில் பிரபலமான இயக்குனர் அட்லீயும் ஒருவராவார்.
பாலிவுட் பக்கம் சென்றுள்ள இவர், ஷாருக்கானை வைத்து 'ஜவான்' படத்தை இயக்கியுள்ளார். இப்படத்தில் நயன்தாரா, விஜய் சேதுபதி, பிரியாமணி, தீபிகா படுகோன் போன்ற நட்சத்திரங்கள் நடிக்கின்றனர்.
இயக்குனர் அட்லீ தமிழில் தளபதி விஐய்யை வைத்து 'தெறி', 'மெர்சல்' மற்றும் 'பிகில்' ஆகிய மூன்று பேக் டு பேக் பிளாக்பஸ்டர் ஹிட் படங்களை கொடுத்திருக்கிறார்.
'தளபதி 68' படத்தை அட்லீ இயக்குவார் என்று கூறப்பட்டது ஆனால் 'ஜவான்' படத்தின் பணிகளில் தாமதம் ஏற்பட்டதால் அது நிறைவேறாமல் போய்விட்டது. இருப்பினும் 'தளபதி 69' அல்லது 'தளபதி 70' படத்தை அட்லீ இயக்குவார் என்று கூறப்படுகிறது
ஜவான்' படத்தை தொடர்ந்து அட்லீ, முராத் கெதானியுடன் இணைந்து வருண் தவான் நடிக்கும் புதிய படத்தை தயாரிப்பார் என்று செய்திகள் வெளியாகியுள்ளது. இப்படத்தின் பணிகள் ஆகஸ்ட் மாதம் தொடங்கப்பட்டு படம் 2024ம் ஆண்டு கோடையில் வெளியாகும் என்று கூறப்படுகிறது
