Benefits of Eating Cucumber With Peel: கோடையில் வெள்ளரி போன்ற நீர்ச்சத்து நிறைந்த காய்கறிகளை சாப்பிடுவது சிறந்தது. கோடையில் மக்கள் கண்டிப்பாக சாலட் சாப்பிடுவார்கள் மற்றும் சாலட்டில் முதல் தேர்வு குளிர்ச்சியைக் கொடுக்கும் வெள்ளரி.
நீர்சத்து நிறைந்த வெள்ளரியை சாப்பிடுவதால் வயிறு எளிதில் நிரம்பி உடல் குளிர்ச்சியாக இருக்கும். வெள்ளரிக்காயின் அனைத்து நன்மைகளும் உடலுக்கு கிடைக்காத வகையில், வெள்ளரி சாப்பிடும் போது நீங்கள் செய்யும் தவறுகள் என்ன தெரியுமா?
வெள்ளரி: பல வைட்டமின்கள் மற்றும் தாதுக்கள் வெள்ளரியில் காணப்படுகின்றன. இருப்பினும், வெள்ளரிக்காய் சாப்பிடும் போது செய்யும் சில தவறு காரணமாக அவர்களுக்கு முழுமையான பலன் கிடைக்கவில்லை.
வெள்ளரி தோல்: பெரும்பாலானோர் வெள்ளரிக்காயை தோலுரித்த பிறகே சாப்பிடுவார்கள். ஆனால் வெள்ளரிக்காயை தோலுரிக்காமல் சாப்பிட்டால் தான், அதிக பலன்கள் கிடைக்கும். ஏனெனில் வைட்டமின் ஏ அதாவது பீட்டா கரோட்டின் மற்றும் வைட்டமின் கே வெள்ளரித் தோலில் உள்ளது.
செரிமானம்: மலச்சிக்கல் மற்றும் செரிமான பிரச்சனையால் அவதிப்படுபவர்கள் வெள்ளரிக்காயை தோல் நீக்காமல் சாப்பிட வேண்டும். வெள்ளரிக்காய் தோலில் கரையாத நார்ச்சத்து உள்ளது. இது மலச்சிக்கலில் இருந்து நிவாரணம் அளிக்கிறது. குடல் இயக்கத்தை மேம்படுத்தவும், வயிற்றை சுத்தம் செய்யவும் உதவுகிறது.
உடல் பருமன்: வெள்ளரிக்காயை உரிக்காமல் சாப்பிட்டால், அதன் கலோரிகள் மேலும் குறையும். மேலும் வெள்ளரிக்காய் தோலில் உள்ள நார்ச்சத்து காரணமாக நீண்ட நேரம் வயிறு நிறைந்திருக்கும். இது பசியைக் குறைத்து, உடல் பருமனைக் குறைக்க உதவுகிறது.
இளமை: வெள்ளரிக்காய் சாப்பிடுவதால் சருமம் பளபளக்கும், வெள்ளரிக்காய் தோலில் உள்ள அஸ்கார்பிக் அமிலம் முதுமையை தடுக்கிறது. இதில் உள்ள ஊட்டச்சத்துக்கள் சருமத்தை ஆக்ஸிஜனேற்ற சேதத்திலிருந்து பாதுகாக்கிறது.
கண் ஆரோக்கியம்: வெள்ளரிக்காய் தோலில் வைட்டமின் ஏ உள்ளது,. எனவே இது கண்களை ஆரோக்கியமாக வைத்திருக்க உதவுகிறது. உங்களுக்கு பீட்டா கரோட்டின் கிடைக்க வேண்டும் என்றால், வெள்ளரிக்காயை தோல் நீக்காமல் சாப்பிடுங்கள். ரத்தத்தை உறைய வைக்க உதவும் வைட்டமின் கே வெள்ளரித் தோலில் உள்ளது.
பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ZEE MEDIA இந்த தகவல்களுக்கு பொறுப்பேற்காது.
