Saturn Transit 2023: சனி பகவான் வருகிற 2023 ஜனவரி 30 ஆம் தேதி சனி கும்ப ராசியில் சூரியனுக்கு அருகில் சென்று அஸ்தமனமாகிறார். இந்த சனி அஸ்தமனத்தால் சில ராசிக்காரர்கள் அதிக பிரச்சனைகளை சந்திக்க நேரிடும், நிதி இழப்பு ஏற்படவும் வாய்ப்புள்ளது. இப்போது 2023 ஜனவரி 30 ஆம் தேதி சனி அஸ்தமனமாவதால் எந்த ராசிக்காரர்கள் எச்சரிக்கையாக இருக்க வேண்டும் என்பதைக் காண்போம்.
மேஷ ராசி: சனியின் அஸ்தமனத்தால் சிரமங்களை சந்திக்க நேரிடும். தொழில் வாழ்க்கையிலும் அலைச்சல் இருக்கும். பொருளாதாரத்தில் பெரிய இழப்பு ஏற்படலாம். திருமண வாழ்க்கையிலும் பிரச்சனைகள் ஏற்படும்.
கடக ராசி: தொழில் சம்பந்தமான முக்கிய முடிவுகளை எடுப்பதை தவிர்க்கவும். வாழ்க்கை துணையுடன் சண்டை சச்சரவுகள் அதிகரிக்கும். இதன் போது சிறப்பு கவனம் செலுத்த வேண்டும். புதிய வேலை தொடங்காமல் இருப்பது நல்லது.
சிம்ம ராசி: ஆரோக்கியம் மோசமடையக்கூடும். அதிக பிரச்சனைகளை சந்திக்க நேரிடும். நோய்களுக்கான செலவுகள் அதிகமாகும். பெண்களுக்கு தாய்வழியில் இருந்து சில கெட்ட செய்திகள் வரும்.
விருச்சிக ராசி: வியாபாரத்தில் புதிய சோதனைகளைத் தவிர்க்கவும். பணத்தை புத்திசாலித்தனமாக பயன்படுத்துங்கள். பயணத்தின் போது சிறப்பு கவனம் செலுத்துங்கள். குடும்ப உறுப்பினர்களுடன் வீண் வாக்குவாதங்களில் ஈடுபட வேண்டாம்.
கும்ப ராசி: நீங்கள் நிதி நெருக்கடியை எதிர்கொள்ள வேண்டியிருக்கும். உத்தியோகம் செய்பவர்கள், அலுவலகத்தில் அதிகாரிகளின் அழுத்தத்தை சந்திக்க நேரிடும். தொழில் தொடர்பான முடிவுகளை எடுப்பதில் புத்திசாலித்தனமாக செயல்படுங்கள்.
