மதராசபட்டினம், தெய்வ திருமகள் மற்றும் தலைவா போன்ற படங்களின் மூலம் கவனம் ஈர்த்த இயக்குனர் விஜய்க்கு ஐக்கிய அரபு அமீரகம் கோல்டன் விசா வழங்கி கௌரவித்துள்ளது.
திரை பிரபலங்கள் பலருக்கும் ஐக்கிய அரபு அமீரகம் கோல்டன் விசா வழங்கி வரும் நிலையில் தற்போது இயக்குனர் விஜய்க்கு அரசு கோல்டன் விசாவை வழங்கியுள்ளது.
ஐக்கிய அரபு அமீரகத்தின் முதல் கோல்டன் விசாவை பெற்றவர் நடிகர் பார்த்திபன் தான், இவருக்கு கடந்த 2021ம் ஆண்டு கோல்டன் விசா வழங்கப்பட்டது.
சமீபத்தில் யுவன் ஷங்கர் ராஜா மற்றும் விக்ரம் ஆகியோருக்கு கோல்டன் விசா வழங்கப்பட்ட நிலையில் தற்போது இயக்குனர் விஜய்க்கு வழங்கப்பட்டு இருக்கிறது.
இதுவரை திரிஷா, ராய் லட்சுமி, நாசர், ரஹ்மான், வெங்கட் பிரபு, கமல்ஹாசன் மற்றும் அமலா பால் ஆகியோருக்கு ஐக்கிய அரபு அமீரகம் கோல்டன் விசாவை வழங்கி சிறப்பித்துள்ளது.
