Gautam Adani Net Worth: பிரபல தொழில் அதிபரான கௌதம் அதானி தங்கி இருக்கும் வீட்டின் புகைப்படங்கள் தற்போது வெளியாகி இணையத்தில் வைரல் ஆகி வருகிறது.
பிரபல தொழிலதிபரும் அதானி குழுமத்தின் தலைவருமான கௌதம் அதானி 1962ல் குஜராத் மாநிலத்தில் பிறந்தார். இவர் நிலக்கரி வர்த்தகம், சுரங்கம், எண்ணெய் மற்றும் எரிவாயு என பல வியாபாரங்களில் ஈடுபட்டு வருகிறார்.
தொழிலதிபர் கௌதம் அதானிக்கு இந்தியா மற்றும் வெளிநாடுகளில் பல சொத்துக்கள் உள்ளன. கடந்த மாதம் கவுதம் அதானி உலகின் 6வது பணக்காரர் என்ற அந்தஸ்தை பெற்றார்.
அதானிக்கு பல சொத்துக்கள் இருந்தாலும் டெல்லியில் உள்ள இல்லத்தில் வசித்து வருகிறார். மேலும் குர்கானில் உள்ள காந்திநகர் பகுதியில் இவருக்கு ஆடம்பரமான சொகுசு பங்களா ஒன்று உள்ளது.
டெல்லியில் உள்ள லுடியன்ஸ் பகவான் தாஸ் சாலைக்கு அருகில் கவுதம் அதானியின் வீடு உள்ளது. இந்த வீட்டின் மதிப்பு சுமார் 400 கோடி என்று மதிப்பிடப்பட்டுள்ளது.
இந்த வீடு 3.4 ஏக்கர் பரப்பளவில் பிரமாண்டமாக அமைந்துள்ளது. இந்த ஆடம்பரமான பங்களாவில் 7 படுக்கையறைகள், 6 சாப்பாட்டு அறைகள் உள்ளது என்று கூறப்படுகிறது. மேலும் பணியாட்கள் தங்குவதற்கு தனியாக வீடும் உள்ளது.
டெல்லியில் உள்ள வீட்டை தவிர இவருக்கு அகமதாபாத்திலும் ஒரு பங்களா உள்ளது. மிதாகலி கிராசிங்கிற்கு அருகில் இந்த பங்களா அமைந்துள்ளது. இந்தியாவை தாண்டி உலகம் முழுவதும் சொத்துக்கள் உள்ளன.
