பிரதமர் மோடி வருகையையொட்டி இணையத்தில் ‘கோ பேக் மோடி’ என்ற ஹேஸ்டேக் வைரலாகியுள்ளது.
பா.ஜ.க மற்றும் அதன் கொள்கைகளுக்கு எதிர்ப்பு தெரிவிக்கும் வகையில் ‘கோ பேக் மோடி’ டிரெண்ட் செய்யப்பட்டுள்ளது.
உட்சபட்சமாக, பா.ஜ.க சட்டமன்ற உறுப்பினர் வானதி சீனிவாசன் ‘கோ பேக் மோடி’ பதாகையை காட்டுவதுபோல் புகைப்படத்தை மார்பிங் செய்து, இணையத்தில் பரப்பி வருகின்றனர்.
மு.க.ஸ்டாலின் முதலமைச்சராக பொறுப்பேற்ற பிறகு முதன்முறையாக தமிழகம் வருகிறார் பிரதமர் மோடி
அவரின் வருகைக்கு சமூகவலைதளங்களில் கடும் எதிர்ப்பு எழுந்துள்ளது. திமுகவினர் கூட ‘கோ பேக் மோடி’ என டிவிட்டரில் பதிவிட்டுள்ளனர்.
நேற்று முதல் ‘கோ பேக் மோடி’ டிரெண்டான நிலையில், அதற்கு போட்டியாக ‘வணக்கம் மோடி’ பா.ஜ.க சார்பில் டிரெண்ட் செய்யப்பட்டது.
இருப்பினும், கோ பேக் மோடி டிவிட்டர் டிரெண்டிங்கில் முன்னணியில் உள்ளது.
