Australian Players Celebrated Holi Festival: நாடு முழுவதும் இன்று ஹோலி பண்டிகை கொண்டாடப்பட்ட நிலையில், இந்தியாவில் சுற்றுப்பயணம் மேற்கொண்டிருக்கும் ஆஸ்திரேலிய கிரிக்கெட் வீரர்களும் அப்பண்டிகையை கொண்டாடி மகிழ்ந்தனர்.
இந்தியா உடன் நான்காவது டெஸ்ட் போட்டியில் நாளை ஆஸ்திரேலிய அணி மோதுகிறது. இப்போட்டி, குஜராத் அகமதாபாத் நகரில் நடக்கிறது. இன்று ஹோலி பண்டிகையை முன்னிட்டு அகமதாபாத் நகரில் ஆஸ்திரேலிய வீரர்கள் ஹோலி கொண்டாடினர்.
ஆஸ்திரேலிய அணியினர் ஹோலி பண்டிகையை கொண்டாடிய புகைப்படங்களை மார்னஸ் லபுஷேன் இன்ஸ்டாகிராமில் பதிவிட்டுள்ளார்.
லபுஷேன் உடன் ஸ்டீவ் ஸ்மித், பீட்டர் ஹாண்ட்ஸ்கம்ப், மாட் குஹ்னெமன், அலெக்ஸ் கேரி உள்ளிட்டோர் ஹோலி கொண்டாட்டத்தில் ஈடுபட்டனர்.
நான்காவது டெஸ்ட் போட்டியில் இந்தியா வென்றால், எளிதாக உலக டெஸ்ட் சாம்பியன்ஷிப் இறுதிப்போட்டிக்கு தகுதிபெறும்.
மூன்று போட்டிகள் முடிவடைந்த நிலையில், இந்தியா 2-1 என்ற கணக்கில் முன்னிலை பெற்றது.
