வாட்ஸ்அப்பின் புதிய தரவுக் கொள்கை பொது பயனர்களை கோபப்படுத்திய நிலையில், அரசாங்கம் தனது மக்களுக்கு 'Sandesh' என்ற செயலியை வெளியிட உள்ளது..!
இன்றைய காலகட்டத்தில், சமூக ஊடக பயன்பாடுகளின் தேவை மிக வேகமாக அதிகரித்து வருகிறது. இருப்பினும், பல தனிப்பட்ட விஷயங்களை நாம் சமூக தளங்களில் பகிர்ந்துக் கொள்வதால், பாதுகாப்பு மற்றும் தனியுரிமை உட்பட அனைத்து விஷயங்களையும் நாம் கவனிக்க வேண்டியிருக்கிறது.
வாட்ஸ்அப்பின் தனியுரிமை கொள்கை பிரச்சினைகள் சில காலமாக நாம் பார்த்து வருகிறோம். இந்த நேரத்தில், வாட்ஸ்அப் உடன் போட்டியிட “சந்தேஷ்” (Sandesh) என்ற புதிய இந்திய பயன்பாடு அறிமுகப்படுத்தப்பட்டுள்ளது. இது இந்தியாவில் உருவாக்கப்பட்ட உடனடி செய்தி பயன்பாடு ஆகும்.
தற்போது, சில அரசு அதிகாரிகள் மட்டுமே சந்தேஷ் பயன்பாட்டைப் பயன்படுத்துகின்றனர். இருப்பினும், இந்த பயன்பாட்டை இந்திய பயனர்களுக்காக அரசாங்கம் விரைவில் வெளியிட உள்ளது.
கடந்த ஆண்டு வாட்ஸ்அப் போன்ற ஒரு பயன்பாட்டில் இந்த மையம் செயல்படுவதாக தெரிவிக்கப்பட்டது. இந்த பயன்பாட்டின் உருவாக்கம் முடிந்ததாக இப்போது கூறப்படுகிறது. இப்போது இதை அரசு அதிகாரிகள் பயன்படுத்த அனுமதிக்கப்பட்டுள்ளனர். சந்தேஷ் பயன்பாடு தற்போது சோதனை கட்டத்தில் உள்ளது என்றும் பல அறிக்கைகளில் கூறப்படுகிறது.
செய்தி பயன்பாட்டின் சின்னம் GIMS.gov.in இன் இணையதளத்தில் உள்ளது. இந்த பயன்பாட்டில் அசோக சக்கரத்தை பார்க்கலாம். இதில் 3 அடுக்குகள் கொடுக்கப்பட்டுள்ளன, அவை இணைந்த பிறகு ஒரு முக்கோணத்தை உருவாக்குகின்றன. விரைவில் இந்த பயன்பாட்டை பொதுமக்கள் பயன்படுத்த அரசாங்கம் அனுமதிக்கும். தரவு திருட்டு தொடர்பாக பல கேள்விகள் நம்மிடத்தில் உள்ளன. இந்த விஷயத்தில், இந்த பயன்பாடு நிச்சயமாக ஓரளவிற்கு கட்டுப்பாடுகளுடன் இருக்கும்.
