இளநீர் என்பது வெயில் காலத்தில் மட்டுமல்ல எல்லா பருவ காலங்களிலும் அருந்த வேண்டியது. காரணம் அதில் உள்ள மினரல்கள் உடலுக்கு தேவையான ஆற்றலை அளிக்கின்றன.
இளநீர் சுவையானது என்பதுடன் கூடவே மிக மிக ஆரோக்கியமானது. வைட்டமின் சி, கால்சியம், நார்ச்சத்து, இரும்பு, மெக்னீசியம், பாஸ்பரஸ், சோடியம், துத்தநாகம், தாமிரம் மற்றும் மெக்னீசியம் போன்ற பல ஊட்டச்சத்துக்கள் உள்ளன.
உடல் பருமனால் சிரமப்பட்டு உடல் எடையைக் குறைக்க விரும்பினால், தினமும் காலையில் வெறும் வயிற்றில் இளநீர் அருந்துங்கள். இது வளர்சிதை மாற்றத்தை அதிகரிக்கிறது, இது உடலின் கூடுதல் கலோரிகளை எரிக்க உதவுகிறது. மேலும் நார் சத்து அதிகம் கொண்டது.
மலச்சிக்கல் மற்றும் அமிலத்தன்மையிலிருந்தும் விடுபடவும், செரிமான பிரச்சனைகளை நீங்கவும் இளநீர் மிகவும் பயனுள்ளதாக இருக்கும். காலையில் வெறும் வயிற்றில் தேங்காய்த் தண்ணீர் குடிப்பதால் செரிமான மண்டலம் வலுவடையும்.
கர்ப்ப காலத்தில் பெண்களுக்கு வாந்தி மற்றும் குமட்டல் போன்ற பிரச்சனைகளை அடிக்கடி சந்திக்க நேரிடும். இத்தகைய சூழ்நிலையில், காலையில் வெறும் வயிற்றில் தேங்காய்த் தண்ணீரை உட்கொள்வதன் மூலம் பிரச்சனையிலிருந்து விடுபடலாம்.
இன்றைய வாழ்க்கை முறை காரணமாக பலருக்கும் இதயப் பிரச்சனை, இரத்த அழுத்தம் போன்ற பிரச்னைகள் பொட்டாசியத்தின் குறைப்பாடால் ஏற்படக் கூடியது. இதைத் தவிர்க்க இளநீர் தினமும் அருந்துவது நல்லது. அவர்களுக்கு இந்த இளநீர் நல்ல மருந்தாக இருக்கும்.
தினமும் காலையில் வெறும் வயிற்றில் தேங்காய் தண்ணீரை குடித்து வந்தால் சிறுநீரக கற்கள் பிரச்சனையை தீர்க்கலாம். இதன் காரணமாக சிறுநீரகத்தில் இருக்கும் கற்கள் சிறுநீர் பாதை வழியாக வெளியேறும்.
பொறுப்புத் துறப்பு: எங்கள் கட்டுரை தகவல்களை வழங்குவதற்காக மட்டுமே. மேலும் விவரங்களுக்கு எப்போதும் நிபுணர் அல்லது உங்கள் மருத்துவரை அணுகவும். ZEE NEWS இதற்கு பொறுப்பேற்காது.
