கடந்த 2020 ஜூன் மாதம் அறிமுகப்படுத்தப்பட்ட ஓப்போ A12 இந்தியாவில் விலைக் குறைப்பை பெற்றுள்ளது. இந்த சாதனம் சில மாதங்களுக்கு முன்பு விலைக் குறைப்பைப் பெற்றது, இப்போது இரண்டாவது முறையாக விலைக் குறைந்துள்ளது.
இந்தியாவில் ஓப்போ A12 விலை 3 ஜிபி ரேம் + 32 ஜிபி ஸ்டோரேஜ் வேரியண்டின் விலை ரூ.8,990 யிலிருந்து ரூ.8,490 ஆக குறைக்கப்பட்டுள்ளது. 4 ஜிபி ரேம் + 64 ஜிபி ஸ்டோரேஜ் மாடலும் விலைக் குறைப்பைப் பெற்றுள்ளது, இது ரூ.11,490 விலையிலிருந்து ரூ.10,990 ஆக குறைக்கப்பட்டுள்ளது.
ஆஃப்லைன் மற்றும் ஆன்லைன் ஸ்டோர்ஸ் (அமேசான் மற்றும் பிளிப்கார்ட்) உள்ளிட்ட அனைத்து சில்லறை தளங்களிலும் விலைக்குறைப்புப் பொருந்தும் என்று ஓப்போ உறுதிப்படுத்தியுள்ளது.
ஓப்போ A12 6.22 இன்ச் HD+ டிஸ்ப்ளேவுடன் 1520 x 720 பிக்சல்கள் திரை தெளிவுத்திறனுடன் 89 சதவீதம் ஸ்கிரீன்-டு-பாடி விகிதம், 19:9 திரை விகிதம் மற்றும் கார்னிங் கொரில்லா கிளாஸ் 3 பாதுகாப்புடன் ஏற்றப்பட்டுள்ளது. டிஸ்ப்ளே கண் பாதுகாப்புத் திரையையும் கொண்டுள்ளது.
ஓப்போ A12 மீடியா டெக் ஹீலியோ P35 செயலி மற்றும் 4 ஜிபி ரேம் மற்றும் 64 ஜிபி வரை இன்டெர்னல் ஸ்டோரேஜ் உடன் இயக்கப்படுகிறது. மைக்ரோ sd கார்டு ஸ்லாட் வழியாக நினைவகத்தை 256 ஜிபி வரை மேலும் விரிவாக்க முடியும்.
ஸ்மார்ட்போனில் 13 மெகாபிக்சல் பிரைமரி லென்ஸ் மற்றும் 2 மெகாபிக்சல் ஆழம் சென்சார் ஆகியவற்றின் கலவையுடன் இரட்டை கேமரா அமைப்பு உள்ளது. முன்பக்கத்திற்கு, 5 மெகாபிக்சல் செல்பி ஷூட்டர் உள்ளது. ஓப்போ A12 4230 mAh பேட்டரியுடன் கொண்டுள்ளது, இது 17 மணிநேர ஆன்லைன் வீடியோ ஸ்ட்ரீமிங், 8 மணிநேர ஆன்லைன் கேமிங் மற்றும் 63 மணிநேர ஆடியோ பிளேபேக்கை ஆதரிக்கிறது.
கலர் OS 6.1 ஐ அடிப்படையாகக் கொண்ட ஆண்ட்ராய்டு 9.0 பை இல் தொலைபேசி இயங்குகிறது. தொலைபேசியில் பின்புறமாக பொருத்தப்பட்ட கைரேகை சென்சார் மற்றும் ஃபேஸ் அன்லாக் அம்சமும் உள்ளது. இணைப்பு முன்னணியில், இது 4ஜி LTE, வைஃபை, புளூடூத், GPS, AGPS, பிரத்யேக மைக்ரோ SD கார்டு ஸ்லாட், இரட்டை சிம் ஸ்லாட் மற்றும் மைக்ரோ யூ.எஸ்.பி போர்ட் ஆகியவற்றை ஆதரிக்கிறது. தொலைபேசி 155.9 x 75.5 x 8.3 மிமீ அளவுகளையும் மற்றும் 165 கிராம் எடையையும் கொண்டுள்ளது.
