இந்த ஆண்டின் இரண்டாவது மற்றும் கடைசி சூரிய கிரகணம் அக்டோபர் 25 அன்று நிகழும். இதற்கு ஒரு நாள் முன்னதாக அக்டோபர் 24ம் தேதி தீபாவளி கொண்டாடப்படுகிறது. முன்னதாக, இந்த ஆண்டின் முதல் சூரிய கிரகணம் 30 ஏப்ரல் 2022 அன்று ஏற்பட்டது. இந்த சூரிய கிரகணம் அனைத்து 12 ராசிகளின் வாழ்க்கையையும் பாதிக்கிறது. இருப்பினும், சூரிய கிரகணம் எதிர்மறையான விளைவை ஏற்படுத்தும், குறிப்பாக 5 ராசிக்காரர்களுக்கு. ஜோதிடத்தின்படி, சூரிய கிரகணத்தின் போது இந்த 5 ராசிக்காரர்கள் மிகவும் கவனமாக இருக்க வேண்டும். எனவே, அந்த ஐந்து ராசிகள் எவை என்பதை பார்ப்போம்.
ரிஷபம்: ரிஷப ராசியினருக்கு சூரிய கிரகணத்தால் பிரச்னைகள் ஏற்படும். ஆரோக்கியத்தில் பாதகமான விளைவுகள் ஏற்படலாம். எனவே உங்கள் ஆரோக்கியத்தில் சிறப்பு கவனம் செலுத்துங்கள். நேர்மறையாக சிந்திக்கவும், பூஜை செய்யவும், பிரார்த்தனை செய்யவும், தியானம் செய்யவும். சூரிய கிரகணத்தின் போது எந்த நிதி முடிவுகளையும் எடுக்க வேண்டாம்.
மிதுனம்: இந்த சூரிய கிரகணம் மிதுன ராசிக்கு சாதகமாக இருக்காது. பயணத்தின் போது கவனமாக இருக்க வேண்டும். வேலை அல்லது வியாபாரத்தில் சில மாற்றங்கள் ஏற்படலாம். எனவே இந்த நேரத்தில் புத்திசாலித்தனமான முடிவை எடுங்கள். அதிர்ஷ்டம் உங்களுடன் இருக்காது. நிதி இழப்பு ஏற்படலாம்.
கன்னி: இந்த ஆண்டின் கடைசி சூரிய கிரகணம் தீபாவளியன்று கன்னி ராசியினரையும் பாதிக்கும். வெளிநாடு தொடர்பான முடிவுகளை எடுக்க வேண்டாம். வெளிநாட்டில் வியாபாரம் செய்பவர்கள் இந்த காலகட்டத்தில் முக்கிய முடிவுகளை எடுக்க வேண்டாம். செலவுகள் அதிகரிக்கும். முதலீடு செய்வதில் கவனமாக இருங்கள்.
துலாம்: சூரிய கிரகணத்தின் போது, சூரியன் துலாம் ராசியில் தங்குவதால், கிரகணம் இந்த ராசிக்காரர்களுக்கு அதிகபட்ச தாக்கத்தை ஏற்படுத்தும். நிதி இழப்பு ஏற்படலாம். ஆரோக்கியத்தில் பாதகமான விளைவுகள் ஏற்படலாம். இதய நோயாளிகள் ஜாக்கிரதை.
விருச்சிகம்: விருச்சிக ராசியினருக்கு இந்த சூரிய கிரகணம் பணம் மற்றும் உறவுமுறையில் பாதிப்பை ஏற்படுத்தும். வருமானம் குறையலாம். பண இழப்பு ஏற்படலாம். குடும்பத்தில் டென்ஷன் வரலாம். கசப்பாக பேசுவதை தவிர்க்கவும்.
