Omicron Symptoms: மிகவும் ஆபத்தானதாகக் கருதப்படும் டெல்டா மாறுபாட்டுக்கு ஈடாக ஓமிக்ரான் மாறுபாடு அதிகரித்து வருகிறது. இருப்பினும், ஓமிக்ரானின் அறிகுறிகள் லேசானவையாக உள்ளதாக நம்பப்படுகிறது. எனினும் மக்கள் இது குறித்து அலட்சியமாக இருக்க வேண்டாம் என நிபுணர்கள் எச்சரிக்கின்றனர்.
ஓமிக்ரான் காரணமாக, பலர் பல கடுமையான பிரச்சனைகளையும் சந்திக்க நேரிடலாம். முந்தைய வகைகளில் காணப்படாத சில அறிகுறிகள் இந்த மாறுபாட்டால் பாதிக்கப்பட்டவர்களிடம் காணப்படுகின்றன. நோயாளிகள் குணமடைந்த பிறகும் அவர்களிடம் சில ஓமிக்ரான் அறிகுறிகள் காணப்படுகின்றன.
ஓமிக்ரான் மாறுபாட்டிலிருந்து மீண்டவர்களிடமும் நீண்ட கால முதுகுவலி காணப்படுகிறது. இந்த புதிய மாறுபாட்டால் பாதிக்கப்பட்ட பெரும்பாலான மக்களில் தசை வலி பிரச்சனையும் காணப்படுகிறது. இது நீண்ட காலத்துக்கு நீடிக்கக்கூடும் என்றும் கூறப்பட்டுள்ளது.
இந்த மாறுபாட்டில், இரவில் வியர்வை, தொண்டை வலி மற்றும் முதுகு மற்றும் இடுப்பு வலி போன்ற அதிக பிரச்சனைகளை மக்கள் எதிர்கொள்கின்றனர்.
கொரோனாவின் ஓமிக்ரான் மாறுபாட்டை இலகுவாக எடுத்துக் கொள்ள வெண்டாம் என நிபுணர்கள் எச்சரிக்கிறார்கள். அதன் அறிகுறிகளை சாதாரண ஜுரம், ஜலதோஷமாக கருதும் தவறை செய்ய வேண்டாம் என்றும் நிபுணர்கள் கூறுகிறார்கள். ஓமிக்ரான் அறிகுறிகளைக் கண்டால், உடனடியாக கோவிட்-19 பரிசோதனையை மேற்கொள்வது அவசியமாகும்.
