Bay Leaf Side Effects : சிலருக்கு பிரியாணி இலை சாப்பிடுவது நன்மை தராது. அதேபோல் சில அடிப்படை உடல்நலப் பிரச்சினைகளால் பாதிக்கப்பட்டவர்கள் கட்டாயம் இந்த மசாலா பொருட்களை சாப்பிடக்கூடாது.
உடலை கட்டுக்கோப்பாக வைத்துக் கொள்ள நல்ல உணவுப் பழக்கம் மிகவும் அவசியம். அதன்படி பிரியாணி இலை / பிரிஞ்சி இலை செரிமான பிரச்சனை, சளி, பருவநிலை மாறும் போது ஏற்படும் ஹார்மோன் சேஞ்சஸ் போன்றவற்றை குணபடுத்த உதவும். எனினும் தனித்துவமான ஆரோக்கிய நன்மைகளை கொண்ட இந்த இலை சில நோய்களுக்கு எதிரி. அவர்களுக்கு இந்த இலை பாதுகாப்பானது இல்லை.
ஜீரணம்: பிரியாணி இலை குடல் இயக்கத்தை மேம்படுத்த உதவும் என்றாலும் வயிறு கோளாறு பிரச்சனைகள் உள்ளவர்கள் இந்த இலைகளை சாப்பிடுவது வயிற்று வலியை மேலும் அதிகமாக்கலாம்.
கர்ப்பிணி பெண்கள்: கர்ப்பமாக இருக்கும் பெண்கள் கட்டாயம் பிரியாணி இலையை தங்களின் உணவில் சேர்த்துக்கொள்ள கூடாது, ஏனெனில் பிரியாணி இலை உடலுக்கு உஷ்ணத்தை ஏற்படுத்தும், இது கர்ப்பிணிக்கும் குழந்தைக்கும் பல பிரச்சினைகளைத் தூண்டலாம்.
ஆஸ்துமா: ஆஸ்துமா உட்பட பல பிரச்சனைகளுக்கு பிரியாணி இலை நன்மை என்றாலும், இது தொடர்பான அறிவியல் சான்றுகள் இல்லை என்பதால் இதை உறுதிபடுத்த முடியாது.
டான்சில்ஸ்: உங்களுக்கு டான்சில்ஸ் பிரச்னை இருந்தால், கட்டாயம் பிரியாணி இலையை சாப்பிடுவதை தவிர்க்க வேண்டும், ஏனெனில் இந்த இலை உங்களது தொண்டையில் எரிச்சலைத் தூண்டலாம். இதனால் டான்சில்ஸ் அதிகரிக்கலாம்.
நீரிழிவு நோய்: பிரியாணி இலை பல்வேறு ஊட்டச்சத்துக்கள் நிறைந்துள்ளதால், இவை சர்க்கரை அளவை கட்டுப்படுத்த உதவும். எனினும் நீரிழவு நோய்க்காக மருந்து உண்பவர்கள் தங்கள் உணவில் பிரியாணி இலைகளை சேர்த்துக் கொள்ளக்கூடாது, இவை லோ சுகர் பிரச்சனைக்கு வழிவகுக்கும்.
இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.
