తమిళ స్టార్ హీరోలు విజయ్ ధళపతి హీరోగా, విజయ్ సేతుపతి విలన్‌గా నటిస్తోన్న మాస్టర్ సినిమా టీజర్ శనివారం విడుదలైంది. అభిమానులకు దీపావళి పండగ కానుకగా విడుదలైన ఈ టీజర్ యూట్యూబ్‌లో పలు రికార్డులను బద్దలుకొట్టి సంచలనం సృష్టిస్తోంది. మాస్టర్ టీజర్ విడుదలైన 24 గంటల్లోపే, దాదాపు 21 మిలియన్ల వ్యూస్‌ని సంపాదించి ఆల్ ఇండియా రికార్డును సృష్టించింది. అంతటితో మాస్టర్ టీజర్ దూకుడు ఆగలేదు... ఇప్పటికే అదనంగా మరో 4 మిలియన్ల పేజ్ వ్యూస్ రావడంతో ఇప్పటివరకు మాస్టర్ టీజర్ దాదాపు 25 మిలియన్ వ్యూస్ సొంతం చేసుకుంది. అలాగే ఈ టీజర్ 2 మిలియన్లకుపైగా లైక్స్ సంపాదించి మరో రికార్డు సొంతం చేసుకుంది. ఇంతటితో ఆగకుండా ఈ టీజర్ రాబోయే రోజుల్లో మరెన్నో రికార్డులను బద్దలు కొట్టే అవకాశం ఉంది.


COMMERCIAL BREAK
SCROLL TO CONTINUE READING


Also read : Honeymoon trip: స్కూబా డైవ్ చేసిన కొత్తజంట కాజల్, గౌతమ్


కాలేజ్ పొలిటికల్ డ్రామా నేపథ్యంతో తెరకెక్కుతున్న ఈ చిత్రాన్ని లోకేష్ కనగరాజ్ డైరెక్ట్ చేస్తున్నాడు. ఈ చిత్రంలో మాలవిక మోహనన్ ( Actress Malavika Mohanan ) హీరో విజయ్‌కి జంటగా నటిస్తోంది. ఆండ్రియా జెరెమియా మరో కీలక పాత్రలో కనిపించనుంది. జేవియర్ బ్రిట్టో ఈ సినిమాని నిర్మిస్తుండగా ప్రముఖ యంగ్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నాడు. 


మాస్టర్ సినిమా టీజర్‌కి వస్తున్న భారీ స్పందన చూసి విజయ్ ( Vijay IlayaThalapathy ) అభిమానులు పండగ చేసుకుంటున్నారు. అందులోనూ మరో స్టార్ హీరో విజయ్ సేతుపతి విలన్ పాత్ర పోషిస్తున్న సినిమా కావడంతో మాస్టర్ మూవీపై అభిమానుల్లో భారీ అంచనాలే ఉన్నాయి.


Also read : Keerthy Suresh: కీర్తి సురేష్ వైరల్ వీడియోపై నెటిజెన్స్ సెటైర్స్


స్థానికం నుంచి అంతర్జాతీయం వరకు.. విద్య, వినోదం, రాజకీయాలు, క్రీడలు, హెల్త్, లైఫ్‌స్టైల్, సామాజికం, ఉపాధి.. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి. Android Link - https://bit.ly/3hDyh4G , Apple Link - https://apple.co/3loQYe.


మరిన్ని అప్‌డేట్స్ కోసం https://www.facebook.com/ZeeHindustanTelugu పేజీని లైక్ చేయండి, ట్విటర్‌లో https://twitter.com/ZeeHTelugu పేజీని ఫాలో అవండి