Bollywood ની આ 5 એક્ટ્રેસનું ક્રિકેટર્સ સાથે લગ્ન બાદ ખતમ થઈ ગયું કરિયર

ભારતીય ક્રિકેટ ટીમના સફળ ફાસ્ટ બોલર ઝહીર ખાન (Zaheer Khan)ને વર્ષ 2017માં બોલીવુડની અભિનેત્રી સાગરિકા ઘાટકે (Sagarika Ghatge)સાથે લગ્ન કર્યા. જોકે, ત્યાર બાદ સાગરિકાનું ફિલ્મી કરિયર ખતમ થઈ ગયું. ચક દે ઈન્ડિયામાં તેના અભિનયના વખાણ થયા હતા.

ભારતીય ક્રિકેટ ટીમના પૂર્વ કેપ્ટન મોહમ્મદ અજહરુદ્દીન (Mohammad Azharuddin)ને વર્ષ 1996માં પોતાની પહેલી પત્નીને તલાક આપીને બોલીવુડ અભિનેત્રી સંગીતા સાથે લગ્ન કર્યા હતા. ત્યાર બાદ તેનું ફિલ્મી કરિયર ખતમ થઈ ગયું. અને વર્ષ 2010માં આ બન્નેના તલાક પણ થઈ ગયાં.

બોલીવુડની અભિનેત્રી અને સુપર મોડેલ હેજલ કીચ (Hazel Keech)એ વર્ષ 2016માં સ્ટાર ક્રિકેટર યુવરાજ સિંહ (Yuvraj Singh) સાથે લગ્ન કર્યા. લગ્ન બાદ તેનું ફિલ્મી કરિયર પણ ખતમ થઈ ગયું. છેલ્લે તેણે સલમાનખાનની હિટ ફિલ્મ બોડીગાર્ડમાં કામ કર્યું હતું.

ટીમ ઈન્ડિયાના સ્ટાર સ્પીનર હરભજન સિંહે (Harbhajan Singh)બોલીવુડ અભિનેત્રી ગીતા બસરા (Geeta Basra) સાથે વર્ષ 2015માં લગ્ન કર્યા હતા. લગ્ન બાદ ગીતા બસરા ફરી ક્યારેય ફિલ્મી પડદે દેખાઈ નથી.

નતાશા સ્ટેનકોવિક (Natasa Stankovic)એ ટીમ ઈન્ડિયાના સ્ટાર ઓલરાઉન્ડર હાર્દિક પંડ્યા (Hardik Pandya)સાથે લોકડાઉન દરમિયાન 2020માં લગ્ન કર્યાં. સત્યાગ્રહ ફિલ્મથી તેણે બોલીવુડમાં પ્રવેશ કર્યો હતો. પણ હાર્દિક સાથે લગ્ન બાદ હવે ફિલ્મ લાઈનનું કામ છોડી દીધું છે.