નરકથી પણ ખરાબ હાલત કરી પોતાના જ 13 બાળકોની, આ રીતે દુનિયા સામે આવી હકિકત

ધ સનમાં છપાયેલા અહેવાલ મુજબ, આ ભાઈ-બહેનોએ પોલીસને જણાવ્યું કે કેટલાક બાળકોને સાંકળો અને તાળાઓથી બાંધવામાં આવ્યા હતા. પોલીસના જણાવ્યા મુજબ, કેટલાક બાળકો "અંધારા અને દુર્ગંધવાળા રૂમ" માં પલંગ પર સૂતા હતા. રિવરસાઇડ કાઉન્ટી ઓફિસ તરફથી એક નિવેદનમાં કહેવામાં આવ્યું છે કે તેમની ટીમને આંચકો લાગ્યો જ્યારે ત્યાં હાજર બંધક બાળકોમાંથી સાત પુખ્ત વયના થઈ ગયા હતા, પરંતુ તેઓ કુપોષણ અને ગંદા વાતાવરણમાં રહેવાથી થતી માનસિક બીમારીને કારણે ભાગી જવાનો વિચાર પણ કરી શકતા ન હતા.

ટર્પિન પરિવારના આ બાળકોની કહાની પર એક ફિલ્મ બનાવવામાં આવી છે. ત્યારે આ ભાઈ-બહેનોમાં સૌથી મોટાએ BBB રિપોર્ટરને કહ્યું, 'મારું આખું શરીર ધ્રૂજી રહ્યું હતું. હું ડરથી 911 ડાયલ કરી શક્યો નહીં. મને લાગ્યું કે આપણે ફરી એકવાર મૃત્યુની નજીક છીએ. અમારી બહેનો સાથે પણ ખરાબ વર્તન કરવામાં આવ્યું. એસ્કેપ ફ્રોમ અ હાઉસ ઓફ હોરરના નામથી તેનની કહાની પ્રકાશિત થઈ છે.

ટર્પિન પરિવારના આ 13 ભાઈ-બહેનો જેમની ઉંમર બે વર્ષથી 29 વર્ષ સુધીની છે. દરેક સાથે દુર્વ્યવહાર કરવામાં આવ્યો હતો. થોડા સમય પછી તેમાંથી કેટલાક 2018 માં તેમના કેલિફોર્નિયાના ઘરેથી ભાગવામાં સફળ થયા. કેસમાં હાજર રહેલા સરકારી વકીલે જણાવ્યું કે પરિવારની સૌથી મોટી પુત્રી 29 વર્ષની હતી, જેનું વજન લગભગ 42 કિલો હતું. ત્યારે સાત વર્ષના બાળકનું વજન પણ સામાન્ય સ્તર કરતા ઘણું ઓછું હતું.

પોતાના જ બાળકોનું જીવન નરક બનાવનાર પતિ-પત્નીનું આ યુગલ હવે તેના વાસ્તવિક પરિણામ માટે જેલના સળિયા પાછળ છે. ડેવિડ અને લુઈસ ટર્પિનને બાળકો પ્રત્યેની ક્રૂરતા, ત્રાસ અને બંધક બનાવવા સહિત 14 ગુનાઓ પર દોષિત ઠેરવ્યા બાદ 25 વર્ષની જેલની સજા ફટકારવામાં આવી છે.

ટર્પિન પરિવારના બાળકોએ ખુલાસો કર્યો છે કે તેઓ કેવી રીતે 'નરક જેવી' પરિસ્થિતિમાં જીવતા હતા. તેણે સ્વીકાર્યું કે તેનો ભાગ્યે જ કોઈ ભાઈ કે બહેન એવો હતો જે મૃત્યુની નજીક ન આવ્યો હોય. કારણ કે દરેક જણ તેમના માતાપિતા દ્વારા ભૂખે મરતા હતા અને ત્રાસ આપતા હતા. આ પરિવારની એક દીકરીએ દુનિયા સાથે પોતાની દુખની વાત શેર કરતાં કહ્યું કે ભગવાનની કૃપા હતી કે અમે બધા બચી ગયા.