જીત અદાણી ટૂંક સમયમાં કરશે લગ્ન, જાણો કોણ છે અદાણી પરિવારની થનારી પુત્રવધૂ દીવા શાહ?

માર્ચ 2023માં દીવા શાહ ચર્ચામાં આવી હતી. માર્ચ 2023માં તેની સગાઈ ઉદ્યોગપતિ ગૌતમ અદાણીના નાના પુત્ર જીત અદાણી સાથે થઈ હતી. મહત્વનું છે કે દીવા શાહ હીરો કારોબારી જૈમિન શાહની પુત્રી છે. જૈમિન શાહ સી દિનેશ એન્ડ કો કંપની પ્રાઇવેટ લિમિટેડના માલિક છે. તેમનો કારોબાર સુરતથી લઈને મુંબઈ સુધી ફેલાયેલો છે. દીવા સોશિયલ મીડિયા પર વધુ સક્રિય રહેતી નથી.

મીડિયા રિપોર્ટ્સ પ્રમાણે દીવા પણ બિઝનેસમાં તેના પિતાની મદદ કરે છે. ફાઈનાન્સમાં દીવાની સમજ ખુબ સારી છે. તેની નેટવર્થ પણ કરોડોમાં છે. 

 જીત અદાણી અને દીવા શાહની સગાઈ અમદાવાદમાં થઈ હતી. હવે બંનેના પ્રી-વેડિંગ ફંક્શન શરૂ થવાના છે. કપલના પ્રી-વેડિંગ ફંક્શનનું આયોજીન ઉદયપુરમાં શાહી અંદાજમાં થશે. 

  જો વાત દીપાના થનારા પતિ અને ગૌતમ અદાણીના પુત્ર જીવની કરીએ તો તે કરોડોની સંપત્તિના માલિક છે. જીત 2019માં અદાણી ગ્રુપ સાથે જોડાયા હતા. જીતે યુનિવર્સિટી ઓફ પેન્સિલવેનિયાથી ગ્રેજ્યુએશન કર્યું છે.

આ લગ્નમાં અનેક વીઆઈપી લોકો સામેલ થઈ શકે છે. જાણકારી પ્રમાણે પ્રી-વેડિંગ ફંક્શન ઉદયવિલાસ હોટલમાં થઈ શકે છે. તો મહેમાનોને રહેવાની વ્યવસ્થા તાજ લેક પેલેસ અને લીલા પેલેસમાં કરવામાં આવી શકે છે. બધા ફંક્શનનું પ્લાનિંગ રાજસ્થાનની શાહી પરંપરાઓ અને ભવ્યતાને ધ્યાનમાં રાખી કરવામાં આવ્યું છે.