આજે પણ યંગ એક્ટરને હંફાવે છે આ અભિનેતાઓ, જાણો શું તેમની જવાનીનો રાઝ

મોટી ઉંમર હોવા છતા સૌથી યુવાન દેખાત અભિનેતાની લીસ્ટમાં અનિક કપૂરનું નામ પહેલા નંબર પર આવે છે. રિલ લાઈફ કે પછી રિયલ લાઈફ બંનેમાં અનિલ કપૂરનો દેખાવ આજે પણ એક યુવાન છોકરા જેવો જ છે. અનિલ કપૂર પોતાની રૂટીન પ્રક્રિયા સહિત ખાવા-પીવા બાબતે પણ બહુ ચુસ્ત છે. અનિલ કપૂરની ઉંમર 65 વર્ષ છે. નાના બનવાની ઉંમરે પણ અનિલ કપૂર યુવાન દેખાય છે.

દબંગ ખાન તરીકે ઓળખાતા બોલીવુડ સ્ટાર સલમાન ખાનની લોકપ્રિયતા તો વર્ષોથી છે. જેમ જેમ ઉંમર વધે છે તેમ તેમ લોકપ્રિયતામાં પણ વધારો થઈ રહ્યો છે. પરંતુ તેમની ફિટનેસમાં કોઈ ફેરફાર જોવા નથી મળતો. 50 વર્ષે પણ 25 જેવો સલમાન ખાનનો દેખાવ છે. જેથી સલમાન સુપરસ્ટાર હતો અને ભવિષ્યમાં પણ રહેશે.

ખિલાડી અક્ષય કુમારને કોણ નથી ઓળખતું. અક્ષય કુમાર તેના અભિનયથી જેટલો જાણીતો છે તેટલો ફિટનેસના લીધે પણ ઓળખાય છે. અક્ષય સવારે 4 વાગે ઉઠે છે અને રાત્રે 9 વાગ્યે સૂઈ જાય છે અને અક્ષય પોતાના આ રૂટીનને ચુસ્તપણે ફોલો પણ કરે છે. જેથી 54 વર્ષે પણ ધાકડ યુવાન જેવા દેખાય છે અક્ષય કુમાર.

મિસ્ટર પરફેક્ટ તરીકે જાણીતા અભિનેતા આમિર ખાન 60 વર્ષની ઉંમરના દરવાજે ઊભા છે. પરંતુ તેને જોઈને કોઈ કહી ના શકે કે આમિર ખાનની ઉંમર 60 વર્ષ છે. આજે પણ ફિલ્મમાં યુવાન અભિનેત્રીઓ સાથે આમિર ખાન ખુબ રોમાંસ કરતા નજરે પડે છે.

સુનિલ શેટ્ટીએ બોલીવુડ ઈન્ડસ્ટ્રીમાં લગભગ 3 દશકા વિતાવ્યા છે. આમ તો સુનિલ શેટ્ટીની ઉંમર 60 વર્ષને પાર પહોંચી છે. પરંતુ આજે પણ તેની ફિટનેશ જોઈને લાગે છે આથિયા શેટ્ટીના મોટા પપ્પા નહીં પણ મોટાભાઈ છે. સુનિલ શેટ્ટીની ફિટનેશ જોઈને 20 વર્ષના યુવાન પણ શરમાઈ જાય છે.