મુકેશ અંબાણીના ઘર 'એન્ટીલિયા'માં રોટલી ખાસમખાસ રીતે બનાવવામાં આવે છે, જાણશો તો દંગ રહી જશો

મુકેશ અંબાણી પોતે ભાત, હળવું સલાડ, રોટલી, દાળ ખાય છે. પરંતુ એન્ટીલિયાના રસોડામાં રોટલી હાથેથી નહીં પરંતુ એક મશીનથી બને છે. જો તમે એમ સમજતા હોય કે આ રોટી મેકર મશીન હશે તો તમે ખોટા છો.આ મશીન દ્વારા એક જ વારમાં ઢગલો રોટલી બને છે.   

આ મશીનથી કામ ખુબ સરળ બને છે. તેને વાપરવું પણ ખુબ સરળ રહે છે. તમારે તેમાં લોટ બાંધવાની પણ જરૂર પડતી નથી. આ મશીનનો એક ભાગ જ રોટલીનો લોટ બાંધી લે છે. તમારે ફક્ત અંદાજીત રીતે લોટ અને મીઠું નાખવાનું રહે છે. 

ત્યારબાદ તેમાં જરૂર પ્રમાણે પાણી નાખો અને થોડીવારમાં આ મશીન લોટ બાંધી દેશે. લોટ બંધાયા બાદ આ લોટને  તમારે મશીનની અંદર નાખવાનો છે અને ત્યારબાદ મશીન આપોઆપ ગુલ્લા પણ કરી લેશે. 

આ મશીનમાં જેટલી પણ રોટલી બને છે તેનો આકાર એક સરખો રહે છે. એવું નથી કે કોઈ ભાગની રોટલી મોટી હશે તો ક્યાંકથી પાતળી હશે. આ એક ફર્સ્ટ ક્લાસ રોટલી બને છે.   

મુકેશ અંબાણીના એન્ટીલિયામાં આ મશીનનો ઉપયોગ એટલા માટે પણ કરવામાં આવે છે કારણ કે સાફ સફાઈનું ખુબ ધ્યાન રાખવામાં આવે છે. બીજુ એ કે તેમના ઘરે મોટી સંખ્યામાં કર્મચારીઓ કામ કરે છે.   

આ લોકો માટે પણ આ જ મશીનમાં રોટલી બનાવવામાં આવે છે. આ મશીનમાં જ્યારે રોટલી બની જાય છે તો તે સેકાયા બાદ આપોઆપ બહાર આવી જાય છે.