ઈંડાનું સેવન કરવામાં ભૂલ થઈ તો પેટ ભરીને પસ્તાશો

સારા સ્વાસ્થય માટે લોકો ઈંડાનું સેવન કરે છે. પરંતુ તમારી અધૂરી જાણકારી અને અયોગ્ય રીતે ઈંડાનું સેવન તમારે સ્વાસ્થય માટે હાનિકારક છે. ઈંડા ખાવા શરીર માટે ફાયદારૂપ છે.પરંતુ કેવી રીતે ખાવા, કયા સમયે ખાવા,રોજના કેટલા ઈંડા ખાવા, સ્રીઓએ રોજ કેટલા ઈંડાનું સેવન કરવું. આ તમામ બાબતો જાણવી ખૂબ જરૂરી છે. તમારે આ તમામ બાબતો જાણવી હોય અને શરીરને કોઈ પ્રકારનું નુકસાન ન પહોંચાડવું હોય તો. 

પુરુષોએ ત્રણ ઈંડા યોક(ઈંડાનો પીળો ભાગ) વિના તથા એક ઈંડુ યોક સાથે સેવન કરવુ. જ્યારે સ્ત્રીઓએ એક ઈંડુ યોક વાળુ અને એક ઈંડુ યોક વિનાનુ સેવન કરવુ. એટલે કે પુરુષોએ દિવસમા ચાર ઈંડા તથા સ્ત્રીઓએ બે ઇંડા પોતાના ડાયટમા ઉમેરવા જોઇએ. 

જે પણ વ્યક્તિઓ પોતાનુ વજન ઘટાડવા ઈચ્છતા હોય તે વ્યક્તિએ ઈંડાનુ બાફીને સેવન કરવું, પણ ઈંડાને બાફતી વેળાએ તમારે એ વાત નો ખાસ ખ્યાલ રાખવો કે તેને તમારે વધારે સમય સુધી કે વધુ તાપમાનમાં બફાવા દેવાના નથી.

ઈંડામા પ્રોટીન ખુબ જ મળે છે તથા પ્રોટીનવાળો ખોરાક લેવાથી ભૂખ લાગતી નથી, તેથી વજન ઘટાડવા માટે તમારે પોતાના ડાયેટમા બફાયેલા ઈંડાને અવશ્ય ઉમેરવું. બફાયેલા ઈંડામાં કેલરીનુ પ્રમાણ ઓછુ હોય છે તથા પૌષ્ટિક તત્વ વધુ, વળી ઈંડાને વધુ પૌષ્ટિક બનાવવા માટે બનાવતી વેળાએ તમે તેમા લીલા શાક પણ નાખી શકો છો.

અનેક વ્યક્તિઓને એવુ લાગતુ હોય છે કે કાચા ઈંડા સ્વાસ્થ્ય માટે શ્રેષ્ઠ હોય છે પણ ન્યુટ્રીશન તજજ્ઞોના કહેવા અનુસાર પકાવેલા ઈંડા સ્વાસ્થ્ય માટે વધુ અસરકારક સાબિત થાય છે. તેથી તમારે પણ પકાવેલ ઈંડાનું જ સેવન કરવુ. કાચા ઈંડાનુ સેવન કરવાથી ઈંડામાં રહેલા પ્રોટીન નો માત્ર ૫૧% ભાગનું જ શોષણ શરીરને પ્રાપ્ત થાય છે. જ્યારે તેને પકાવી ને આરોગવાથી શરીરને ૯૧% સુધીનું પ્રોટીન મળે છે.