Mysterious Temples: ભારતના આ પ્રસિદ્ધ મંદિર છે રહસ્યમયી, વૈજ્ઞાનિકો પણ નથી જાણી શક્યા અહીંના રહસ્યોનું કારણ

ઓરિસ્સામાં આવેલું જગન્નાથપુરી મંદિર વિશ્વભરમાં પ્રખ્યાત છે. આ મંદિર ભગવાન વિષ્ણુના શ્રી જગન્નાથ સ્વરૂપને સમર્પિત છે. આ મંદિર સાથે જોડાયેલું રહસ્ય એ છે કે અહીંનો ધ્વજ હવાથી વિપરીત દિશામાં જ લહેરાતો હોય છે. આ રહસ્યને આજ સુધી કોઈ સમજી શક્યું નથી. મંદિરની બહાર સમુદ્રનો અવાજ સંભળાય છે પરંતુ મંદિરમાં પ્રવેશ કરતાની સાથે જ શાંતિ થઈ જાય છે.

કાશી વિશ્વનાથ મંદિર પણ ભારતના પ્રમુખ અને પ્રાચીન મંદિરોમાંથી એક છે. બાર જ્યોતિર્લિંગમાંથી એક એવા કાશી વિશ્વનાથ મંદિરને લઈને ઘણી બધી માન્યતા પ્રચલિત છે. એક માન્યતા એવી છે કે જે પણ વ્યક્તિ કાશી વિશ્વનાથના દર્શન કરે છે તેને મોક્ષ પ્રાપ્ત થાય છે.

તિરુમાલા પર્વત પર તિરૂપતિ બાલાજી મંદિર છે. આ મંદિર દુનિયાના સૌથી અમીર મંદિરોમાંથી એક છે. કહેવાય છે કે મંદિરમાં ભગવાનની મૂર્તિ પર જે વાળ છે તે અસલી છે આ વાળમાં ક્યારેય ગુંચ નથી ચડતી અને તે હંમેશા મુલાયમ રહે છે. અહીં ભગવાન સાક્ષાત બિરાજતા હોવાની પણ માન્યતા છે. 

51 શક્તિપીઠમાંથી એક કામાખ્યા મંદિર ગોવાહાટી નજીક આવેલું છે. આ મંદિરમાં કોઈ મૂર્તિ નહીં પરંતુ માં સતિના અંગની પૂજા થાય છે. આ મંદિરનું રહસ્ય છે કે અહીં આજે પણ માતા સતી વર્ષમાં એક વખત રજસ્વલા થાય છે. આ સમયે નદીનું પાણી પણ લાલ થઇ જતું હોવાની માન્યતા છે.