જહાંગીરપુરી હિંસા: મોંઘી BMW કારનો માલિક છે આરોપી 'પથ્થરબાજ પુષ્પા', Photos જોઈને દંગ રહી જશો

જહાંગીરપુરીમાં થયેલી હિંસામાં મુખ્ય આરોપી તરીકે અંસાર શેખનું નામ સામે આવ્યું છે. જે હવે 'પથ્થરબાજ પુષ્પા' પણ કહેવાઈ રહ્યો છે. કારણ કે આરોપીને હાઈકોર્ટમાં લઈ જવાયો ત્યારે તેણે મીડિયા સામે બેશર્મ રીતે પુષ્પા ફિલ્મના ફેમસ ડાઈલોગ સ્ટેપને કોપી કર્યું હતું. જેના દ્વારા એ સંદેશો આપવા માંગતો હતો કે તે ઝૂકશે નહીં. અત્રે જણાવવાનું કે અંસાર એ જ વ્યક્તિ છે જેની સાથે થયેલી ઉગ્ર દલીલો બાદ હનુમાન જયંતીના જૂલૂસમાં સામેલ લોકો વચ્ચેની શાબ્દિક ટપાટપીએ પથ્થરમારા અને હિંસાનું રૂપ લઈ લીધુ હતું. આ મામલે દિલ્હી પોલીસ ટીમ પશ્ચિમ બંગાળની પોલીસ સાથે પણ સંપર્કમાં છે કારણ કે મુખ્ય આરોપી અંસારનું ઘર પશ્ચિમ બંગાળના હલ્દિયામાં છે. કોરોનાકાળમાં તે હલ્દિયામાં જ હતો. 

અંસાર સમૃદ્ધ પરિવારમાંથી આવે છે. અહીં તે ભંગારનો વેપાર કરે છે.  અંસારનો વેપાર પશ્ચિમ બંગાળના હલ્દિયામાં ફેલાયેલો છે. તે પરિવારને ત્યાં જ રાખે છે. પરંતુ વચ્ચે વચ્ચે દિલ્હી અવરજવર કરતો રહે છે. તે એક લક્ઝૂરિયસ લાઈફ જીવે છે. હિંસા મામલે અનેક નવા ખુલાસા થયા કરે છે. પોલીસે અત્યાર સુધીમાં 3 એફઆઈઆર દાખલ કરી છે અને 25 લોકોની ધરપકડ કરી લીધી છે. હિંસા પાછળ જેને મુખ્ય આરોપી ગણાવવામાં આવી રહ્યો છે તે અંસારનો હવે વિસ્તારની મસ્જિદના ઈમામ સલાઉદ્દીને અંસારનો બચાવ કર્યો છે. તેમણે કહ્યું કે અંસારને ફોન કરીને બોલાવ્યો નહતો. તે મહોલ્લાનો જ છે. તેમણે તો દાવો કરતા એમ પણ કહ્યું કે તે અહીં જ રહે છે અને ગરીબોની દેખભાળ કરે છે. જો કે પોલીસ તપાસમાં બિલકુલ ઉલટી વાત સામે આવી કે જ્યારે શોભાયાત્રા નીકળી હતી ત્યારે સી બ્લોકની મસ્જિદ ઉપર મસ્જિદના ઈમામ અને અન્ય લોકો ઊભા હતા. ઈમામે જ આરોપી અંસારને ફોન કરીને બોલાવ્યો હતો.   

અંસાર મોંઘી કારનો શોખીન છે. તેની પાસે એક મોંઘી બીએમડબલ્યું કાર પણ છે. આરોપી મોંઘા કપડાં અને અન્ય શોખ માટે પણ જાણીતો છે. 

અંસારની એક એવી પણ તસવીર સામે આવી છે જેમાં તે પોતાના ગોલ્ડ પ્રત્યેના પ્રેમનું પ્રદર્શન કરી રહ્યો છે. આ તસવીરમાં તે આંગળીઓમાં મોટી વિંટી અને ગળાની  ચેન દ્વારા પોતાની જાહોજલાલી બતાવી રહ્યો છે. 

અંસારની કેટલીક તસવીરો આમ આદમી પાર્ટીના નેતાઓ સાથે પણ સોશિયલ મીડિયા પર વાયરલ થઈ રહી છે. જેમાં તે પાર્ટીના નેતાઓ સાથે હસતો જોવા મળે છે.