Team India ના આ સ્ટાર ખેલાડીએ દુનિયાથી છુપાવી મોટી વાત, પત્નીએ ભાંડો ફોડ્યો!

લાંબા સમયથી ભારતીય ક્રિકેટ ટીમમાંથી બહાર રહેલા હનુમા વિહારીની પત્નીએ એક છોકરાને જન્મ આપ્યો છે. હનુમા વિહારીની પત્ની પ્રીતિરાજે સોશિયલ મીડિયા પર એક પોસ્ટ શેર કરીને ચાહકોને આ ખુશખબર આપી છે.

હનુમા વિહારી અને પ્રીતિરાજના લગ્ન 19 મે 2019ના રોજ થયા હતા. લાંબા સમય સુધી ડેટિંગ કર્યા બાદ વિહારીએ કેન્ડલ લાઈટ ડિનર પર પ્રીતિરાજને લગ્ન માટે પ્રપોઝ કર્યું હતું. પ્રીતિ આ પ્રસ્તાવને ટાળી ન શકી.

પ્રીતિરાજ વ્યવસાયે ફેશન ડિઝાઈનર છે અને તે પોતે પણ કોઈ મોડલથી ઓછા નથી. પ્રીતિરાજ સોશિયલ મીડિયા પર પણ ખૂબ એક્ટિવ છે.

હનુમા વિહારીએ હાલમાં જ સાઉથ ઝોનને પોતાની કપ્તાનીમાં દુલીપ ટ્રોફીમાં ચેમ્પિયન બનાવીને સૌનું ધ્યાન ખેંચ્યું છે. હનુમા વિહારીએ દુલીપ ટ્રોફીની ફાઇનલમાં પણ 63 અને 42 રનની મેચ વિનિંગ ઇનિંગ્સ રમી હતી.

હનુમા વિહારીએ ટીમ ઈન્ડિયા માટે અત્યાર સુધી 16 ટેસ્ટ મેચમાં 33.56ની એવરેજથી 839 રન બનાવ્યા છે. હનુમા વિહારીએ ભારત માટે છેલ્લી ટેસ્ટ મેચ ગયા વર્ષે જુલાઈમાં બર્મિંગહામમાં ઈંગ્લેન્ડ સામે રમી હતી.