શિયાળામાં અનેક સમસ્યાઓમાંથી છુટકારો અપાવશે મૂળો, અનેક પોષક તત્વોનો છે ભંડાર

મૂળા શરીરમાં પોટેશિયમ પહોંચાડે છે જેનાથી બ્લડ પ્રેશર નિયંત્રિત રહે છે. ખાસ કરીને જો તમારે હાઈપર ટેન્શનની સમસ્યા હોય તો ડાયટમાં મૂળા જરૂર સામેલ કરવા જોઈએ. આયુર્વેદ મુજબ મૂળા લોહીમાં શીતળ પ્રભાવ નાખે છે.

મૂળા એન્થોસાયનિનનો સારો સ્ત્રોત માનવામાં આવે છે, જેથી આપણ દિલ સારી રીતે કામ કરે છે. રોજ મૂળા ખાવાથી હૃદય રોગનો ખતરો ઓછો થાય છે. મૂળામાં ફોલિક એસિડ અને ફ્લેવોનોઈડ્સ પણ સારી માત્રામાં મળે છે. મૂળા લોહીમાં ઓક્સિજનની આપૂર્તિને વધારે છે.  

મૂળામાં સારી માત્રામાં ફાઈબર મળે છે. જે લોકો દરરોજ સલાડના રૂપમાં મૂળા ખાય છે તેમના શરીરમાં ફાઈબરની કમી રહેતી નથી. ફાઈબરને કારણે પાચન તંત્ર સારી રીતે કામ કરે છે. આ સિવાય મૂળા લિવર અને ગોલ બ્લેડરને પણ સુરક્ષિત રાખે છે.

જો તમારે ચમકતી ત્વચા જોઈએ છે તો દરરોજ મૂળાનું જ્યુસ પીવું જોઈએ. કારણ કે આમાં વિટામિન-C અને ફોસ્ફરસ મળે છે. આ સિવાય રફ સ્કિનથી પણ છુટકારો મળે છે. મૂળાના જ્યુસને વાળમાં નાખવાથી વાળ ખરવાની સમસ્યાથી મુક્તિ મળે છે.

મૂળા ના માત્ર પાચન તંત્ર માટે સારા હોય છે. પરંતુ એસિડિટી, સ્થુળતા, ગેસની સમસ્યા અને ઉબકા જેવી સમસ્યાઓને પણ ઠીક કરવામાં મદદરૂપ થાય છે.

લાલ મૂળા વિટામિન E, A, C, B6 અને Kથી ભરપુર હોય છે. આમાં એન્ટી ઓક્સીડન્ટ, ફાઈબર, પોટેશિયમ, ફોસ્ફરસ, મેગ્નેશિયમ, કેલ્શિયમ, આયરન સારી માત્રામાં મળે છે. આ તમામ પોષક તત્વો શરીર માટે બહુ ફાયદાકારક છે.

મૂળામાં સારી માત્રામાં કોલેજન મળે છે જે આપણી રક્ત વાહિનીઓને મજબુત બનાવે છે. આને કારણે એથેરોક્લેરોસિસ જેવી ગંભીર બીમારી થવાની સંભાવના ઘટી જાય છે.