અમરેલી જિલ્લામાં દીપડાની દહેશત યથાવત જોવા મળી રહી છે. ત્યારે વન વિભાગ દ્વારા હાથ ધરવામાં આવેલા મેગા ઓપરેશનનો આજે ત્રીજો દિવસ છે. જૂનાગઢ, અમરેલી અને ગાંધીનગરથી વનવિભાગના અધિકારીઓ, કર્મચારીઓ મેગા ઓપરેશનમાં જોડાયા છે. ડે એન્ડ નાઇટ સીસીટીવી કેમેરા તેમજ ડ્રોન મારફતે નજર રાખવામાં આવે છે. 200 જેટલા કર્મચારી અને 7 જેટલા શાર્પ સુટરોની મદદથી ઓપરેશન શરૂ કરવામાં આવ્યું છે. આજ રોજ દીપડાનું લોકેશન બગસરા તાલુકાના ભટ્ટવાવડી વિસ્તારમાં હોવાનું માલુમ થતા ભટ્ટવાવડી વિસ્તારમાં શાર્પ સુટરો સર્ચ ઓપરેશન કરી રહ્યા છે.