Amul ನೀಡುತ್ತಿದೆ ಹೆಚ್ಚುವರಿ ಗಳಿಕೆಗೆ ಅವಕಾಶ, ತಿಂಗಳಿಗೆ 5 ಲಕ್ಷ ನೀಡಲಿದೆ ಕಂಪನಿ!

ಅಮೂಲ್ ಫ್ರಾಂಚೈಸಿ ಹೇಗೆ ತೆರೆಯಬೇಕು

Business Idea: ನೀವೂ ಕೂಡ ಹಣ ಗಳಿಕೆಗೆ ಯೋಜನೆ ರೂಪಿಸುತ್ತಿದ್ದರೆ, ಈ ಸಂತಸದ ಸುದ್ದಿ ಕೇವಲ ನಿಮಗಾಗಿ. ಹೌದು, ಅಮೂಲ್ ಇದೀಗ ನಿಮಗೆ ಹೆಚ್ಚುವರಿ ಹಣ ಗಳಿಕೆಗೆ ಅವಕಾಶವನ್ನು ನೀಡುತ್ತಿದೆ. AMUL ನೊಂದಿಗೆ ವ್ಯಾಪಾರ ಆರಂಭಿಸಿ ನೀವು 5 ರಿಂದ 10 ಲಕ್ಷ ರೂಪಾಯಿಗಳವರೆಗೆ ಗಳಿಕೆ ಮಾಡಬಹುದು.  ಡೈರಿ ಉತ್ಪನ್ನ ತಯಾರಕ ಅಮುಲ್ ನಿಮಗೆ ಬಂಪರ್ ಬಂಪರ್ ಹಣ ಗಳಿಕೆಗೆ ಅವಕಾಶ ನೀಡುತ್ತಿದೆ. 2 ಲಕ್ಷದಿಂದ 6 ಲಕ್ಷ ರೂಪಾಯಿ ಖರ್ಚು ಮಾಡಿ ನಿಮ್ಮ ವ್ಯಾಪಾರ ನೀವು ಆರಂಭಿಸಬಹುದು. ಇದರಿಂದ ಹೇಗೆ ಲಾಭ ಪಡೆಯಬಹುದು ತಿಳಿದುಕೊಳ್ಳೋಣ ಬನ್ನಿ, 

ಎಷ್ಟು ಹಣ ಹೂಡಿಕೆ ಮಾಡಬೇಕಾಗುತ್ತದೆ?
ನೀವು ಈ ವ್ಯವಹಾರವನ್ನು 2 ರೀತಿಯಲ್ಲಿ ಪ್ರಾರಂಭಿಸಬಹುದು. ನೀವು ಅಮುಲ್‌ನ ಔಟ್‌ಲೆಟ್ ತೆಗೆದುಕೊಳ್ಳಲು ಯೋಚಿಸುತ್ತಿದ್ದರೆ, ನೀವು 2 ಲಕ್ಷದವರೆಗೆ ಹೂಡಿಕೆ ಮಾಡಬೇಕಾಗುತ್ತದೆ. ಮತ್ತೊಂದೆಡೆ, ನೀವು ಫ್ರಾಂಚೈಸಿಯನ್ನು ತೆಗೆದುಕೊಳ್ಳಲು ಯೋಜಿಸುತ್ತಿದ್ದರೆ, ನೀವು ಸುಮಾರು 5 ಲಕ್ಷಗಳನ್ನು ಹೂಡಿಕೆ ಮಾಡಬೇಕಾಗುತ್ತದೆ. ಇದೇ ವೇಳೆ ನೀವು ಇದಕ್ಕೂ ಮೊದಲು ಆರಂಭದಲ್ಲಿ ಸ್ವಲ್ಪ ಮೊತ್ತವನ್ನು ಭದ್ರತಾ ಠೇವಣಿಯಾಗಿ ನೀಡಬೇಕಾಗುತ್ತದೆ. ಅಂದರೆ, ಸುಮಾರು 25000 ರಿಂದ 50,000 ವರೆಗೆ ಭದ್ರತೆಯಾಗಿ ಖರ್ಚು ಮಾಡಬೇಕು.

ಹಣಗಳಿಕೆ ಹೇಗೆ?
ಈ ಫ್ರಾಂಚೈಸಿಯಿಂದ ಹಣ ಗಳಿಕೆಯ ಕುರಿತು ಮಾತನಾಡುವುದಾದರೆ. ಅಮುಲ್‌ನಿಂದ ಉತ್ಪನ್ನಗಳ ಮೇಲೆ ಕಮಿಷನ್ ನೀಡಲಾಗುತ್ತದೆ. ಉದಾಹರಣೆಗೆ ಹಾಲಿನ ಪ್ಯಾಕೆಟ್ ಮೇಲೆ ಶೇ.2.5, ಹಾಲಿನ ಉತ್ಪನ್ನಗಳ ಮೇಲೆ ಶೇ.10, ಐಸ್ ಕ್ರೀಮ್ ಮೇಲೆ ಶೇ.20 ಕಮಿಷನ್ ಲಭ್ಯವಿದೆ. ಅಂತೆಯೇ, ವಿವಿಧ ಉತ್ಪನ್ನಗಳ ಮೇಲೆ ವಿಭಿನ್ನ ಕಮಿಷನ್ ದರವಿದೆ. ಪಾಕವಿಧಾನ ಆಧಾರಿತ ಐಸ್ ಕ್ರೀಮ್, ಶೇಕ್, ಪಿಜ್ಜಾ, ಸ್ಯಾಂಡ್‌ವಿಚ್, ಹಾಟ್ ಚಾಕೊಲೇಟ್ ಪಾನೀಯಗಳ ಮೇಲೆ ನೀವು ಶೇ. 50 ರಷ್ಟು ಕಮಿಷನ್ ಪಡೆಯಬಹುದು.

ಎಷ್ಟು ಜಾಗ ಬೇಕಾಗುತ್ತದೆ?
ಈ ವ್ಯಾಪಾರವನ್ನು ಪ್ರಾರಂಭಿಸಲು ನೀವು ಸುಮಾರು 150 ಚದರ ಅಡಿ ಜಾಗವನ್ನು ಹೊಂದಿರಬೇಕು. ಅಮುಲ್ ಔಟ್ಲೆಟ್ ಹೊರತುಪಡಿಸಿ, ನೀವು ಐಸ್ ಕ್ರೀಮ್ ಪಾರ್ಲರ್ನ ಫ್ರಾಂಚೈಸಿಯನ್ನು ತೆಗೆದುಕೊಂಡರೆ, ನೀವು ಸುಮಾರು 300 ಚದರ ಅಡಿ ಜಾಗವನ್ನು ಹೊಂದಿರಬೇಕು.

ನೀವು ಎಲ್ಲಿ ಅರ್ಜಿ ಸಲ್ಲಿಸಬಹುದು?
ನೀವು ಸಹ ಫ್ರ್ಯಾಂಚೈಸ್ ತೆಗೆದುಕೊಳ್ಳಲು ಯೋಜಿಸುತ್ತಿದ್ದರೆ, ನೀವು ಅಧಿಕೃತ ಮೇಲ್ retail@amul.coop ಗೆ ಮೇಲ್ ಕಳುಹಿಸಬೇಕು. ಅಥವಾ ಈ ಲಿಂಕ್ ಅನ್ನು ಕ್ಲಿಕ್ ಮಾಡಬೇಕು http://amul.com/m/amul scooping parlours. ಈ ಲಿಂಕ್ ಮೂಲಕ ನೀವು ಎಲ್ಲಾ ಮಾಹಿತಿಯನ್ನು ಪಡೆಯಬಹುದು.

ಇದನ್ನೂ ಓದಿ-Big Update: ಆಧಾರ್ ನಿಂದ ಇನ್ಮುಂದೆ ನೀವು ಈ ಕೆಲಸ ಮಾಡ್ಬಹುದು, ಅನುಮತಿ ನೀಡಿದ ಕೇಂದ್ರ ವಿತ್ತ ಸಚಿವಾಲಯ

5ರಿಂದ 10 ಲಕ್ಷ ಆದಾಯ ಸಿಗಲಿದೆ
ಅಮುಲ್ ಫ್ರಾಂಚೈಸಿ ನೀಡಿರುವ ಮಾಹಿತಿ ಪ್ರಕಾರ ಫ್ರಾಂಚೈಸಿ ಮೂಲಕ ಪ್ರತಿ ತಿಂಗಳು ಸುಮಾರು 5 ರಿಂದ 10 ಲಕ್ಷ ರೂಪಾಯಿ ಮಾರಾಟ ಮಾಡಬಹುದು. ಇದರಲ್ಲಿ ಹಾಲಿನ ಪ್ಯಾಕೆಟ್ ಮೇಲೆ ಶೇ.2.5, ಹಾಲಿನ ಉತ್ಪನ್ನಗಳ ಮೇಲೆ ಶೇ.10 ಮತ್ತು ಐಸ್ ಕ್ರೀಂ ಮೇಲೆ ಶೇ.20 ಕಮಿಷನ್ ಲಭ್ಯವಿದೆ.

ಇದನ್ನೂ ಓದಿ-DA Hike: ಶೇ.45ಕ್ಕೆ ತಲುಪಿದ ತುಟ್ಟಿಭತ್ಯೆ, ಸರ್ಕಾರಿ ನೌಕರರಿಗೊಂದು ಭರ್ಜರಿ ಸುದ್ದಿ!

ನಷ್ಟದ ಅವಕಾಶವಿಲ್ಲ
ಅಮುಲ್ ಜೊತೆ ವ್ಯಾಪಾರ ಮಾಡುವುದು ತುಂಬಾ ಸುಲಭ. ವಾಸ್ತವವಾಗಿ, ಇದರ ಹಿಂದೆ ಎರಡು ಕಾರಣಗಳಿವೆ. ಮೊದಲನೆಯದು ಅಮುಲ್‌ನ ಗ್ರಾಹಕರ ಬೇಸ್ ಮತ್ತು ಎರಡನೆಯದಾಗಿ ಇದು ನಗರದ ಪ್ರತಿಯೊಂದು ಸ್ಥಳಕ್ಕೂ ಹೊಂದಿಕೊಳ್ಳುತ್ತದೆ. ಪ್ರತಿ ನಗರದಲ್ಲಿ ಅಮುಲ್ ಬಲವಾದ ಗ್ರಾಹಕರ ಬೇಸ್ ಹೊಂದಿದೆ. ಪ್ರತಿ ನಗರದ ಜನರು ಅಮೂಲ್ ಉತ್ಪನ್ನಗಳನ್ನು ಹೆಸರಿನಿಂದ ಗುರುತಿಸುತ್ತಾರೆ. ಇದು ದೊಡ್ಡ ನಗರಗಳು ಮತ್ತು ಸಣ್ಣ ಪಟ್ಟಣಗಳನ್ನು ತಲುಪಿದೆ. ಹೀಗಾಗಿ ಅಮುಲ್ ಫ್ರಾಂಚೈಸಿಯನ್ನು ತೆಗೆದುಕೊಂಡರೆ ನಷ್ಟವಾಗುವ ಸಾಧ್ಯತೆ ಇಲ್ಲ.

ಇದನ್ನೂ ನೋಡಿ-