ನವದೆಹಲಿ: Banking - ನಮ್ಮಲ್ಲಿ ಹೆಚ್ಚಿನವರು ಸೇವಿಂಗ್ಸ್ ಬ್ಯಾಂಕ್ ಖಾತೆಯನ್ನು (Bank Account) ಬಳಸುತ್ತೇವೆ, ಆದರೆ ಯಾವ ಉಳಿತಾಯ ಖಾತೆಯು ನಿಮಗೆ ಸೂಕ್ತವಾಗಿದೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ, ಏಕೆಂದರೆ ಉಳಿತಾಯ ಖಾತೆಗಳು ಅಗತ್ಯಕ್ಕೆ ಅನುಗುಣವಾಗಿ ಭಿನ್ನವಾಗಿರುತ್ತವೆ. ದುಡಿಯುವವರಿಗೆ ಪ್ರತ್ಯೇಕ ಉಳಿತಾಯ ಖಾತೆ, ವೃದ್ಧರಿಗೆ ಪ್ರತ್ಯೇಕ, ಮಹಿಳೆಯರಿಗೆ ಪ್ರತ್ಯೇಕ ಹಾಗೂ ಮಕ್ಕಳಿಗೆಂದೇ ಪ್ರತ್ಯೇಕ ಖಾತೆ ಇದೆ. ಈ ರೀತಿಯಾಗಿ, ಒಟ್ಟು 6 ರೀತಿಯ ಉಳಿತಾಯ ಖಾತೆಗಳಿವೆ. ಬನ್ನಿ ಹಾಗಾದರೆ ಇವುಗಳನ್ನು ಒಂದೊಂದಾಗಿ ಅರ್ಥ ಮಾಡಿಕೊಳ್ಳೋಣ.
ನಿಯಮಿತ ಉಳಿತಾಯ ಖಾತೆ (Regular Account)
ಕೆಲವು ಮೂಲಭೂತ ಷರತ್ತುಗಳ ಮೇಲೆ ಇದನ್ನು ತೆರೆಯಲಾಗುತ್ತದೆ. ಈ ರೀತಿಯ ಖಾತೆಯಲ್ಲಿ, ಯಾವುದೇ ಸ್ಥಿರ ಮೊತ್ತದ ನಿಯಮಿತ ಠೇವಣಿ ಇರುವುದಿಲ್ಲ, ಅದನ್ನು ಸುರಕ್ಷಿತ ಮನೆಯಂತೆ ಬಳಸಲಾಗುತ್ತದೆ, ಇದರಲ್ಲಿ ನೀವು ನಿಮ್ಮ ಹಣವನ್ನು ಮಾತ್ರ ಇರಿಸಬಹುದು. ಇದರಲ್ಲಿ ಮಿನಿಮಮ್ ಬ್ಯಾಲೆನ್ಸ್ ಎಂಬ ಷರತ್ತು ಕೂಡ ಇದೆ.
ಸಂಬಳ ಉಳಿತಾಯ ಖಾತೆ (Salary Account)
ಇಂತಹ ಖಾತೆಗಳನ್ನು ತಮ್ಮ ಉದ್ಯೋಗಿಗಳಿಗಾಗಿ ಕಂಪನಿಗಳ ಪರವಾಗಿ ಬ್ಯಾಂಕುಗಳು ತೆರೆಯುತ್ತವೆ. ಈ ರೀತಿಯ ಖಾತೆಗೆ ಬ್ಯಾಂಕುಗಳು ಬಡ್ಡಿಯನ್ನು ನೀಡುತ್ತವೆ. ಇದನ್ನು ನೌಕರರಿಗೆ ಸಂಬಳ ನೀಡಲು ಬಳಸಲಾಗುತ್ತದೆ. ಸಂಬಳ ನೀಡಲು ಸಮಯ ಬಂದಾಗಲೆಲ್ಲಾ ಬ್ಯಾಂಕ್ ಕಂಪನಿಯ ಖಾತೆಯಿಂದ ಹಣವನ್ನು ಹಿಂಪಡೆದು ಉದ್ಯೋಗಿಗಳ ಖಾತೆಗೆ ಹಾಕುತ್ತದೆ. ಈ ರೀತಿಯ ಖಾತೆಗೆ ಯಾವುದೇ ಕನಿಷ್ಠ ಬ್ಯಾಲೆನ್ಸ್ ಷರತ್ತುಗಳಿಲ್ಲ. ಮೂರು ತಿಂಗಳವರೆಗೆ ಸಂಬಳ ಪಡೆಯದಿದ್ದರೆ, ಅದನ್ನು ಸಾಮಾನ್ಯ ಉಳಿತಾಯ ಖಾತೆಯಾಗಿ ಪರಿವರ್ತಿಸಲಾಗುತ್ತದೆ.
ಶೂನ್ಯ ಬ್ಯಾಲೆನ್ಸ್ ಉಳಿತಾಯ ಖಾತೆ
ಈ ರೀತಿಯ ಖಾತೆಯು ಉಳಿತಾಯ ಮತ್ತು ಚಾಲ್ತಿ ಖಾತೆಗಳ ವೈಶಿಷ್ಟ್ಯಗಳನ್ನು ಹೊಂದಿದೆ. ಇದರಲ್ಲಿ ಹಿಂಪಡೆಯುವ ಮಿತಿ ಇದೆ, ನೀವು ಸರಾಸರಿ ಮಿತಿಗಿಂತ ಹೆಚ್ಚು ಹಣವನ್ನು ಹಿಂಪಡೆಯುವಂತಿಲ್ಲ. ಆದರೆ ಬಾಕಿ ಕಡಿಮೆ ಇದ್ದ ಸಂದರ್ಭದಲ್ಲಿ ನಿಮ್ಮ ಮೇಲೆ ಯಾವುದೇ ರೀತಿಯ ದಂಡ ಕೂಡ ಬೀಳುವುದಿಲ್ಲ.
ಅಪ್ರಾಪ್ತ ವಯಸ್ಕರ ಉಳಿತಾಯ ಖಾತೆ
ಇದು ಮಕ್ಕಳಿಗಾಗಿ ಎಂದೇ ತೆರೆಯಲಾಗುವ ಖಾತೆಯಾಗಿದೆ, ಇದರಲ್ಲಿ ಮಿನಿಮಮ್ ಬ್ಯಾಲೆನ್ಸ್ ಅಗತ್ಯವಿಲ್ಲ. ಈ ಉಳಿತಾಯ ಖಾತೆಯು ಮಕ್ಕಳ ಶಿಕ್ಷಣಕ್ಕಾಗಿ ಬ್ಯಾಂಕಿಂಗ್ ಅಗತ್ಯಗಳನ್ನು ಪೂರೈಸಲು ಉದ್ದೇಶಿಸಲಾಗಿದೆ. ಈ ರೀತಿಯ ಬ್ಯಾಂಕ್ ಖಾತೆಯನ್ನು ಕಾನೂನಾತ್ಮಕವಾಗಿ ಪಾಲಕರ ಅಥವಾ ಪೋಷಕರ ಮೇಲ್ವಿಚಾರಣೆಯಲ್ಲಿ ಮಾತ್ರ ತೆರೆಯಲಾಗುತ್ತದೆ ಮತ್ತು ನಿರ್ವಹಿಸಲಾಗುತ್ತದೆ. ಮಗುವಿಗೆ 10 ವರ್ಷ ತುಂಬಿದಾಗ, ಅವನು ತನ್ನ ಸ್ವಂತ ಖಾತೆಯನ್ನು ನಿರ್ವಹಿಸಬಹುದು. ಮಗುವಿಗೆ 18 ವರ್ಷ ತುಂಬಿದಾಗ, ಅದನ್ನು ಸಾಮಾನ್ಯ ಉಳಿತಾಯ ಖಾತೆಯಾಗಿ ಪರಿವರ್ತಿಸಲಾಗುತ್ತದೆ.
ಇದನ್ನೂ ಓದಿ-7th Pay Commission: ತುಟ್ಟಿ ಭತ್ಯೆ ಲೆಕ್ಕಾಚಾರದಲ್ಲಿ ಬದಲಾವಣೆ, ಈಗ ಕೈ ಸೇರಲಿರುವ ವೇತನ ಎಷ್ಟು ?
ಹಿರಿಯ ನಾಗರಿಕರ ಉಳಿತಾಯ ಖಾತೆ
ಇದು ಸಾಮಾನ್ಯ ಉಳಿತಾಯ ಖಾತೆಯಂತೆಯೇ ಕಾರ್ಯನಿರ್ವಹಿಸುತ್ತದೆ, ಆದರೆ ಸಾಮಾನ್ಯ ಉಳಿತಾಯ ಖಾತೆಗಳಿಗಿಂತ ಹಿರಿಯ ನಾಗರಿಕರಿಗೆ ಹೆಚ್ಚಿನ ಬಡ್ಡಿದರಗಳನ್ನು ನೀಡುತ್ತದೆ. ಆದ್ದರಿಂದ, ಹಿರಿಯ ನಾಗರಿಕರು ಈ ಖಾತೆಯನ್ನು ತೆರೆಯಬೇಕು ಏಕೆಂದರೆ ಅದರಲ್ಲಿ ಬಡ್ಡಿ ಹೆಚ್ಚು. ಈ ಬ್ಯಾಂಕ್ ಖಾತೆಯು ಹಿರಿಯ ನಾಗರಿಕರ ಉಳಿತಾಯ ಯೋಜನೆಗಳಿಗೆ ಸಹ ಲಿಂಕ್ ಆಗಿದೆ, ಇದರಿಂದ ಪಿಂಚಣಿ ನಿಧಿಗಳಿಂದ ಹಣವನ್ನು ಹಿಂಪಡೆಯಲಾಗುತ್ತದೆ ಅಥವಾ ನಿವೃತ್ತಿ ಖಾತೆಗಳು ಮತ್ತು ಅಗತ್ಯಗಳನ್ನು ಪೂರೈಸಲಾಗುತ್ತದೆ.
ಇದನ್ನೂ ಓದಿ-18-01-2022 Today Gold Price: ಬೆಳ್ಳಿ ದರ ಏರಿಕೆ, ಯಥಾಸ್ಥಿತಿ ಕಾಯ್ದುಕೊಂಡ ಬಂಗಾರದ ಬೆಲೆ
ಮಹಿಳಾ ಉಳಿತಾಯ ಖಾತೆಗಳು
ಇಂತಹ ಬ್ಯಾಂಕ್ ಖಾತೆಗಳನ್ನು ವಿಶೇಷವಾಗಿ ಮಹಿಳೆಯರನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಳಿಸಲಾಗಿದೆ. ಇದರಲ್ಲಿ ವಿವಿಧ ರೀತಿಯ ವೈಶಿಷ್ಟ್ಯಗಳಿವೆ. ಮಹಿಳೆಯರಿಗೆ ಸಾಲದ ಮೇಲೆ ಕಡಿಮೆ ಬಡ್ಡಿ, ಡಿಮ್ಯಾಟ್ ಖಾತೆಗಳನ್ನು ತೆರೆಯಲು ಉಚಿತ ಶುಲ್ಕಗಳು ಮತ್ತು ವಿವಿಧ ರೀತಿಯ ಖರೀದಿಗಳ ಮೇಲೆ ರಿಯಾಯಿತಿಗಳನ್ನು ನೀಡಲಾಗುತ್ತದೆ.
ಇದನ್ನೂ ಓದಿ-Pensioners News : ಮೋದಿ ಸರ್ಕಾರದಿಂದ ಪಿಂಚಣಿದಾರರಿಗೆ ಭರ್ಜರಿ ಸಿಹಿ ಸುದ್ದಿ!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
