ನವದೆಹಲಿ: ಪ್ರಸಿದ್ಧ ಆಟೋಮೊಬೈಲ್ ಕಂಪನಿ ಎಂಜಿ ಮೋಟಾರ್ಸ್(Morris Garages Motor) ತನ್ನ ZS ಎಲೆಕ್ಟ್ರಿಕ್ ಕಾರನ್ನು ಅನಾವರಣಗೊಳಿಸಿದೆ. MG ZS ಎಲೆಕ್ಟ್ರಿಕ್ ಕಾರನ್ನು ಕಾಸ್ಮೆಟಿಕ್ ವಿನ್ಯಾಸ ಬದಲಾವಣೆಗಳು ಮತ್ತು ನವೀಕರಿಸಿದ ಪವರ್‌ಟ್ರೇನ್‌ನೊಂದಿಗೆ ನೀಡಲಾಗುತ್ತದೆ. ಇದು ಮುಂದಿನ 1 ವರ್ಷದಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಮಾರಾಟಕ್ಕೆ ಲಭ್ಯವಾಗುವ ನಿರೀಕ್ಷೆಯಿದೆ.
ಪ್ರಸ್ತುತ ದೇಶದಲ್ಲಿ ಎಲೆಕ್ಟ್ರಿಕ್ ಕಾರು(Electric Car)ಗಳನ್ನು ಮಾರಾಟ ಮಾಡುತ್ತಿರುವ ಭಾರತದ ಕೆಲವೇ ವಾಹನ ತಯಾರಕರಲ್ಲಿ ಎಂಜಿ ಮೋಟಾರ್ಸ್ ಕೂಡ ಒಂದು. ಈ ಬ್ರಿಟಿಷ್ ಕಾರ್ ಬ್ರಾಂಡ್ ಕಂಪನಿಯ ಹೇಳಿಕೆ ಪ್ರಕಾರ, ಈ ಕಾರು ಒಂದು ಬಾರಿ ಚಾರ್ಜ್ ಮಾಡಿದರೆ ಸುಮಾರು 439 ಕಿಮೀ ವ್ಯಾಪ್ತಿಯನ್ನು ನೀಡುತ್ತದೆ. ಇದರೊಂದಿಗೆ ಈ ಕಾರಿನಲ್ಲಿ ಹೊಸ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಮತ್ತು ಬಲವಾದ ಬ್ಯಾಟರಿಯನ್ನು ನೀಡಲಾಗಿದೆ. ಈ ನವೀಕರಿಸಿದ ಕಾರಿನ ವೈಶಿಷ್ಟ್ಯಗಳ ಬಗ್ಗೆ ಇಲ್ಲಿದೆ ನೋಡಿ ಮಾಹಿತಿ.
ಇದನ್ನೂ ಓದಿ: Forbes 2021 ರ ಶ್ರೀಮಂತರ ಹೊಸ ಪಟ್ಟಿ ಬಿಡುಗಡೆ : ಭಾರತದ ಅತ್ಯಂತ ಶ್ರೀಮಂತರು ಇವರೇ ನೋಡಿ!
ವಾಹನದಲ್ಲಿ ವಿವಿಧ ಬದಲಾವಣೆ ಮಾಡಲಾಗಿದೆ
2022 MG ZS ಎಲೆಕ್ಟ್ರಿಕ್ ಕಾರು(2022 MG ZS Electric Car) ಹೊಸದಾಗಿ ಅಭಿವೃದ್ಧಿಪಡಿಸಿದ MG iSMART ಕನೆಕ್ಟಿವಿಟಿ ಸಿಸ್ಟಮ್ ಅನ್ನು ಹೊಂದಿದ್ದು, ಇದು ಒಂದು ಸ್ಮಾರ್ಟ್ಫೋನ್ ಆ್ಯಪ್‌ ಮೂಲಕ ಸಂಪರ್ಕವನ್ನು ಅನುಮತಿಸುತ್ತದೆ. ಇದರೊಂದಿಗೆ ಬಹು ಕಾರ್ಯಗಳನ್ನು ದೂರದಿಂದಲೇ ನಿಯಂತ್ರಿಸಬಹುದು. ಗಮನಾರ್ಹವಾಗಿ ಎಸ್‌ಯುವಿಯು ವೈರ್‌ಲೆಸ್ ಫೋನ್ ಚಾರ್ಜರ್, ಡಿಜಿಟಲ್ ಇನ್ಸ್ಟ್ರುಮೆಂಟ್ ಕನ್ಸೋಲ್ ಮತ್ತು ಹಿಂದಿನ ಮಾದರಿಯಲ್ಲಿದ್ದ 8 ಇಂಚಿನ ಘಟಕಕ್ಕೆ ಬದಲಾಗಿ ಹೊಸ 10.1 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್ ಅನ್ನು ಹೊಂದಿರಲಿದೆ.
ಬಲವಾದ ಬ್ಯಾಟರಿಯೊಂದಿಗೆ ಉತ್ತಮ ಮೈಲೇಜ್
ಈ ವಾಹನವು 72 KWh ದೀರ್ಘ ಶ್ರೇಣಿಯ ಬ್ಯಾಟರಿ(Stronger Battery)ಯಿಂದ ಶಕ್ತಿಯನ್ನು ಹೊಂದಿರಲಿದ್ದು, ಹಿಂದಿನ ಮಾದರಿಯಲ್ಲಿ 263km ಗೆ ಹೋಲಿಸಿದರೆ 440 ಕಿಮೀ ವ್ಯಾಪ್ತಿಯನ್ನು ನೀಡುತ್ತದೆ ಎಂದು ಹೇಳಲಾಗಿದೆ. ಮುಂದಿನ ವರ್ಷದ ವೇಳೆಗೆ 51 kWh ಬ್ಯಾಟರಿ ಪ್ಯಾಕ್ ಅನ್ನು ಬಿಡುಗಡೆ ಮಾಡಲಾಗುವುದು ಎಂದು ಕಂಪನಿಯು ಹೇಳಿಕೊಂಡಿದೆ. ಇದು ಒಂದೇ ಚಾರ್ಜ್‌ನಲ್ಲಿ 318 ಕಿಮೀ ದೂರವನ್ನು ಕ್ರಮಿಸಲು ಸಾಧ್ಯವಾಗುತ್ತದೆ.
ಇದನ್ನೂ ಓದಿ: Driving Licence: ಡಿಎಲ್ ಮಾಡಿಸುವ ಮುನ್ನ ಹುಷಾರ್! ಎಚ್ಚರ ತಪ್ಪಿದರೆ ನಷ್ಟ ಆದೀತು
ಚಾರ್ಜಿಂಗ್ ಪೋರ್ಟ್‌ನಲ್ಲಿ ಇಂಡಿಕೇಟರ್
ಹೊಸ MG ZS EV ಕಾರು 4 ಹಂತದ LED ಇಂಡಿಕೇಟರ್ ಅನ್ನು ಹೊಂದಿದೆ, ಇದು ಚಾರ್ಜಿಂಗ್ ಪೋರ್ಟ್‌ನಲ್ಲಿರುತ್ತದೆ. ಈ ಇಂಡಿಕೇಟರ್ ಚಾರ್ಜಿಂಗ್ ಸ್ಥಿತಿಯನ್ನು ತೋರಿಸುತ್ತದೆ. ಇದು ಟೈಪ್ 2 ಚಾರ್ಜಿಂಗ್ ಮತ್ತು ಸಿಸಿಎಸ್ ಚಾರ್ಜರ್ ಅನ್ನು ಹೊಂದಿರಲಿದೆ, ಇದು ವೇಗದ ಚಾರ್ಜಿಂಗ್ ಮಾಡುವ ಸಾಮರ್ಥ್ಯವನ್ನು ಹೊಂದಿದೆ.
MG ZS EV ಯ ಪ್ರಮುಖ ವೈಶಿಷ್ಟ್ಯಗಳು
MG ZS EV ಕಾರು ಸಂಯೋಜಿತ LED DRLS (Daytime Running Lamp) ಮತ್ತು ಎಲ್ಇಡಿ ಟೈಲ್ ಲ್ಯಾಂಪ್‌ಗಳೊಂದಿಗೆ ಸ್ಲಿಮ್ ಹೆಡ್‌ಲ್ಯಾಂಪ್‌ಗಳೊಂದಿಗೆ ಬರುತ್ತದೆ. ಈ ಕಾರು ಪರಿಷ್ಕೃತ ಬಂಪರ್‌ಗಳು ಮತ್ತು ಹೊಸ ಮಿಶ್ರಲೋಹದ ಚಕ್ರಗಳನ್ನು ಹೊಂದಿರಲಿದೆ. ಹೊಸ ಮಾದರಿಯು ಹೊಸ ಬಾಡಿ-ಕಲರ್, ಹೊದಿಕೆಯ ಮುಂಭಾಗದ ಗ್ರಿಲ್ ಅನ್ನು ಹೊಂದಿರಲಿದ್ದು, ಇದು ಹಿಂದಿನ ಮಾದರಿಯಲ್ಲಿದ್ದ ಸಾಂಪ್ರದಾಯಿಕ ಗ್ರಿಲ್ ಬದಲಾಯಿಸಲಿದೆ. ಈ ಕಾರಿನ ಹಿಂಭಾಗದ ಪ್ಯಾನೆಲ್‌ನಲ್ಲಿರುವ ಪ್ರೊಫೈಲ್‌ನಲ್ಲಿ ಸ್ವಲ್ಪ ಬದಲಾವಣೆಯಿದೆ. ಇದರಲ್ಲಿ ಮಿಶ್ರಲೋಹದ ಚಕ್ರಗಳನ್ನು ಸಹ ನವೀಕರಿಸಲಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ
