ನವದೆಹಲಿ: ಹೊಸ ಎಲ್‌ಪಿಜಿ ಬುಕಿಂಗ್: ಎಲ್‌ಪಿಜಿ ಸಿಲಿಂಡರ್‌ಗಳ ಬುಕಿಂಗ್‌ಗೆ ಸಂಬಂಧಿಸಿದಂತೆ ಸರ್ಕಾರ ಮತ್ತು ತೈಲ ಕಂಪನಿಗಳು ಹೊಸ ನಿಯಮವನ್ನು ಜಾರಿಗೆ ತರಲು ಸಿದ್ದತೆ ನಡೆಸಿವೆ. ಎಲ್‌ಪಿಜಿ ಬುಕಿಂಗ್ ಮತ್ತು ವಿತರಣಾ ವ್ಯವಸ್ಥೆಯನ್ನು ಹೆಚ್ಚು ಸುಲಭಗೊಳಿಸಲು ಮುಂದಾಗಿರುವ ಸರ್ಕಾರ ಈ ನಿಯಮವನ್ನು ಜಾರಿಗೊಳಿಸಿದ್ದೇ ಆದಲ್ಲಿ ಗ್ರಾಹಕರು ಸಿಲಿಂಡರ್ ಅನ್ನು ಯಾವುದೇ ಅನಿಲ ಏಜೆನ್ಸಿಯೊಂದಿಗೆ ಭರ್ತಿ ಮಾಡಬಹುದಾಗಿದೆ.
ಎಲ್‌ಪಿಜಿ ಬುಕಿಂಗ್ ನಿಯಮಗಳನ್ನು ಬದಲಾಯಿಸಲು ಸಿದ್ಧತೆ:
ಗ್ರಾಹಕರಿಗೆ ಗ್ಯಾಸ್ ಕಾಯ್ದಿರಿಸುವ ಸಂಪೂರ್ಣ ಪ್ರಕ್ರಿಯೆಯನ್ನು ವೇಗ ಮತ್ತು ಸುಲಭವಾಗಿ ಮಾಡುವ ಬಗ್ಗೆ ಸರ್ಕಾರ ಮತ್ತು ತೈಲ ಕಂಪನಿಗಳು ಚಿಂತನೆ ನಡೆಸಿವೆ. ಕಳೆದ ವರ್ಷ ಹೊಸ ಎಲ್‌ಪಿಜಿ (LPG) ನಿಯಮಗಳನ್ನು ಚರ್ಚಿಸಲಾಗುತ್ತಿರುವಾಗಲೇ ಎಲ್‌ಪಿಜಿ ರೀಫಿಲ್ ಗಾಗಿ ಗ್ರಾಹಕರು ತಮ್ಮದೇ ಆದ ಅನಿಲ ಏಜೆನ್ಸಿಯನ್ನು ಅವಲಂಬಿಸಬಾರದು ಎಂಬ ಬಗ್ಗೆಯೂ ಸಮಾಲೋಚನೆ ನಡೆದಿತ್ತು ಎಂದು ಮೂಲಗಳು ಉಲ್ಲೇಖಿಸಿವೆ. ಅಂದರೆ ಗ್ರಾಹಕರು ಗ್ಯಾಸ್ ರೀಫಿಲ್ ಗಾಗಿ ತಮ್ಮ ಎಜೆನ್ಸಿಯನ್ನೇ ಅವಲಂಬಿಸದೆ ಹತ್ತಿರದ ಬೇರೆ ಏಜೆನ್ಸಿ ಮೂಲಕವೂ
ಎಲ್‌ಪಿಜಿ ಸಿಲಿಂಡರ್ ಅನ್ನು ರೀಫಿಲ್ ಮಾಡಲು ಅನುಕೂಲವಾಗುವಂತೆ ಸರ್ಕಾರ ಮತ್ತು ತೈಲ ಕಂಪನಿಗಳು ಸಮಗ್ರ ವೇದಿಕೆಯನ್ನು ಕಲ್ಪಿಸಲು ಮುಂದಾಗಿವೆ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ - WhatsApp LPG Cylinder Booking: ವಾಟ್ಸಾಪ್‌ನಲ್ಲಿ ಎಲ್‌ಪಿಜಿ ಸಿಲಿಂಡರ್‌ಗಳನ್ನು ಬುಕ್ ಮಾಡಲು ಇಲ್ಲಿದೆ ಸುಲಭ ವಿಧಾನ
ಯಾವುದೇ ಏಜೆನ್ಸಿಯಿಂದ ಎಲ್‌ಪಿಜಿ ರೀಫಿಲ್ ಸಾಧ್ಯವೇ?
ಹಲವು ಸಂದರ್ಭಗಳಲ್ಲಿ ಗ್ರಾಹಕರು ತಮ್ಮ ಸ್ವಂತ ಅನಿಲ ಏಜೆನ್ಸಿಯಿಂದ ಗ್ಯಾಸ್ ಬುಕಿಂಗ್ (Gas Booking) ಮಾಡಿದ ನಂತರ ರೀಫಿಲ್ ಗಾಗಿ ಬಹಳ ಸಮಯ ಕಾಯಬೇಕಾಗುತ್ತದೆ. ಇದಕ್ಕೆ ಅನಿಲ ಸಂಸ್ಥೆಯು ಗ್ರಾಹಕರ ಮನೆಯಿಂದ ದೂರವಿರಬಹುದು ಅಥವಾ ಇನ್ನಾವುದೇ ಕಾರಣವಿರಬಹುದು. ಅಂತಹ ಸನ್ನಿವೇಶದಲ್ಲಿ ಗ್ರಾಹಕರು ಇತರ ಏಜೆನ್ಸಿಯಲ್ಲಿ ಗ್ಯಾಸ್ ಬುಕ್ ಮಾಡಬಹುದು ಎಂಬ ಬಗ್ಗೆ ಪರಿಗಣಿಸಲಾಗುತ್ತಿದೆ. ಅಂದರೆ, ಗ್ರಾಹಕನು ಐಒಸಿಯ ಸಿಲಿಂಡರ್ ಹೊಂದಿದ್ದರೆ, ಅವನು ಅದನ್ನು ಬಿಪಿಸಿಎಲ್‌ನೊಂದಿಗೆ ಅದನ್ನು ರೀಫಿಲ್ ಮಾಡಬಹುದು. ಇದಕ್ಕಾಗಿ ಇಂಡಿಯನ್ ಆಯಿಲ್ (ಐಒಸಿ), ಭಾರತ್ ಪೆಟ್ರೋಲಿಯಂ (ಬಿಪಿಸಿಎಲ್) ಮತ್ತು ಹಿಂದೂಸ್ತಾನ್ ಪೆಟ್ರೋಲಿಯಂ (ಎಚ್‌ಪಿಸಿಎಲ್) ಈ ಮೂರು ಕಂಪನಿಗಳು ವಿಶೇಷ ವೇದಿಕೆಯನ್ನು ರೂಪಿಸುತ್ತಿವೆ. ತೈಲ ಕಂಪನಿಗಳಿಗೆ ಸರ್ಕಾರ ಈ ಬಗ್ಗೆ ಸೂಚನೆಗಳನ್ನು ಸಹ ನೀಡಿದೆ.
ಇದನ್ನೂ ಓದಿ - LPG Offers : 9 ರೂಪಾಯಿಗೆ ಸಿಗಲಿದೆ 809 ರೂಪಾಯಿಯ ಸಿಲಿಂಡರ್..!
ಇದಕ್ಕೂ ಮೊದಲು ಕಳೆದ ವರ್ಷ 2020 ರ ನವೆಂಬರ್ 1 ರಂದು ಸಿಲಿಂಡರ್‌ಗಳ ಬುಕಿಂಗ್‌ಗೆ ಸಂಬಂಧಿಸಿದಂತೆ ಕೆಲವು ಬದಲಾವಣೆಗಳನ್ನು ಜಾರಿಗೆ ತರಲಾಯಿತು. ಇದರಲ್ಲಿ ಗ್ಯಾಸ್ ಸಿಲಿಂಡರ್ ಬುಕಿಂಗ್ ಒಟಿಪಿ ಆಧಾರಿತವಾಗಿರುವುದು ಬಹುಮುಖ್ಯ ಬದಲಾವಣೆಯಾಗಿದೆ. ಇದರಿಂದಾಗಿ ಬುಕಿಂಗ್ ವ್ಯವಸ್ಥೆಯು ಹೆಚ್ಚು ಸುರಕ್ಷಿತ ಮತ್ತು ಉತ್ತಮವಾಗಿರುತ್ತದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
